Gálatas 6:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Qam caỹim, sqaica ma' sa'maxaren quet quiyim ñimaqajan, ta'ta'a quedá'maq lelauaxa so qara'gaxala' Jesucristo na' qaipateno queso npatenaxala'. Ma' chicqochigui so npatenaxala' so Cristo, ca' caỹim 'ec ileu ná'maq 'ueenataxac hueetalec na 'laua, chaqai aỹim 'ec yileu quená'maq 'ueenataxac hueetalec na 'laua.

Gálatas 6:14 Iomraidhean Croise

Lucas 20:16

Ma' novita, ca nalauajñi so no'ueenataxanyipi. Ime, ca' ỹaanem ca liỹa 'ueenataxanaxaiquipi so 'laua. Ca co'na' qara'xaỹa dajo, ca 'neraco': —¡Saxanchi' sqai 'ne'tegue dajo ñi qota'olec!

Romanos 1:16

Ca' ỹim se ñayiloxonlec da na'qaataxac so Jesús, ma' da'maxare lquesaxanaxa ñi qota'a, ma' ishit nca'laxatec ná'ogue ná'maq huelec. 'Aueta nqai'en na judioipi, qam qai'neeta ná'maq sqai judioipi.

Romanos 6:2

¡'E', mesqaida! Ma' mashic 'eco' shi'gue qareleu quena nasauaxaset. Ca' ¿chi'negue queta' lotqai liỹa qolqatalec na'maxare?

Romanos 6:6

Sa'deenaq quiyim dá'maq 'auaxaic qano'ueenataxac shi'gue qaipateno liỹaatashiguim nqohin so Cristo, qaiyi sogui dá'maq lquesaxanaxa da qano'ueenataxac ma' sauaqhuaic, ca' qaiyi tot ilareta'pe qomi' da nasauaxaset quiyim 'ec ca qana'co'.

1 Corintios 1:23

Qam qomi' sa'xatqatac da na'qaatec na' so Cristo qaipateno. Na judioipi quena' 'xaỹa da na'qaataxanaxac, ca ỹaatqajam npocoxolec, chaqai quena mesqai judío laseripi quena' 'xaỹa, 'eco' 'nejem ca chaqai mogollishic nqai'en.

1 Corintios 15:58

Ca' vichiguiño' qamiri ñauochaxaua' ỹaqaỹa', sqaico' ca nqovilliguiỹaque, ỹaatqajam quiito'ot 'viichitac da lo'ueenataxanaxac so qara'gaxala'. Ma' qamiri 'yiiñita da ro'ueenataxanaxaguii quiyim 'ueenataxañitacot so'maxare, ma'le ỹaatqajam 'ue ca 'negue.

1 Corintios 2:2

Qam na' salequetauguilo qamiri sqaica ca liỹa sahotaque sa'den, qaisoota so Jesucristo só'maq qaipateno.

1 Corintios 3:21

Vichiguiño' qaica ca nemaqajan caqamiri quiyim ỹa'queetalec ca chaqai qom, ma' ná'ogue nanchaqaina huelecna chi ralamaxachii:

2 Corintios 11:12

Qam ỹim shiquetalec quiyim qaidaata dá'maq shintari' queda so'ueetetac, qaiyi qaica ca lligo ná'maq chi ỹahotaque cá'maq chicqochigui quiyim 'ue ca netoonaxac, 'nejme' qomi'.

Gálatas 1:4

só'maq nañaañiguit na'le da lelauaxa sauaxat naua qarasauaxasete', qaiyi nca'laxaterec qomi' quená'ogue na se no'uen huelec na 'laua. Ca' ipacqajanchigui dá'maq ỹahotaque ñi qota'olec coqomi'.

Gálatas 2:17

Ca' nagui qomi' no'm sahoqotaque quiyim ỹa'maxarente' qomi' ñi qota'a chicqochigui nqai'en so Cristo, ca re'oq quiyim qomi' qai'neete' qomi' sauaqhuaqa, ca ¿peeta'a chaqaiso' só'maq Cristo só'maq ỹo'uet quiyim qomi' sauaqhuaqa? ¡'E', hua'iquet!

Gálatas 2:19

Ma' ỹim 'ec shi'gue yileu, qaiyi sqaỹim lelaatec ná'maq naqataxaquipi chicqo'ot so Moisés. Ma' chaqaiso só'maq naqataxaquipi só'maq ỹo'uet quiyim yileu, qaiyi dá'maq ñachaalataxac taỹot ñi qota'a.

Gálatas 2:20

Ma' ỹim 'eco' shi'gue yileu, iỹaatashiguim so Cristo na' qaipateno. Vichiguiño' ca mese ỹalamaxaret nagui dá'maq santañi ñachaalataxac, ca' chaqaiñi ñí'maq Cristo ñí'maq nachaatetaugui aỹim. Ca dá'maq ñachaalataxac nagui chicqochigui da ipi'ỹaxac queso llaalec ñi qota'a, ma' yi'xoren, ca nañaañiguit da lelauaxa caỹim.

Gálatas 3:21

Ca dá'maq naqataxaquipi chicqo'ot so Moisés, ca ¿npa'guenaxauo' dá'maq ỹachaxantac na'le ñi qota'a? 'E', mesqaida. Ma' quet qoỹaaneco' na'le ca naqataxac quiyim ca'laqataxan, ca' qaishit queta'le quiyim 'ue ca qaỹa'maxarenta quiñi qota'a quiyim ỹo'uet cajo naqataxac.

Gálatas 5:24

Chaqai ná'maq mashic lalamaxaret so Cristo, shi'gue 'ec pateno na loshicmaxa queso npatenaxala', liỹaatashiguim ná'ogue ná'maq chi lqo'itaxanqachic chaqai ná'maq loiquipi.

Filipenses 3:18

Chaqai mashic 'xoic shinqatapegalo qamiri, qam qaiyiita liỹa shinac caqamiri chaqai vire'ta quiyim niñitesañi naua ỹachi', ma' mashic 'xoic na npa'guenaxaua da lelauaxa so Cristo na' qaipateno queso npatenaxala'.

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

Colosenses 2:20

Ma' qamiri quiita'ñi' so Cristo na' ileu, ca' le'en dá'maq chi ra'deenataxanaxaguii quiyim 'yiiñitapega ná'maq re'qoochigui. ¿Chi'neco' ná'maq 'viichitac ma' 'ñiitari' ná'maq hueetalec na 'laua? Ca 'viichitac na napaxaguinataxaquipi