Gálatas 6:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Vichiguiño' quiyim 'ue ca seshitaq so'ueetaq, ca 'ue ca so'ueetaq ỹa'maqachiguiñi quená'ogue na qomyipi, qam paguec quená'maq chi qarpi'ỹaxauaripi.

Gálatas 6:10 Iomraidhean Croise

Eclesiastés 3:12

Ỹim sa'den quiyim dá'maq paguec la'maxa quiyim ỹo'uet ca qom, reualaxaitac chaqai ỹo'uet cá'maq ỹa'maqachiguiñi queda nachaalataxac.

Eclesiastés 9:10

Chaqai quecá'maq ralo'isalec quiyim 'viichi', ca' ỹaatqajam qamaxachite'; ma' cañi napal lahi' añí'maq i'sa'ñigui, qaica cá'maq qaỹo'uet chaqai qaica ca na'deenataxanaxac, ca na'deenec chaqai ca na'deenaxanaxa.

Mateo 10:25

Vichiguiño' ca napaxaguinatec ỹa'maqachigui quet lauel quiyim ỹovireta'a quiyim 'nejem ca napaxaguinatqo', chaqai ca nelaatec ỹovireta'a quiyim 'nejem ca na'co'. Ca no'm cá'maq nashi queca na'a' qaỹamata'gue lashi na se re'xogui lecmaxaiquipi, ¿mesqai pagueco' la'aaxa cá'maq qaỹamata'gue na llaalqaipi ma'le?

Mateo 12:50

Ma' canchaqaica quiyim ỹo'uet dá'maq ỹahotaque ñi ita'a qota'olec neeta'gue da piguim, ca chaqaica cá'maq ỹaqaỹa ỹale, ỹaqaỹa 'aalo, chaqai ỹate'e.

Mateo 25:40

Ca cá'maq nashi 'naac ma'le quesaua'maxare: “Ỹaatqajam llic da shinac caqamiri, quená'ogue ná'maq 'ñii'tegue quena ỹaqaỹaripioqui' 'ec qaica ca 'negue, ca' dajo 'ñii'tegue caỹim.”

Mateo 5:43

Qai'neeta ỹaatqajam 'xaichigui dá'maq na'qaatco' nallaaqo' 'neetasa': “'Xoriñi' ca riỹa'e', qam ỹaatqajam ramaqaira'gue ca npa'guenaxaua'e'.”

Marcos 3:4

Co'na' ime, ca inato' so qomyipi: —¿Negue' cá'maq qaỹa'maxarenta quiyim qaỹo'uet quiyi na'xa'a co'mataxaqui, cá'maq ỹa'maqachiguiñi, loqo'm ca se ỹa'maxañi? ¿Qanca'laxatec ca qom, loqo'm qaỹalauat? Qam saua'maxare i'marete', qaica ca retaqa.

Lucas 6:35

Qalaxam qamiri 'xoriñii cá'maq pa'guenta'pe qamiri, chaqai 'maxachi'tegue na qom, 'ỹaañiuec ca na'ualec. Qam se ỹa'maxañi quiyim 'ue ca naquichita'a, qaiyi ỹaatqajam lodegaxat ca nishiuetenaxaguii, chaqai ỹaatqajam qamiri llaalqa ñi qota'olec ñí'maq paguec lecaic. Ma' ñi'maxare ỹaatqajam 'xorenataxanaxaic, i'xoren ná'maq se ỹa'deena'a da na'agaxa chaqai ná'maq nocqaiquipi.

Juan 12:35

Ca' so Jesús 'naaco' queso qomyipi: —Nagui ma' ñaqai hueetauguilo qamiri najo lcoỹeraqate na 'laua, qam sqoỹoxouec quiyim ỹalequetauguilo qamiri. Ca' quiitaugui dajo lauaq ma' ñaqa 'ue, qaiyi se i'laxate' qamiri ca napalaxa. Ma' cá'maq queetaugui ca napalaxa se ỹa'den cá'maq taigue.

Juan 9:4

Nagui ma' ñaqa 'ue na na'xa'a, ca so'uet dá'maq lo'ueenatec ñí'maq yila'; ma' naata ca pe, ca ma'le, ca' qaica ca ishit ro'ueenataxan.

Hechos 6:7

Ca' da la'qaatec ñi qota'a lama'xa nqo'neetauec, ca 'xoic na icoñiguit da na'qaatec quiyi Jerusalén. Vire'ta na netaxaỹaxanqajnec quena judío laseripi ỹacoñiguit da na'qaatec quiyim pi'ỹa'a.

2 Corintios 2:8

Vichiguiño' nagui liỹa yipaca'alo qamiri quiyim re'qoota nqai'ñii ca re'xorenataxanaxahi queca'maxare.

Gálatas 1:23

Ta'ta'a quiyim chaqai 'qaateguelco' quen aỹim co'quena' qohinac: “Só'maq ỹale ỹocanta'pe quen qomi' na'le, qam nagui ỹa'xatetac dá'maq leloxoỹaxac da npi'ỹaxac, dá'maq ỹahotaque iuagaxatac quen quesom.”

Efesios 2:19

Ca vichiguiño' qamiri 'eco' totqai ỹoqa'a ca chigoxoỹa'gue quiyim 'ec ỹoqa'a quet na ñiitalec 'laua. Ta'ta'a quiyim ỹaatqajam ra'aayaxauahi ná'ogue ná'maq lalamaxareteripi ñi qota'a, chaqai ỹaatqajam qamiri lauo' laseripi ná'maq llaalqaipi ñi'maxare.

Efesios 3:15

ñí'maq chicqo'ot quiyim qaicoñiguit da leenaxat quená'maq ỹoreta'oguit qomyipi neetalec na 'laua chaqai ná'maq lelaatqaipi hueeto'ot na piguim.

Efesios 4:28

Cá'maq rocachitaco' quen, ca' 'maxaraic ỹaxanñi da locataxac; ta'ta'a quiyim ro'ueenataxan, qaiyi ishit ỹotauan cá'maq 'ue ca louenaxanaxa.

Efesios 5:16

Ca' nquipichiỹa'pegueto naua na'xata' quiyim 'viichii cá'maq no'uen, ma' quenauajo na'xata' 'xoic na qaỹo'ueetetac so no'uen.

Filipenses 4:10

Ca' 'xoic da ñitoonaxac queso qara'gaxala' ma' qamiri lotqai liỹa o'lliinchii'a aỹim. Qam mesqai shinac quiyim couahi'e aỹim, ta'ta'a quiyim qaica ca redaaqari quiyim yotauañii.

Colosenses 4:5

Ỹaatqajam na'deenaxanqachiñii quena' taxaiỹa'pegue' ná'maq saqa' icoñiguit da na'qaatec. Nquipichita'pegueto nauá'maq no'viiñi na'xata' quiyim 'ue ca redaaqari.

1 Tesalonicenses 5:15

Chaqai richilliỹa'ta' quiyim qaica ca ỹopilaxajlec ca se no'uen ca liỹa. Ta'ta'a quiyim 'viichii ca ỹa'maqachiguiñi quiñi 'óna caqamiri chaqai quená'ogue na liỹa qomyipi.

1 Tesalonicenses 5:21

Qam 'guiñii ná'ogue, ca cá'maq ỹa'maqachiguiñi, ca' chaqaica cá'maq 'maxachii.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Tito 3:8

Ca' dajo sa'xatetac dá'maq ỹaatqajam lliqueta. Ca' vichiguiño' sahotaque quiyim repaquira'a 'xachi' dajo, qaiyi ná'ogue ná'maq huelec ñi qota'a nquipita'pegue' quiyim ỹo'uet ca ỹa'maqachiguiñi. Ma' dajo sa'xatetac 'xoic loyac chaqai ỹa'maqachiguiñi quená'ogue.

Hebreos 13:16

Chaqai se couahi'e quiyim 'viichitac cá'maq ỹa'maqachiguiñi, chaqai quiyim nouañii'te' cá'maq riỹahi quecá'maq 'ue caqamii, ma' dajo nachitaxanataxanaxac chaqaida dá'maq ỹa'maxarenta ñi qota'a.

Hebreos 3:6

Qam so Cristo ma' ñaalec paguec ỹaqamaxateta da lo'ueenataxanaxac quiyi la'a' ñi qota'a, yijo na'a' chaqainaua naua qomi' naua'maxare, no'm qolqatalec ña'ñaxatqa'chiguiñi queda qarpi'ỹaxac chi ỹovireta'a ca lqodoc, ñitoonqata'gue ma' 'ue da qanaquitaxac.

Hebreos 6:10

Ma' ñi qota'a ỹaatqajam ipaquichigui nqai'en da la'qaatec, chaqai se coua'e dá'maq 'ñiitari' ma' chaxañita da re'xorenataxanaxahi quiñi'maxare quena' tauañii na qarqaỹaripi qarpi'ỹaxauaripi, dá'maq ñaqaida quiitalec 'viichitac.

1 Pedro 2:5

Ca' qamiri qai'neeta 'ñiitari' ca qa' nca'leetauec, ca 'xañiỹac ñi qota'a quiyim ỹouene' qamiri, ca ro'ueenataxanalo qamiri queca lo'ueenaxanaxaqui se re'xogui, chaqai quiyim letaxaỹaxanqajanqa qamiri na qomyipi quiyim taxaỹa'pegue', quiyim nañaañi'tot ñi qota'a. Ca' 'ỹaañitapego na rachitaxanataxanaxachii se re'xogui, chicqochigui so Jesucristo, acá'maq ishit icoñi'chiguit ñi qota'a.

1 Pedro 4:17

Ma' mashic ỹovita yi laloqo' quiyim qaimit na lalamaxareteripi llaalqaipi ñi qota'a. Chaqai no'm dá'maq nimiitaxanaxac ỹovirouguilo qomi', ¿negue' cá'maq 'neeto' ma'le ca lqodoc ná'maq se na'xaỹaxana da la'qaatec ñi qota'a?

1 Juan 5:1

Ná'ogue ná'maq 'ue ca lpi'ỹaxac quiyim so Jesús chaqaiso só'maq nashi nca'laxaqui, ca' llaalec ñi qota'a. Chaqai quiyim qai'xoren ca neta'a, ca' qai'xoren qai'neeta na llaalqaipi cajo neta'a.

3 Juan 1:10

Ca' vichiguiño' no'm shic, ca' ño'lashiguim da'maxare quedá'maq 'neetari' ỹa'xatetac na la'axaic chaqai na'majanteguelgoto qomi'. Qam se ỹa'maxagui lauel quedajo, ma' qai'neeta se icoñiguit ná'maq qarqaỹaripi ỹoviretapego. Chaqai ná'maq ỹahotaque icoñiguit na'maxare, ca se ỹa'maxaren. Ca' se ỹasenem chaqai ỹo'daauec ca'e nqai'en ná'maq mashic icoñiguit da na'qaatec.

3 Juan 1:11

Qami' ñauochaxaua ỹaqaỹa, 'neeto' lotqai quire'uegue da se no'uen 'ueenataxac. Ta'ta'a dá'maq ỹaatqajam no'uen. Cá'maq ỹo'uet ca ỹa'maqachiguiñi, ca'maxare lalamaxaret ñi qota'a, qam cá'maq ỹo'uet ca se no'uen, ca' se iuana ñi qota'a.

3 Juan 1:3

Ma' 'xoic da ñitoonaxac na' 'vii saua qarqaỹa' novite', na' ỹa'xatesapiguim dá'maq raqamaxa'e', ma' ỹaatqajam qui'salec da na'qaatec lliqueta.