Gálatas 6:1 - La'qaatqa ñi qota'olec Qota'olec & Qota'olec Novita Na Qomyipi

¹ Qamiri ỹaqaỹa', no'm 'ue ca 'óna caqamiri ỹo'ma'guit ca lasauaxaset, ca' qamii ma' mashic ta'ñiguilo so Espíritu, ca' tauañii, qaiyi ne'laxashiguim. Qam chicqochigui nqai'ñii añi re'taxanatahi ca neneequesenaxaguii. Chaqai ca 'óna no'm ỹo'uet, qam netelañi, 'neeto' lotqai ca'maxare qai'neeta qai'guen.

Gálatas 6:1 Iomraidhean Croise

2 Samuel 11:2

Ca 'uo' so avit co'na' ne'laxashiguim so David chicqojlec so lomala', ca taashi'megue na lelaq so 'imec lodegaxat. Ca' chi ỹouootegueri', ca idaanto'o' aso 'aalo ỹaatqajam lo'yaxana nachiltac.

Ezequiel 34:16

Sedaanaque ma'le aná'maq qagreta na'laañi, ño'deuo aná'maq ỹo'maauec, aná'maq qagaxai sa'ue ca laxa' na lichi, sotauan aná'maq ỹolaaueta, chaqai scochiỹa aná'maq no'ueenta chaqai 'uegaxasaxa. Ca' ỹim ná'maq ỹaatqajam scochiỹa ma'le.

Mateo 11:29

Coñiguit ná'maq i'ỹaaquioxola' sanaguilo qamiri, nañaañi'chiguit aỹim quiyim sapaxaguiñii, ma' ỹaatqajam ỹim hualaxauaic chaqai neneequesenaxai añi i'taxanata, ca' nachiỹa ma'le ca nco'mataxac da nachaalataxaguii.

Mateo 26:69

Co'na'le, ca' so Pedro nqa'xantañi pa'aatauec quiyi nasoxoc. Ca 'uo' aso nelaata nqo'neuo' queso'maxare, ca 'naaco': —Qami' qai'neeta riỹa'isac quen da Jesús dá'maq le'ec yi Galilea.

Mateo 26:75

Co'na'le, ca' so Pedro ỹo'leente'te dá'maq 'naaco' na'le so Jesús: “Ma' saqa' noỹen ca huaqa'e, ca' qami' tres noqollicchitegue aỹim.” Ca' so Pedro ta'oguiyi, ca ỹaatqajam noỹen.

Mateo 9:13

Mohi, quii, ca' napaxaguiñiỹa dá'maq leloxoỹaxac yi naneretañi la'qaatec ñi qota'a 'naacsa': “Ỹim sahotaque 'xoriñii ca riỹahi. Mesqaida quiyim 'ỹaañiuo quiyim qaỹavigaxat ca rachitaxanataxanaxachii isecỹac.” Ma' ỹim se ñanac quiyim soỹaxana cá'maq 'deenataxanaxai, ta'ta'a ná'maq sauaqhuaiquipi, qaiyi netacocha, ca ỹaxañiñi naua lanatqa.

Romanos 14:1

No'm 'ue ca saqa' ra'ñi ca lpi'ỹaxac, ca coñiguit, qam sqai taxahita'guit quecá'maq sqailligueme' ỹaataq ca leloxoỹaxac.

Romanos 15:1

Ca qomi' ma' mashic ra'ñi da qarpi'ỹaxac, ca' seconaxaguit quecá'maq 'neetari' ca qarqaỹa saqa' ra'ñi ca lpi'ỹaxac, mesqai chi ñimaqachinqateguelta'.

Romanos 8:6

Chaqai quiyim qaỹa'deentapega dá'maq chaqai qom no'ueenataxac, ca' taata'a yi nelauaxa. Qam quiyim qaỹa'deentapega da lo'ueenataxanaxac so Espíritu, ca' qaỹauequeta'a da nca'laxa chaqai da na'maxa.

1 Corintios 10:12

Ca' vichiguiño' quiyim 'ue ca 'neetapega ra'ñichiguiñi, ca' no'uen quiyim netelañi, qaiyi sqai huaañi.

1 Corintios 14:37

No'm 'ue ca pe'taxantaque quiyim mashic la'qaataxanqajnec ñi qota'a, loqo'm pe'taxantaque quiyim mashic icoñiguit so Espíritu Santo, ca 'maxaraic quiyim ỹa'deena'a dá'maq seretegueñi caqamiri, ma' da'maxare laqataxac so qara'gaxala' Jesús.

1 Corintios 2:15

Qam ca qom neetagui so Espíritu ishit ra'ỹaauec ná'ogue nanchaqaina, qam ca'maxare qaica ca ishit nimichiguit.

1 Corintios 3:1

Ca' quedá'ogue dajo, ỹaqaỹarolqa, aỹim se seshit quiyim setaqauguilo qamiri shintari' meca qom mashic neetagui so Espíritu Santo. Chaqaidaata quiyim shintari' ca qom ñaqai queetaugui da la'aachicyaxac, ma' qamiri 'eco' ñaqai noctoqui' da rpi'ỹaxaguii queso Cristo.

1 Corintios 4:21

Qam ¿negue' ca repaguitaque sodolgoto ma' sovitalo qamiri? ¿Peeta'a 'maxariñita quiyim qamiri soda'alo ca ỹouaxanaxanaxat, loqo'm ca i'xorenataxanaxa chaqai sichirete' qamiri?

1 Corintios 7:5

Se ỹa'maxañi quiyim 'ue ca se nasen caqamiri, ta'to'o' no'm na'yiiñiỹata' quiyim vii ca raloqojñigui quiyim sqa qamiri napa' quiyim viitaque ralamaxaijlec ca nqouagaxainaxaguii. Qam ma' ime, ca lotqai qamiri napa'. Ma' no'm 'ue ca se nasen, ca sqoue ca se nalo'guit ca 'neeta, ca' so na'ỹaapec 'ue ca lligo quiyim ỹa'ue ca nasauaxaset.

2 Corintios 10:1

Aỹim Pablo, ñi'xoresentouguilo qamiri, sahote'e da neneequesenaxac chaqai da lqouagaxa so Cristo. Qohinaco' quen quiyim aỹim neneequesenaxai quena' salequetauguilo qamiri, qam ỹaatqajam quesaxañi naua ỹa'qaatqa quena' qoỹoqo'ta aỹim.

2 Corintios 2:7

Ca' paguec la'maxa quiyim 'xoriñitac ca'maxare, palaxachii ca lasauaxaset, chaqai lo'daqaiñitac, 'neeto' caapeguem da lachicoxo.

2 Corintios 2:8

Vichiguiño' nagui liỹa yipaca'alo qamiri quiyim re'qoota nqai'ñii ca re'xorenataxanaxahi queca'maxare.

Gálatas 5:23

se nemaqajnaxai, chaqai netelalta'. Ca' qaica quet cá'maq naqataxac ishit quepaxate' nauajo.

Gálatas 6:18

Qamiri ỹaqaỹa', so qara'gaxala' Jesucristo ỹaanema qamiá'ogue da lqouagaxa. Ajá'a, ca' chaqaida 'neeta dajo.

1 Tesalonicenses 4:1

Ca nagui qamiri qarqaỹa', ñi'xoresenqa'toto chaqai saqataxalo qamiri, sahoqota'ahi da leenaxat so qara'gaxala' Jesús, quiyim quiijlec da leloxoỹaxac dá'maq sapaxaguinaxaque qamiri, qaiyi qaỹa'maxarente' qamiri quiñi qota'a, ca chaqaida dá'maq quiitalec, nqo'neetauec nqai'ñii.

2 Tesalonicenses 3:15

Qam sqai 'ñiita'gue ca npa'guenaxauahi, ta'ta'a quiyim qachiỹa 'maxachii'tegue, 'ñiita'gue ca rqaỹahi.

2 Timoteo 2:25

chaqai neneequesenta quiyim ralamqataxan quená'maq pa'guenaxantac, sha'apiguito' quiyim ñi qota'a netogochigui lauel nqai'en, ma' ỹahotaque quiyim ỹa'den dá'maq ỹaatqajam lliqueta,

Hebreos 12:13

chaqai daañiỹaque so nayic ỹalamqata, qaiyi imeuec cá'maq nipia' se ra'ñiigue chaqai tot liỹa namaqatari'.

Hebreos 13:3

Chaqai 'neeto' couahi'e na ncoñiitecseripi, 'ñiita'gue quiyim 'ec ncoñiitaxauahi. 'Yiiñitapega ná'maq se qaỹa'maxata'gue, ma' qamiri qai'neeta 'ue na roshicmaxahi ishit ỹovirau'a ca le'xoric.

Santiago 3:13

No'm 'ue ca 'óna caqamiri ỹajnaxaraic chaqai ỹaatqajam 'xoic ỹa'den, ca no'uen quiyim ỹachaxan da ỹa'maqachiguiñi no'ueenataxac chaqai da neneequesenaxac dá'maq chicqaugui da la'deenec.

Santiago 3:2

Ma' qomá'ogue 'xoic na qaro'maxaquipi. Qam no'm 'ue ca se ỹo'maac quiyim 'ue ca ỹa'xat, ca' ỹaatqajam 'maxaraic ỹale, ma' ỹaatqajam ỹa'den quiyim nollaañi dá'ogue da no'ueenataxac.

1 Pedro 3:15

Ta'ta'a quiyim maqachiñii so Cristo quiyim la'gaxala' añi re'taxanatahi. Chaqai quiyim na'maxachitañi quiyim 'ue ca renachii quecá'maq 'maxaraic llicyaxac dá'maq naquitaxaguii, qam niñiiquishiñita chaqai se napacqajñii.

1 Juan 5:16

Ca no'm 'ue ca iuana ca lqaỹa quiyim 'ue ca lasauaxaset se ỹauequeta'a yi nelauaxa, ca' nqouagaxain. Ca' ñi qota'a ỹaanem da nca'laxa cajo nqaỹa, no'm quená'maq nasauaxaset se ỹaueca'a ca lelauaxa ca qom. Ma' 'ue na nasauaxaset ỹaueca'a ca lelauaxa ca qom, ca quecajo nasauaxaset sqai shinac quiyim qanqouagaxainlec.