Gálatas 5:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qamiri ỹaatqajam 'maxaraic dá'maq 'ñiitari' na'le. Qam ¿nega'ỹo' cá'maq ỹo'uet quiyim totqai viilec dá'maq ỹaatqajam lliqueta?

Gálatas 5:7 Iomraidhean Croise

Mateo 13:21

Qam ma' sqoỹoxo'ñiguilo naua lpa'yii, ca' se ra'ñi. Ma' quena' 'ue da le'xoric quena nocanaxaquipi souetapigui da na'qaatec, ca' qoshiiuec.

Hechos 6:7

Ca' da la'qaatec ñi qota'a lama'xa nqo'neetauec, ca 'xoic na icoñiguit da na'qaatec quiyi Jerusalén. Vire'ta na netaxaỹaxanqajnec quena judío laseripi ỹacoñiguit da na'qaatec quiyim pi'ỹa'a.

Romanos 10:16

Qam mesqai ná'ogue na'xaỹaxana da na'qaatec chicqaugui da nca'laxa. Ca' ipaquichigui nqai'en na'le so Isaías co'na' 'naac: “Qami' ỹa'gaxala', ¿nega'ỹo' cá'maq na'xaỹaxana ma'le da qara'qaatec?”

Romanos 15:18

Ma' se seconejlec cá'maq sa'xat quiyim saqa' ỹo'uet so Cristo ỹachigoxochichigui aỹim, qaiyi ná'maq sqai judioipi ishit na'xaỹaxana ñi qota'a. Qam dajo chicqochiguilo naua ỹa'qaatqa chaqai ná'maq ỹo'ueenataxanaxaquipi,

Romanos 16:26

Qam nagui, ca' qaichoxot, chicqochigui nqohin naua naneresañi na'qaatqa no'ueenaqterañi na'le saua 'auaxaqa letaxaỹaxanqajanqa ñi qota'a, dá'maq relaataxanlco' na'le ñi qota'a sqaica lqodoc. Dajo se re'xogui lo'ueenataxanaxac ñi qota'a nagui, ca' qaichoxotem ná'ogue na ỹoreta'oguit qomyipi quiyim huelec chaqai na'xaỹaxana.

Romanos 2:8

Qam ỹaatqajam ro'o quiyim ỹa'ue ca nouaxanaxaset ná'maq chaqai ỹoiquentac dá'maq 'neeta'pegue, ca' se na'xaỹaxana dá'maq ỹaatqajam lliqueta na'qaatec, qainaata na se no'uen queeta'uegue.

Romanos 6:17

Qam 'ue da qana'aachic quiñi qota'a caqamiri, ma' quesom qamiri loiquenatqa na se no'uen, qam nagui ỹaatqajam na'xaỹaxañii'ta dá'maq leloxoỹaxac da napaxaguinataxanaxac mashic qoỹaanema qamiri.

1 Corintios 9:24

Qamiri mashic 'yiiñita quena' 'ue ca lliquinaq ná'ogue nalliquin, qam 'oonoqui' ca ỹacoñiguit ca laueguec. Ca' qamiri ỹaatqajam nalliquiñii, qaiyi coñiguit ma'le ca raviguiguii.

2 Corintios 10:5

Vichiguiño' qomi' seuagaxatqac ná'ogue nanchaqaina nasauaxaseteripi chaqai canchaqaica maqajnaxac quiyim ỹahotaque se qaỹa'den ñi qota'a. Chaqai ná'ogue ná'maq chi la'deenataxanaxac na qom saanqot so Cristo, qaiyi qana'xaỹaxana so'maxare.

Gálatas 2:2

Saigue da'maxare, ma' ñi qota'a ỹa'ue so iuanaxanaxac quiyim saigue da'maxare. Ca na' seueta'ñi yi Jerusalén, ca' 'ue so netaxaỹaxac, qam qaỹoỹooteta'oga quesó'maq mashic qaỹa'yiinchigui na'gaxalateripi. Ca sa'xatema dá'maq 'neeta dá'maq na'qaatec chicqaugui da nca'laxa dá'maq sa'xatetac quena sqai judioipi. Shi'ntegue dajo, ma' se sa'maxaren quiyim sqaica ca 'negue nqohin dá'maq shi'gue so'ueetetac chaqai dá'maq so'ueetetac nagui.

Gálatas 3:1

¡Aicuéra caqamiri Galacia lase', ỹaatqajam qaico' ca ra'deenataxanaxaguii! ¿Nega'ỹo' cá'maq ỹachi'iñi qamiri quiyim sqai viilec dá'maq na'qaatec ỹaatqajam lliqueta? Ma' quesó'maq 'avichiguiñi qara'qaataxanaxac ỹaatqajam sachaxanqa'tema qamiri so Jesucristo na' qaipateno queso qo'paq.

Gálatas 5:10

Qam ỹim 'ue da ñaquitaxac queso qara'gaxala', chaqai caqamiri quiyim mesqai ỹoqa'a nqai'ñii ca ra'deenataxanaxaguii; qam ñi qota'a ỹa'ue ma'le ca nouaxanaxaset cá'maq canchaqaica sqai ỹaxana'pe qamiri.

2 Tesalonicenses 1:8

Ma' novi' so'maxare, ca' ỹa'ue ca nouaxanaxaset ná'maq se ỹa'deenapega ñi qota'a chaqai se na'xaỹaxana da na'qaataxac so qara'gaxala' Jesucristo.

Hebreos 11:8

Ma' 'uo' da lpi'ỹaxac so Abraham, ca na'xaỹaxanto' na' qaroỹaxana quiñi qota'a, ca' eec quepegue' cá'maq shim qoỹaanem quiyim lalamaxaret quiñi qota'a. Ca'e yí'maq neetalec 'laua, qam se ỹa'den cá'maq taỹa'gue.

Hebreos 12:1

Ca' vichiguiño' qomi', ma' mashic 'xoic na qom seuqatañigui re'qoota da lpi'ỹaxac, ca 'maxaraic quiyim saxanaxañi ná'ogue ná'maq qara'paxat chaqai ná'maq nasauaxaset qara'peetapigui. Ca ñi'guenaxashiguim, qolaxalec da qanalliquinaxac quedá'maq seloxoiqa'gue.

Hebreos 5:9

Ma' so'maxare ỹaatqajam qanaloqojonchiguiñi da no'ueenataxac, ca ỹovirau'a quiyim chicqochigui nqohin dá'maq nca'laxa sqaica lqodoc quená'ogue ná'maq huelec so'maxare.

1 Pedro 1:22

Ca' nagui qamiri, ma' mashic na'xaỹaxañiỹa dá'maq na'qaatec lliqueta chicqochigui so Espíritu Santo, ca' nachinñi nqai'ñii da nachaalataxaguii quiyim ỹaatqajam 'xoriñii ca rqaỹahi. Ca' chaqaida quet 'ñiita'gue quiyim ne'xoriñiỹata', lliichigui añi re'taxanatahi chaqai quedá'ogue da rquesaxanaxahi.