Gálatas 5:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Chaqai ná'maq mashic lalamaxaret so Cristo, shi'gue 'ec pateno na loshicmaxa queso npatenaxala', liỹaatashiguim ná'ogue ná'maq chi lqo'itaxanqachic chaqai ná'maq loiquipi.

Gálatas 5:24 Iomraidhean Croise

Romanos 13:14

Ta'ta'a quiyim ỹaatqajam 'goxoñiỹa so qara'gaxala' Jesucristo, chaqai totqai 'yiiñiỹapega quiyim quiitalec na se no'uen lamaanaxanqachic na roshicmaxahi.

Romanos 6:6

Sa'deenaq quiyim dá'maq 'auaxaic qano'ueenataxac shi'gue qaipateno liỹaatashiguim nqohin so Cristo, qaiyi sogui dá'maq lquesaxanaxa da qano'ueenataxac ma' sauaqhuaic, ca' qaiyi tot ilareta'pe qomi' da nasauaxaset quiyim 'ec ca qana'co'.

Romanos 8:13

Ma' no'm qamiri qaidaata quiita'uegue na lqo'itaxanqachic na roshicmaxahi, ca' rillivii. Qam no'm chicqochigui nqai'ñii so Espíritu, ca' ileu nqai'ñii da lqo'itaxanqachic na roshicmaxahi, ca' rca'lliuec ma'le.

Romanos 8:9

Qam qamiri totqai quiita'pegue' da lqo'itaxanqachic na roshicmaxahi. Ta'ta'a quiyim quiita'pegue' da lo'ueenataxanaxac so Espíritu, no'm llic neetauguilo qamiri so ne'Espíritu ñi qota'a. Ma' cá'maq sqai neetagui so Espíritu chicqo'ot so Cristo, ca ca'maxare se lalamaxaret so'maxare.

1 Corintios 15:23

Qam quiñi 'óna ỹaatqata quecá'maq chi lalamaxat noỹaxanaxac. Qam só'maq Cristo só'maq 'au nca'leuec nqohin. Ime, ca lotqai qalam ná'maq lalamqateripi so Cristo, ma' liỹa rapil.

1 Corintios 3:23

Chaqai qamiri lalamaxarete' so Cristo, chaqai so Cristo lalamaxat ñi qota'a.

1 Corintios 6:13

Ỹaatqajam llic dá'maq qohinac: Quiyim na na'ic qaỹo'uet quiyim taỹa'ña añi qaracom, chaqai añi qaracom qaỹo'uet qaiyi taỹapi'ña na na'ic. Qam ñi qota'a ỹomate' ma'le ñaua dos. Qam dá'maq sqai llic quiyim na noshicmaxa tau'a nqohin ca dequenaxac. Chaqaidaata quiyim lalamaxat nqohin so qara'gaxala', qaiyi ma' novi' so qara'gaxala', ca nca'laxatec na qaroshicmaxa.

2 Corintios 10:7

Qamiri ra'iitapigui na chaqai qom. Ca no'm 'ue ca 'neetapega ỹaatqajam queeta'pegue' so Cristo, ca qai'neeta retanta quiyim qomi' qai'neeta qolqata'pegue' so Cristo.

Gálatas 2:20

Ma' ỹim 'eco' shi'gue yileu, iỹaatashiguim so Cristo na' qaipateno. Vichiguiño' ca mese ỹalamaxaret nagui dá'maq santañi ñachaalataxac, ca' chaqaiñi ñí'maq Cristo ñí'maq nachaatetaugui aỹim. Ca dá'maq ñachaalataxac nagui chicqochigui da ipi'ỹaxac queso llaalec ñi qota'a, ma' yi'xoren, ca nañaañiguit da lelauaxa caỹim.

Gálatas 3:26

Ma' queda npi'ỹaxac, ca qamiá'ogue qamiri llaalqa ñi qota'a, ma' na'yiitau'a so Cristo Jesús.

Gálatas 3:28

Ca' tot qaica quet cá'maq ỹoqa'a ca no'ueenataxac quena judío loqo'm quena sqai judío, loqo'm nelaatec loqo'm ca se nelaatec, loqo'm ca ỹale loqo'm aca 'aalo; ma' no'm na'yiitau'a so Cristo Jesús, ca' qamiá'ogue 'ec qamiri 'oonoqui'.

Gálatas 3:29

Ca no'm qamiri lalamaxarete' so Cristo, ca' qamiri lalamaxarete' llaalqa so Abraham. Ca' coñiguit ma'le quiyim ralamaxarichii cá'maq ỹachaxantac ñi qota'a.

Gálatas 5:20

chaqai nqouagaxaintacot na nqolaquipi, chaqai 'naxanaxai, chaqai da lauelgaxanaxac, lapetaxanaxac, chaqai da lco'ualaxanaxac, sqo ỹoxo'ña lauel, 'ue da naquitete'e quiyim 'ue ca ỹo'uet, chaqai lapoonta' na qomyipi quiyim ỹoỹoota'chi.

Gálatas 6:14

Qam caỹim, sqaica ma' sa'maxaren quet quiyim ñimaqajan, ta'ta'a quedá'maq lelauaxa so qara'gaxala' Jesucristo na' qaipateno queso npatenaxala'. Ma' chicqochigui so npatenaxala' so Cristo, ca' caỹim 'ec ileu ná'maq 'ueenataxac hueetalec na 'laua, chaqai aỹim 'ec yileu quená'maq 'ueenataxac hueetalec na 'laua.

Efesios 3:1

Ma' chaqaida dá'maq 'neeta quiyim aỹim Pablo ñqouagaxaintac. Ma' qaycoñiretari' sasoualec so Cristo Jesús, ma' sahotaque quiyim ra'maxaiñi qamiri, ma' qamiri sqai judío lase'.

Efesios 3:11

Ca' dajo ỹo'uet ñi qota'a, qam nachiñi'chiguit nqai'en dá'maq sqaica lqodoc ỹahotaque ñi'maxare, ca ipaquichigui imigui nqai'en queso qara'gaxala' Jesucristo.

Efesios 3:6

Dajo se re'xogui leloxoỹaxac 'neetasa': quiyim chicqochigui nqohin da na'qaatec chicqaugui da nca'laxa quiyim ná'maq sqai judioipi qai'neeta icoñiguit dá'maq ỹachaxantac ñi qota'a, 'nejem nqohin ná'maq judioipi, chaqai qai'neeta ỹalecau'a so loshicmaxa so Cristo, chaqai qai'neeta ỹalecau'a ná'maq ỹachaxantac ñi qota'a queso Cristo Jesús.

Colosenses 2:11

Chaqai quiyim na'yiitau'a so Cristo, ca' qaỹa'ue na netanegue' qamiri; qam mesqai ná'maq re'qoochigui quena noshicmaxa, ta'ta'a quiyim na' qanca'laxaterec qamiri quena nasauaxaset queda lamaanaxanqachic na roshicmaxahi. Ca dajo dá'maq netanaxac na qom chicqo'ot so Cristo.

1 Pedro 2:11

Qamiri ỹaqaỹarolqa, ñi'xoresentouguilo qamiri, 'ec ỹoqa'a ca chigoxoỹa'gue nqaishin, quiyim sqai quii'uegue da se no'uen lamaanaxanqachic na roshicmaxahi, ma' na'maxare nco'uaata'pegue' da nachaalataxaguii.