Gálatas 5:22 - La'qaatqa ñi qota'olec Qota'olec & Qota'olec Novita Na Qomyipi

²² Qam da llaqtaxac so Espíritu Santo queca qom 'neetasa': ne'xorenataxanaxa, toonaxac, na'maxa, neualaxavic, nauotaxanqachic, neuagaxaric, chaqai naqamaxa,

Gálatas 5:22 Iomraidhean Croise

Salmos 1:3

Cajo qom 'ec aca qo'paq neeto'ot na lahi aca lachiugue, ca' se napacalec yi laloqo' quiyim 'ue aca la chaqai se ỹaso ana laue. ¡Chaqai quená'ogue ná'maq ỹo'uet ỹaatqajam ỹa'maqachiguiñi!

Mateo 12:33

No'm no'uen aca qo'paq, ca' lo'daxarai ana la. Chaqai no'm se no'uen aca qo'paq, ca' se lo'i' ana la. Ma' aca qo'paq qaỹa'den cana la.

Lucas 13:9

Ca' queda, ca' sqoue 'ue aca la. Qam no'm se ishit 'ue aca la, ca' qaỹouaxanlec ma'le.”

Juan 15:16

Qamiri se rca'acshiguii aỹim, ỹim ica'acse' qamiri. Ca vichiguiño' shinapegalo qamiri quiyim 'xoic ca laỹaxac nqai'ñii da nachaalataxaguii, qam dajo laỹaxague' qamiri ỹaatqajam ra'ñiñi nqai'ñii, qaiyi ñi ita'a ỹaanema qamiri cá'ogue cá'maq shiilaxañiỹaque quiyim quiichigui nqai'ñii da ỹeenaxat.

Juan 15:2

Ñi'maxare ichaxauec acanchaqaca quená'maq ỹasotellipi no'm sqaca aca la, chaqai no'ueenaxategue chaqai co'taxat acá'maq lasote 'ue aca la, qaiyi paguec aca la.

Juan 15:5

Ca' ỹim ná'maq ỹim nanecse, ca' qamiri ná'maq qamiri lasote. Cá'maq ñaq na'deetau'a ỹim, chaqai aỹim ña'deeta'guit ca'maxare, ca 'xoic aca la, ma' qamiri qaica ca shichii 'viichii, no'm qaica ỹim.

Romanos 14:17

Ma' dá'maq lo'ueenataxanaxac ñi qota'a ma' ỹoiquentac ná'ogue najo, da'maxare sqai chicqochigui cá'maq re'qoochigui na'ic, loqo'm cá'maq qani'chigui; qaidaata dá'maq no'uen chaalataxac, na'maxa, chaqai da toonaxac coqomi' chicqo'ot so Espíritu Santo.

Romanos 15:14

Qamiri ỹaqaỹarolqa, ỹaatqajam 'chichiguiñi nqaishin quiyim no'qaachiguilo qamiri queda nqouagaxa chaqai queda na'deenaxanaxa, chaqai quiyim 'yiiñii qachiỹa ca riỹahi.

Romanos 15:3

Ma' vire'ta so Cristo se nemaqachinalta'; ta'ta'a quiyim ipaquichiguilo naua naneresañi la'qaatqa ñi qota'a, 'neracsa': “Dá'maq lishiuenaxanaxac ná'maq rishiviñi'sac, taalec aỹim.”

Romanos 15:30

Ñi'xoresentouguilo qamiri ỹaqaỹa' queso qara'gaxala' Jesucristo chaqai queda ne'xorenataxanaxa chicqo'ot so Espíritu Santo ỹaanema qomi', quiyim yotauañii queda iloquiaxac, nqouagaxaiñitalec aỹim quiñi qota'a.

Romanos 6:22

Qam nagui mashic qaỹoso'ogalo qamiri quena nasauaxaset, ca' noxoñiu'a da lo'ueenataxanaxac ñi qota'a. Ca' dajo maxasa' 'ue ca 'negue, ma' da'maxare chicqaugui quiyim ỹaatqajam qaỹomato'ot dá'maq chaalataxac ñi qota'a, chaqai co'uaataxanta ma'le da nca'laxa sqaica lqodoc.

Romanos 7:4

Ca' chaqaida 'neeta caqamiri ỹaqaỹarolqa ma' mashic na'yiitau'a na loshicmaxa so Cristo, ca 'ec mashic ileue' qamiri, qaiyi so'ogalo qamiri queso naqataxaquipi, ma' mashic ỹoqa'a so rouahi. Ca' nagui qamiri lalamaxarete' so Cristo, só'maq liỹa qanca'laxatec na'le quiñi qota'a. Dajo 'neeta, qaiyi da qanachaalataxac ỹaatqajam qaỹouen ma'le quiñi qota'a.

Romanos 8:5

Ma' ná'maq ñaqai queeta'pegue' da lamaanaxanqachic na loshicmaxa, ca ỹa'deentapega dá'maq chi lo'ueenataxanaxac na loshicmaxa. Qam ná'maq queeta'pegue' da lo'ueenataxanaxac so Espíritu Santo, ca ỹa'deentapega da no'ueenataxac so'maxare.

1 Corintios 13:13

Ca' chaqaida, quiyim da npi'ỹaxac, chaqai da quitaxac, chaqai da ne'xorenataxanaxa qaica ca lqodogue'; qam dá'maq ỹapacauec quedaua tres, dá'maq ne'xorenataxanaxa.

Gálatas 5:13

Ma' qamiri ỹaqaỹa' na' qaroỹaxanalo qamiri, qam ỹaatqajam qaỹahotaque qarosohiuec. Ta'to'o' no'm se nquipichilec dá'maq quiyim mashic qaỹosoorec qamiri, no'm pacqajñiỹauec quiyim quiita'pegue' da chi no'ueenataxac na qom. Ta'to'o' quiyim npa'xañii quiyim quiñi 'óna la'ac ca liỹa quedá'maq 'ñiitari' quiyim ne'xoriñiỹata'.

Efesios 4:23

Ta'ta'a quiyim dalaxachii da no'ueenataxaguii chaqai da ra'deenataxanaxaguii,

Efesios 5:9

Ma' na lauaq chaqaina ná'maq chicqochigui da ne'xorenataxanaxa, chaqai da lliqueta, chaqai dá'maq co'teeta chaalataxac.

Filipenses 1:11

Qaiyi so Jesucristo no'xataxachichigui ma'le da nachaalataxaguii quedá'maq 'maxaraic 'ueenataxac, qaiyi qaimaqachin dá'maq lecaic ñi qota'a.

Colosenses 1:10

Qaiyi shichii quiyim na'maxachita ma' chaqaida 'neetari' ná'maq lalamaxaret so qara'gaxala', quiyim se neme 'viichitac ná'maq ỹa'maxarenta so'maxare. Ca re'oq nqai'ñii dá'maq 'ñiitari' quená'ogue ná'maq no'uen 'viichitac, chaqai quiyim paguec 'yiiñita ñi qota'a.

2 Tesalonicenses 3:2

Qai'neeta nqouagaxaiñitalgoto qomi', qaiyi qaica nqai 'negue coqomi' na qomyipi hualoxonyipi, ma' mesqai ná'ogue 'ue ca lpi'ỹaxac.

1 Timoteo 3:11

Chaqai aca 'aalo qai'neeta ỹaatqajam no'uen da na'qaataxac. Mesqai la'axaqa lo'o', chaqai sqa ỹaaquioxoi, chaqai ỹaqamqata quená'ogue na lo'ueenataxanaxac.

1 Timoteo 4:12

Qam na'maxachite', qaiyi qaica ca se icoñiguit qami' ma' ñaqa qami' ne'necoqui'. Ta'ta'a quiyim qami' naloqojnaxanaxat quená'maq mashic icoñiguit da na'qaatec, quedá'maq 'maxaraic retaxaỹaxaqui', chaqai dá'maq no'uen qayiquiaxaqui', chaqai da re'xorenataxanaxa'e', chaqai da no'ueenataxaqui', chaqai da rpi'ỹaxaqui', chaqai 'maxachitetegue da nachaalataxaqui'.

1 Pedro 1:22

Ca' nagui qamiri, ma' mashic na'xaỹaxañiỹa dá'maq na'qaatec lliqueta chicqochigui so Espíritu Santo, ca' nachinñi nqai'ñii da nachaalataxaguii quiyim ỹaatqajam 'xoriñii ca rqaỹahi. Ca' chaqaida quet 'ñiita'gue quiyim ne'xoriñiỹata', lliichigui añi re'taxanatahi chaqai quedá'ogue da rquesaxanaxahi.

1 Pedro 1:8

Ma' qamiri 'xoriñii so Jesucristo, 'eno'm sqai huañiỹa; chaqai quiyim viilec so'maxare nagui quiyim sqai huañiỹa, ca' ỹaatqajam chalego da netoonaxaguii chaqai da lemaqachic, ca da'maxare se ishit qaichoxochichigui,

1 Pedro 5:12

Najo ilaata ỹiriñi nqaishin ñi Silvano ñí'maq ỹaatqajam qamaxaraic ỹaqaỹa. Sqo vito'olqai' naua ỹa'qaatqa, qam saqatalo qamiri chaqai se'taxatetegueñi da nqouagaxahi mashic coñiguit, ca' queda'maxare, ca' ỹaatqajam 'chiñi nqai'en da le'xorenataxanaxa ñi qota'a. Ca' ỹaatqajam quiitalec ma'le dajo.