Gálatas 5:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Qamiri ỹaqaỹa', dá'maq 'neeta caỹim, ma' quetqai ñaqai shiqueteguelec quiyim qaỹa'ue ca netanec na loshicmaxa na qom, ca' se yocantac quet nagui na judioipi; ma' queta' 'neeta dajo, ca' dá'maq na'qaatec quet na' qaipateno so Cristo se ro'o quet nqai'en na judioipi.

Gálatas 5:11 Iomraidhean Croise

Hechos 16:3

Ca' so Pablo ỹahotaque liỹa so Timoteo, vichiguiño' ỹa'ue so netanec na loshicmaxa, qaiyi qaica ca qohinegue quena judioipi quená'maq na'ñi yi'maxare, ma' sá'ogue ỹa'deenta quiyim so leta'a griego le'ec.

Hechos 21:21

Chaqai 'uo' da la'xaỹaxac quiyim qami' paxaguiñisac ná'ogue na judioipi ná'maq neetaugui na sqai judioipi quiyim se na'xaỹaxana na naqataxaquipi chicqo'ot nqohin so Moisés, chaqai 'ñirapego' quiyim se ỹa'ue ca netanec na loshicmaxa na llaalqaipi, chaqai ỹaxañiñi naua chi qano'ueenataxaco.

Hechos 21:28

ca ỹaualaxalec, 'naaco': —Qamiri ỹalliripi Israel laseripi, qarotauañii. Ma' najo ỹale chaqaina na ỹomate' naua 'lauari quiyim ỹapaxaguinta'pegue na qomyipi quiyim npa'guena'e' na qouo', chaqai na naqataxaquipi chicqo'ot nqohin so Moisés, chaqai qai'neeta najo qaro'ueenaxanaxaqui. Chaqai nagui inoxondougui nqai'ne' ana qaro'ueenaxanaxaqui saua sqai judío lase', chi i'nerari' napio'xote' najo co'teeta qalapooqo'.

1 Corintios 1:18

Ma' da na'qaatec queda lelauaxa so Cristo na' qaipateno 'eco' chaqai mogollishic quená'maq tai'a quiyim na'laañi. Qam qomi' ma' saaqa'a da nca'laxa, ca' dajo na'qaatec lquesaxanaxa ñi qota'a.

1 Corintios 1:23

Qam qomi' sa'xatqatac da na'qaatec na' so Cristo qaipateno. Na judioipi quena' 'xaỹa da na'qaataxanaxac, ca ỹaatqajam npocoxolec, chaqai quena mesqai judío laseripi quena' 'xaỹa, 'eco' 'nejem ca chaqai mogollishic nqai'en.

1 Corintios 15:30

Chaqai ¿chi'neco' ma' qomi' hueetalgoto naua lichigue' naua na'xata' seuqatauguilo?

Gálatas 2:3

Qam vire'ta so Tito ma' ñauequeta'pegue' ma' so'maxare sqai judío le'ec, qam qaiyiita sqaica ca qohinapega quiyim qaỹa'ue quet ca netanaxaset na loshicmaxa.

Gálatas 3:1

¡Aicuéra caqamiri Galacia lase', ỹaatqajam qaico' ca ra'deenataxanaxaguii! ¿Nega'ỹo' cá'maq ỹachi'iñi qamiri quiyim sqai viilec dá'maq na'qaatec ỹaatqajam lliqueta? Ma' quesó'maq 'avichiguiñi qara'qaataxanaxac ỹaatqajam sachaxanqa'tema qamiri so Jesucristo na' qaipateno queso qo'paq.

Gálatas 4:29

Qam chaqaido' dá'maq 'neeto' na'le, quiyim só'maq ñaalec re'qoochigui da ne'xaỹoqsoxoc, ỹaatqajam ỹocanac só'maq liỹa ñaalec chicqo'ot da ne'xaỹoqsoxoc so Espíritu Santo, ca' chaqaida dá'maq 'neeta nagui qai'neeta coqomi'.

Gálatas 6:12

Na qomyipi ỹilenta'pe qamiri quiyim qaỹa'ue ca netanaxaset na roshicmaxahi, ỹahotaque dajo, ma' qaiyi se qaỹocana'pe quena liỹa qomyipi, souetapigui so Cristo na' qaipateno queso npatenaxala'.

Gálatas 6:17

Ca' nagui taachi'ñi quiyim qaica quet cá'maq yquepaxatetac, ma' nauá'maq icoñirqate' na ỹoshicmaxa ichoxote' quiyim ỹaatqajam ỹim lelaatec so qara'gaxala' Jesús.