Gálatas 5:1 - La'qaatqa ñi qota'olec Qota'olec & Qota'olec Novita Na Qomyipi

¹ So Cristo ỹosou'alo qomi', qaiyi qaica ca qarquepaxat. Ca' na'ñaxachii quiyim quiitalec quiyim qaica ca rquepaxachii, ca tot liỹa pilliu'a quiyim qamiri quet na'aqa.

Gálatas 5:1 Iomraidhean Croise

Salmos 51:12

Ñauata'guit nqai'ñi' ca dalaxaic ñitoonaxac chicqaugui da rca'laqataxanaxaqui', chaqai ya'maxachi' ma'le queso espíritu 'xorenataxanaxai chicqo'ot qami',

Proverbios 23:23

Shiujnaxañita da lliqueta chaqai da na'deenaxanaxa, da paxaguinataxac, da na'deenec, ca' ¡sqai miiñi'!

Isaías 61:1

Ñi ne'espíritu ñi qara'gaxala' hueetalec aỹim, ma' ñi qara'gaxala' ỹim lca'acsec, ca' yila' quiyim sa'xatem da no'uen la'xaỹaxac na 'xoraiquipi, sotauan ná'maq 'ue na leuogoxo, sa'xat quiyim qaỹosouec na ncoñiitecseripi;

Mateo 23:4

Ma' iỹoxolec ca liỹa quiyim i'xat cana' tot qaica ishit i'xat. Ca ỹahotaque qai'xat quena qom, qam na'maxare se rotaanaxanau'a da nesallaxa cada 'oono'lli' lpalaaqate.

Lucas 5:38

Vichiguiño' ca dalaxaic lataxa, ca qaỹocoriñigui acá'maq dalaxaỹole loshicmaxa ca isecỹac, ca' qaiyi quecaua'maxare qaica ca na'laañi.

Hechos 15:10

Ca' nagui ¿chi'negue ma' qalañitapega dá'maq lo'ueenataxanaxac ñi qota'a chaqai lliiteguelec da 'xoic lesallaxa na mashic icoñiguit da na'qaatec? Ma' qomi' chaqai só'maq 'auaxaic qareta'allipi qai'neeta se seshitaq se'xataq.

Romanos 6:14

Ma' da nasauaxaset tot qaica da lquesaxanaxa caqamiri quiyim relaritac, ma' totqai viito'ot na naqataxaquipi, ta'ta'a quiyim viito'ot da lqouagaxa ñi qota'a.

Romanos 6:18

Ca na' qaỹoso'ogalo qamiri quena' qarelaritac quena nasauaxaset, ca noxoñiu'a quiyim qamiri lelaatqa ñi qota'a, qam quiyim 'viichii ca ỹa'maqachiguiñi.

Romanos 7:3

Ca no'm aso'maxare ỹa'ue ca dalaxaic loua no'm ñaq nca'leetauec cá'maq 'auaxaic loua, ca qaỹamata'gue nedequenaxai. Qam no'm mashic ileu ca loua, ca' aca'maxare so'oga quena naqataxaquipi. Ca aca'maxare no'm ỹadalaxat ca loua, qam tot qaỹamata'gue nedequenaxai.

Romanos 7:6

Ma' qomi' loiquenatqa na'le so naqataxaquipi, qam nagui 'eco' qareleu queso'maxare. Ca' no'uene'teguelo qomi' quiyim so'ueenataxanqot ñi qota'a quedá'maq dalaxaic qanachaalataxac chicqo'ot so Espíritu Santo. Ca' mesqai só'maq ñaaue naqataxaquipi qoỹeretañi.

Romanos 8:15

Ma' quesó'maq Espíritu neetauguilo qamiri ỹo'uet quiyim totqai qamiri nelaatqa quiyim liỹa quet ro'chiitac. Ta'ta'a quiyim sojo Espíritu ỹo'uet quiyim qamiri llaalqa ñi qota'olec. Ca' ñijo Espíritu ỹo'uet quiyim shinqac: “¡Qami' qareta'a qota'olec!”

Romanos 8:2

Ma' da lquesaxanaxa so Espíritu ỹo'uet da nca'laxa chicqochigui quiyim qana'deetau'a so Cristo Jesús, ca ỹoso'oga ỹim queda lquesaxanaxa da nasauaxaset chaqai queda nelauaxa.

1 Corintios 15:58

Ca' vichiguiño' qamiri ñauochaxaua' ỹaqaỹa', sqaico' ca nqovilliguiỹaque, ỹaatqajam quiito'ot 'viichitac da lo'ueenataxanaxac so qara'gaxala'. Ma' qamiri 'yiiñita da ro'ueenataxanaxaguii quiyim 'ueenataxañitacot so'maxare, ma'le ỹaatqajam 'ue ca 'negue.

1 Corintios 16:13

Ỹaatqajam nelohitec, chaqai na'ñaxachii'tegue da rpi'ỹaxaguii. Na'maxachita, 'ñiitari' ca ỹale quesaxanaxaic.

1 Corintios 7:22

Ma' cá'maq na'aco' na' qaroỹaxana quiyim huelec so qara'gaxala', ca' nagui ca ỹale qaỹosootec quiyim queetalec so'maxare. Ca chaqai 'nejem cá'maq se na'ac na' qaroỹaxana, ca nagui lotqai na'ac queso Cristo.

2 Corintios 11:20

Ma' qamiri na'ñaxachiiguit ná'maq ỹo'uet quiyim qamiri lelaatqa, loqo'm que'eetapiguilo qamiri, chaqai 'ec qamiri lalamaxarete', chaqai qaica ca ỹauaapigui qamiri, chaqai ỹouaxantapiguilo naua rashigori.

2 Corintios 3:17

Ma' so qara'gaxala' chaqaiso só'maq Espíritu Santo, ca cá'maq hueeta'ñi so ne'Espíritu so qara'gaxala', ca' ỹaatqajam qaica canchaqaica, ỹaatqajam huaquichiguiñi.

Gálatas 2:4

'Nesa ma' llic ma' 'vii naua sqai ỹaatqajam 'chichiriñi qarqaỹa' nalecqajansauguilo qomi', nañoxotesañi, ca ỹahosaque quiyim qaỹa'ue ca netanec na loshicmaxa. Na'maxare nalecqajno, qam chi na'ajnaxanaripi quiyim ỹa'ajan dá'maq shinqatari' quiyim qaica canchaqaica ma' ña'daqatau'a so Cristo Jesús, ca' ỹahotaque quiyim liỹa ñcoñiraxaguit na nelaataxanaxaquipi.

Gálatas 3:25

Ca' nagui mashic novi' da npi'ỹaxac, ca tot reloxaỹa'alo qomi' na naqataxaquipi ma' 'ec ca napaxaguinataxanaq.

Gálatas 4:26

Qam se na'á yí'maq Jerusalén hueeta'gue da piguim, ca' qomi', qomi' llaalqa yi'maxare.

Gálatas 4:31

Ca chaqaida, qamiri ỹaqaỹa', mesqai qomi' llaalqa asó'maq na'á. Ta'ta'a quiyim qomi' llaalqa asó'maq se na'á.

Gálatas 4:9

Qam nagui mashic huañiỹa ñi qota'a, qam paguec la'maxa quiyim qohinac, ñi qota'a mashic ỹauanalo qamiri, ca ¿negue' quet cá'maq 'neeta quiyim lotqai pillii'ogalo quet naua napaxaguinataxanaxaco qaica ca lquesaxanqa', chaqai qaica ca 'netegue quiyim lotqai liỹa 'guiñiỹoto quiyim liỹa qamiri loiquenatqa?

Gálatas 5:13

Ma' qamiri ỹaqaỹa' na' qaroỹaxanalo qamiri, qam ỹaatqajam qaỹahotaque qarosohiuec. Ta'to'o' no'm se nquipichilec dá'maq quiyim mashic qaỹosoorec qamiri, no'm pacqajñiỹauec quiyim quiita'pegue' da chi no'ueenataxac na qom. Ta'to'o' quiyim npa'xañii quiyim quiñi 'óna la'ac ca liỹa quedá'maq 'ñiitari' quiyim ne'xoriñiỹata'.

Efesios 6:14

Ca' ỹaatqajam na'ñaxachichiguiñi, 'ec nosaachitagui dá'maq lliqueta, chaqai quepaqataxañiỹa da 'maxaraic 'ueenataxac, 'nejem nqai'en aca lquepaqataxanqate cana lotogue ca neetaho quena nouaataxanaq.

Filipenses 1:27

Qaidaata quiyim nquipichiỹa'pegue' quiyim nachiñi'chiguit nqai'ñii dá'maq no'ueenataxaguii da na'qaatec qaỹa'xat queso Cristo. Ca' quiyim saiquena loqo'm qoỹoqo'ta ỹim, qam sahotaque quiyim 'ue ca ỹa'xaỹaxac quiyim ỹaatqajam quiijlec chaqai necoñii'jta' queda rpi'ỹaxaguii chicqochigui da na'qaatec chicqaugui da nca'laxa,

1 Tesalonicenses 3:8

Ca' dajo 'ec dalaxaic nca'lerec nqai'ne' qomi' na' sa'deenaq quiyim saqa' 'xañiuec so qara'gaxala' Jesús.

2 Tesalonicenses 2:15

Vichiguiño' qamiri qarqaỹa', na'ñaxachii quiilec chaqai se couahi'e naua qarapaxaguinataxanaxaco ỹaatqajam qamiri saanqaima, loqo'm quena' sahoqote'e qarelaata.

Hebreos 10:23

Ca' ña'ñaxatqa'tegue da qanaquitaxac quedá'maq seuaqlec, sqai saxanaxañi, ma' ñi qota'a ipacqajanchigui dá'maq ỹachaxantac ma'le coqomi'.

Hebreos 3:14

Ma' no'm ña'ñaxatqachiguiñi qolqatalec da qanaquitaxac 'nejem na' ñaqai 'avichiguiñi, soviraxatqa'ta ca lqodoc, ca' ñouanqau'a ma'le da 'neeta so Cristo.

Hebreos 3:6

Qam so Cristo ma' ñaalec paguec ỹaqamaxateta da lo'ueenataxanaxac quiyi la'a' ñi qota'a, yijo na'a' chaqainaua naua qomi' naua'maxare, no'm qolqatalec ña'ñaxatqa'chiguiñi queda qarpi'ỹaxac chi ỹovireta'a ca lqodoc, ñitoonqata'gue ma' 'ue da qanaquitaxac.

Hebreos 4:14

So Jesús só'maq llaalec ñi qota'a chaqaisoota qaretaxaỹaxanqajnec quiyim inoxona'a retaxaỹa'pegue' ñi qota'a. Vichiguiño' ỹaatqajam ña'ñaxataq qolqatalec dá'maq seuaqlec na'qaatec.

1 Pedro 2:16

'Ñiitari' ca qom quiyim chi nanoiquentac, qam sqai 'ñiitari' ca nanoiquentac quiyim ỹo'uet ca se no'uen. Ta'ta'a quiyim 'ñiitari' caua ỹaatqajam la'aqa ñi qota'a.

2 Pedro 2:19

Na'maxare ỹachaxantac dá'maq chaalataxac sqaicanqaida. Qam na'maxare, ca' na'ac quená'maq 'ueenataxac se no'uen, ma' ca qom na'ac quecá'maq ỹapacqajnauec que'uegue.

Judas 1:3

Qamiri ỹaqaỹarolqa, ỹaatqajam 'xoic da shinta quiyim shiriñi dajo caqamiri queda qarca'laxa hueeto'oto qomi'. Qam nagui, ca' seuana quiyim ỹouen shiriñi dajo caqamiri quiyim ñi'xoresentouguilo quiyim se neme loguilgoto daua qanapaxaguinataxaco dauá'maq mashic qoỹaanem ná'ogue ná'maq lalamaxareteripi ñi qota'a.

Apocalipsis 2:25

Qam lo'xoichiguiño' cá'maq mashic coñiguit, toco' ma' ỹovita ca na'xa'a quiyim ñovi'.

Apocalipsis 3:3

No'viñira'gue dá'maq napaxaguinataxaqui' coñichiguit na'le. Ca' netogochigui nqai'ñi' na qavilli'. Qam no'm se nelo'irec, ca' shicpegue' qami', qam sqa ỹaataq ca ỹoviraqa', shintari' ca cuataxai.