Gálatas 4:5 - La'qaatqa ñi qota'olec Qota'olec & Qota'olec Novita Na Qomyipi

⁵ 'Neeta dajo na' novi', ma' ỹahotaque ỹosou'alo qomi' queda lcoñiitaxanaxac na naqataxaquipi, qaiyi ñi qota'a icoñi'chiguita qomi' quiyim ỹaatqajam qomi' lalamaxarete' llaalqa.

Gálatas 4:5 Iomraidhean Croise

Mateo 20:28

Ma' chaqaida dá'maq 'neeta najo ỹale llaalec se novi' quiyim ỹahotaque qaiquelola. Ta'ta'a quiyim ná'ogue quelola, chaqai quiyim da nachaalataxac ỹaanec, ca' 'ec lishiuetenaxanaxat, qaiyi 'xoic ca nca'leuec.

Lucas 1:68

Ỹaatqajam qaỹo'uen ma'le ñi qara'gaxala' ñí'maq lashiilec na Israel laseripi, ma' ñi'maxare novitalo qomi' quiyim qarca'laxatec, ma' mashic qomi' lalamqateripi.

Juan 1:12

Qam qaiyiita 'uo' ná'maq ỹacoñiguit chaqai huelec so'maxare, ca' chaqaina ná'maq ỹaanem quiyim ỹaatqajam 'chichiguiñi llaalqaipi ñi qota'olec.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Romanos 10:4

Ma' so Cristo chaqaiso só'maq lqodoc so naqataxaquipi chicqo'ot so Moisés, ca ỹo'uet quiyim ná'ogue ná'maq huelec so'maxare, ca qaicoñi'chiguit quiñi qota'olec.

Romanos 8:14

Ma' ná'ogue ná'maq queeta'pegue' so Espíritu chicqo'ot ñi qota'a, na'maxare ỹaatqajam llaalqaipi ñi'maxare.

Romanos 8:15

Ma' quesó'maq Espíritu neetauguilo qamiri ỹo'uet quiyim totqai qamiri nelaatqa quiyim liỹa quet ro'chiitac. Ta'ta'a quiyim sojo Espíritu ỹo'uet quiyim qamiri llaalqa ñi qota'olec. Ca' ñijo Espíritu ỹo'uet quiyim shinqac: “¡Qami' qareta'a qota'olec!”

Romanos 8:19

Ca' 'xoic da nishoxo chaqai da quitaxac quiyim ma' ná'ogue na lo'ueenatqaipi ñi qota'a nauaanta'a cajo laloqo' quiyim ma' na llaalqaipi ñi'maxare qaỹachaxanec da no'ueenataxac.

Romanos 8:23

Qam mesqainaata ná'maq no'ueenatqaipi 'ue da le'xoric, qam vire'talo qomi' qai'neeta, 'eno'm mashic hueeto'oto qomi' so Espíritu Santo, qaỹa'auaxanto'oto qomi', qaỹauaaque netanec quecá'maq seconaxaguit ma'le. Qam ñauatqa'guit quiyim chalego lqui'ic, ca' ñauaanqataque cajo na'xa'a quiyim ỹacoñiguita qomi' ñi qota'olec quiyim ỹaatqajam qomi' llaalqa. Ca souec qai'neeta na qaroshicmaxa.

Romanos 9:4

Ma' na'maxare chaqai llaalqaipi so Israel, chaqai ñi qota'a icoñiguit 'neeta'gue meca llaalqaipi. Ñi'maxare ỹaatqajam ỹalequetaugui na'le na'maxare chalego loyac so lauaq, chaqai ỹaanema naua na'maqataxaco, na naqataxaquipi chicqo'ot so Moisés, chaqai da leloxoỹaxac quiyim qaimaqachin ñi'maxare, chaqai naua ỹachaxanta'pe quiyim ỹaanema.

Gálatas 3:13

Qam so Cristo quepaqataxanlgoto qomi' quedá'maq chalego lecaic qanouaxanaxaset quet chicqochigui so naqataxaquipi, ma' so'maxare npa'xanguit dá'maq chalego lecaic nouaxanaxaset talgoto quet qomi'. Ma' naua naneresañi na'qaatqa 'neracsa': “Chalego lecaic ca nouaxanaxaset quiñi qota'a ná'ogue ná'maq qaicoñirashiguim queca qo'paq.”

Gálatas 3:26

Ma' queda npi'ỹaxac, ca qamiá'ogue qamiri llaalqa ñi qota'a, ma' na'yiitau'a so Cristo Jesús.

Gálatas 4:21

Ma' qamiri viitaque quiyim 'guiñiỹot na naqataxaquipi chicqo'ot so Moisés, ñigo' ñaqai choxochim dajo: ¿Peeta'a sqa 'yiiñii dá'maq reloqo'tegue da 'naac dajo naqataxaquipi?

Gálatas 4:7

Ca vichiguiño' nagui, ca' ỹaatqajam qami' llaalec ñi qota'a, ca totqai qami' na'ac. Ca ma' mashic qami' llaalec, ca ñi qota'a ỹaanem qami' ma'le ná'ogue ná'maq hueeto'ot ỹachaxantac, chicqochigui nqai'en so Cristo.

Efesios 1:5

Quedá'maq lqouagaxa, ca shi'co' ỹaqatqajantari' iconoxoguit quiyim 'eco' qomi' lalamaxarete' llaalqa, chicqochigui nqai'en so Jesucristo, nachiñi'chiguit nqai'en dá'maq shi'gue ỹahotaque quiyim 'ne'tegue.

Efesios 1:7

Quedá'maq chalego lecaic le'xorenataxanaxa, ca' ñi qota'a nca'laxaterec qomi', chicqochigui nqai'en da lelauaxa so llaalec, ca ỹapalaxate' caua qarasauaxasete'.

Efesios 5:2

Quiyim qamiri 'xorenataxanaxaiqa 'nejem so Cristo na' qare'xoren, ca' nañaanalta' quiyim ileualgoto qomi', 'nejem nqohin ca qagreta llaalec quiyim qaỹalauat, chaqai qaỹavigaxat, ca' qoỹaanot ñi qota'a. Ca namaañi'chiguit da lahita ñi'maxare.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Hebreos 1:3

Ca' chaqaiso so lqai'legaxa dá'maq lauaq ñi qota'a, chaqai so'maxare chaqaiso só'maq 'nejem da no'ueenataxac ñi qota'a, chaqai so'maxare só'maq nolliitañi ná'ogue nanchaqaina queda lquesaxanaxa da la'qaatec. Ca co'na' ime co'taxate' qomi' quena qarasauaxaset, ca' nqa'xanñi quiyim nashi queda loic yi nqa'xanqa' ñi qota'a queda piguim.

Hebreos 9:12

Ca' so Cristo mashic inoxona'a yi noma' leenaxat qaica ishit ỹovira'a. Qam se ỹodoosauo caua leuo' ca quetaq llaalec chaqai ca huaqui llaalec, ta'ta'a quiyim ỹaando sauá'maq chi leuo'. Ca' chaqaida 'neeto' quiyim imaauec 'oonoqui' inoxono, ca 'uo' na'le nqai'en da qarca'laxa sqaica lqodoc.

Hebreos 9:15

Ca' vichiguiño' so Jesucristo chaqaiso só'maq retaqalgoto qomi' nagui queda dalaxaic 'maqataxac. Ma' vichiguiño' 'uo' na'le da lelauaxa so Cristo, qaiyi qaỹapalaxate' saua nasauaxasete' hueesaugui só'maq 'auaxaic 'maqataxac, chaqai quiyim ná'maq mashic roỹaxana ñi qota'a ishit icoñiguit cá'maq lalamaxat qaica lqodoc ỹachaxantaco' na'le ñi'maxare.

1 Pedro 3:18

Ma' so Cristo queda le'xoric, ca' ileualgoto naua qarasauaxasete'; 'oonoqui', ca' chaqa'ma' imaauec nqai'en. So'maxare ỹaatqajam huagaxaraic, qam ileualgoto na'le qomi' quiyim qomi' hualoxona', qaiyi ỹauega'alo qomi' ñi qota'a. Ỹaatqajam qaỹalauat quesó'maq loshicmaxa, qam liỹa nca'leuec nqohin quesó'maq se re'xogui.

Apocalipsis 14:3

Ca' ro'ueenaxantac, ỹo'ueentac da dalaxaic no'ueenec reloqotau'a yi nqa'xanqa' ñi qota'a, chaqai saua cuatro ise' nca'leesauec, chaqai queso qo'xoiquipi. Qaica ca ishit ỹa'den so no'ueenec, qaisoota só'maq ciento cuarenta y cuatro mil só'maq ỹovirau'a da nca'laxa quena 'laua.

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.