Gálatas 4:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' chaqaida 'neeta coqomi'. Ma' na' 'ec ñaqai qomi' ñaaqolqai', ca qomi' qolqata'ueguelo naua chaqai qom la'deenataxanaxaco hueesalec na 'laua.

Gálatas 4:3 Iomraidhean Croise

Mateo 11:28

Naguipegue' aỹim qamiá'ogue, ma' mashic rco'chiiuec quena ro'ueenataxanaxaguii chaqai quena ri'ỹaaguii, ca' ỹim ñco'mataxandec qamiri.

Juan 8:31

Co'na'le, ca so Jesús 'naapego' so judioipi mashic huelec so'maxare: —No'm qamiri ỹaatqajam 'viichii dá'maq sa'xat caqamiri, ca ỹaatqajam llic quiyim qamiri ỹapaxaguinatqa.

Hechos 15:10

Ca' nagui ¿chi'negue ma' qalañitapega dá'maq lo'ueenataxanaxac ñi qota'a chaqai lliiteguelec da 'xoic lesallaxa na mashic icoñiguit da na'qaatec? Ma' qomi' chaqai só'maq 'auaxaic qareta'allipi qai'neeta se seshitaq se'xataq.

Romanos 7:14

Ma' sa'deenqata quiyim na naqataxaquipi se re'xogui. Qam quedá'maq chi ño'ueenataxac caỹim qom, ca 'eco' qayimen, qaiyi ỹoiquentac aỹim na se no'uen.

Romanos 8:15

Ma' quesó'maq Espíritu neetauguilo qamiri ỹo'uet quiyim totqai qamiri nelaatqa quiyim liỹa quet ro'chiitac. Ta'ta'a quiyim sojo Espíritu ỹo'uet quiyim qamiri llaalqa ñi qota'olec. Ca' ñijo Espíritu ỹo'uet quiyim shinqac: “¡Qami' qareta'a qota'olec!”

2 Corintios 11:20

Ma' qamiri na'ñaxachiiguit ná'maq ỹo'uet quiyim qamiri lelaatqa, loqo'm que'eetapiguilo qamiri, chaqai 'ec qamiri lalamaxarete', chaqai qaica ca ỹauaapigui qamiri, chaqai ỹouaxantapiguilo naua rashigori.

Gálatas 2:4

'Nesa ma' llic ma' 'vii naua sqai ỹaatqajam 'chichiriñi qarqaỹa' nalecqajansauguilo qomi', nañoxotesañi, ca ỹahosaque quiyim qaỹa'ue ca netanec na loshicmaxa. Na'maxare nalecqajno, qam chi na'ajnaxanaripi quiyim ỹa'ajan dá'maq shinqatari' quiyim qaica canchaqaica ma' ña'daqatau'a so Cristo Jesús, ca' ỹahotaque quiyim liỹa ñcoñiraxaguit na nelaataxanaxaquipi.

Gálatas 3:19

Ca ¿nega'ỹo' cá'maq 'negue ná'maq naqataxaquipi chicqo'ot so Moisés? Qaỹoqoto' na'le, ma' qaỹahotaque quiyim ichoxot na nasauaxaseteripi. Ca ro'ueenataxan na'maxare, qam lqodoquiaqa' ma'le ma' novi' cajo ñaalec cá'maq 'em 'ue da qaỹachaxantac. Na naqataxaquipi na' qaỹa'xat, ca chicqochigui nqohin na nelaatqaipi piguim laseripi. Ca' so Moisés, ca' chi netaxaỹaxanqajnec.

Gálatas 4:2

Qam 'ue na qom cochiitapega so'maxare, chaqai idaanteguelec dá'maq no'ueenataxac so'maxare, chi ỹovireta'a ca na'xa'a laloqojnec so leta'a.

Gálatas 4:24

Ca' dajo, chi qaraloqojnaxañigui. Saua dos 'aalo ñiguilo nqohine' saua dos 'maqataxaco. 'Óna so quesaua 'deenaxaco ñigui nqohin aso quemaralec ladocai leenaxat Sinaí, ca' chaqaso só'maq ñigui nqohin aso Agar. Ca ná'maq hueetaugui sojo 'maqataxac ne'qaañi, qam tai'a quiyim na'ac.

Gálatas 4:25

Ma' aso Agar ñigui nqohin aso quemaralec ladocai leenaxat Sinaí na'ñi yi Arabia. Ca' chaqaso asó'maq ñigui nqohin yí'maq Jerusalén nagui, ma' yijo na'a' nagui 'neetari' aca na'á, chaqai qai'neeta ná'ogue na llaalqaipi.

Gálatas 4:31

Ca chaqaida, qamiri ỹaqaỹa', mesqai qomi' llaalqa asó'maq na'á. Ta'ta'a quiyim qomi' llaalqa asó'maq se na'á.

Gálatas 4:8

Quesom na' saqa' huañiỹapega ñi qota'a, ca' qamiri icoñiiteguese' ná'maq se re'xogui qanqouagaxaintacot, qam mese qota'olqaipi.

Gálatas 4:9

Qam nagui mashic huañiỹa ñi qota'a, qam paguec la'maxa quiyim qohinac, ñi qota'a mashic ỹauanalo qamiri, ca ¿negue' quet cá'maq 'neeta quiyim lotqai pillii'ogalo quet naua napaxaguinataxanaxaco qaica ca lquesaxanqa', chaqai qaica ca 'netegue quiyim lotqai liỹa 'guiñiỹoto quiyim liỹa qamiri loiquenatqa?

Colosenses 2:20

Ma' qamiri quiita'ñi' so Cristo na' ileu, ca' le'en dá'maq chi ra'deenataxanaxaguii quiyim 'yiiñitapega ná'maq re'qoochigui. ¿Chi'neco' ná'maq 'viichitac ma' 'ñiitari' ná'maq hueetalec na 'laua? Ca 'viichitac na napaxaguinataxaquipi

Colosenses 2:8

Rovichiỹari'o', 'neeto' lotqai quii'uegue ná'maq ỹahotaque rayiñii, ỹahote'e ná'maq na'deenaxanaxa huelec najo chaqai na sqai llic na'deenataxanaxac. Ma' na'maxare sqai chicqochigui so Cristo; ta'ta'a ná'maq chi no'ueenataxac na qomyipi, chaqai quedá'maq la'deenataxanaxac chaqainaata ỹa'deentapega ná'maq nanchaqaina re'qoochigui.

Hebreos 5:12

Ma' mashic shi'gom nagui nalootañi quiyim paxaguinataxañitaiquet, qam qaiyiita viñitaque quiyim liỹa qaichoxochichiguilo nauá'maq se qalachi lapaxaguinataxanaxaco ñi qota'a. Ca' pillichigui quiyim ra'lliite'm qamiri, ca' viñitaque quiyim qane'taxañiguilo qamiri caua lo'i', mesqai ca ỹaatqajam resalli na'ic.

Hebreos 7:16

Qam se ỹovira'a quiyim netaxaỹaxanqajnec chicqochigui ca naqataxac quiyim ỹa'xat negue' ca ni'ic chicqaugui ma'le, ta'ta'a ca lquesaxanaxa ca chaalataxac qaica ishit ỹomat.