Gálatas 4:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Qam chaqaido' dá'maq 'neeto' na'le, quiyim só'maq ñaalec re'qoochigui da ne'xaỹoqsoxoc, ỹaatqajam ỹocanac só'maq liỹa ñaalec chicqo'ot da ne'xaỹoqsoxoc so Espíritu Santo, ca' chaqaida dá'maq 'neeta nagui qai'neeta coqomi'.

Gálatas 4:29 Iomraidhean Croise

Génesis 21:9

Qam aso Sara iuane'ta qai'neetac so Isaac queso llaalec liỹa so Abraham caso la'a Agar asó'maq Egipto lase.

Juan 15:9

Ỹim se'xorene' qamiri 'nejem dá'maq le'xorenataxanaxa ñí'maq ita'a caỹim. Ca' quiitalec dá'maq i'xorenataxanaxa caqamiri.

Juan 3:5

Ca' so Jesús 'naaco': —Ỹaatqajam llic dá'maq sa'xatem qami', quiyim cá'maq se nañan quiyim qanachilaxan chaqai quiyim qaỹadalaxat queso Espíritu Santo, ca se inoxona'a da lo'ueenataxanaxac ñi qota'a ma' ỹoiquentac ná'ogue najo.

Romanos 8:1

Ca' nagui ỹaatqajam qaica ca nouaxanaxaset cá'maq na'deetau'a so Cristo Jesús, quená'maq totqai que'uegue da se no'uen lamaanaxanqachic na loshicmaxa, ta'ta'a so Espíritu Santo queeta'pegue'.

Romanos 8:13

Ma' no'm qamiri qaidaata quiita'uegue na lqo'itaxanqachic na roshicmaxahi, ca' rillivii. Qam no'm chicqochigui nqai'ñii so Espíritu, ca' ileu nqai'ñii da lqo'itaxanqachic na roshicmaxahi, ca' rca'lliuec ma'le.

Gálatas 4:23

Da ne'xaỹoqsoxoc so llaalec aso na'á ỹaatqajam chaqaida dá'maq ne'xaỹoqsoxoc ná'ogue ná'maq re'qoochigui ñaaqaipioqui'. Qam co'na' ne'qaañi só'maq llaalec aso se na'á, ca' ipaquichigui dá'maq ỹachaxantac na'le ñi qota'a.

Gálatas 5:11

Qamiri ỹaqaỹa', dá'maq 'neeta caỹim, ma' quetqai ñaqai shiqueteguelec quiyim qaỹa'ue ca netanec na loshicmaxa na qom, ca' se yocantac quet nagui na judioipi; ma' queta' 'neeta dajo, ca' dá'maq na'qaatec quet na' qaipateno so Cristo se ro'o quet nqai'en na judioipi.