Gálatas 4:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Hua' 'nesa, ma' lo'yaxanec quiyim qanaquita'a ca niỹa. Qam quiyim 'maxaraic cá'maq qohinta'pegue, ca' qoyiquetalec, qam mesqaidaata quena' salequetauguilo qamiri.

Gálatas 4:18 Iomraidhean Croise

Isaías 59:17

No'viichigui da lauegaxanaxac 'ec nqai'en aca lachiima lquepaqataxanqate, ỹañigui na lqahic 'ec nado'o nqai'en da nca'laxa, no'viichigui da quiyim ỹa'ue lovi' 'ec ca napoxoqui, ca lepachigui da lonogoxonaxac 'ec nqai'en ca lapo'.

Juan 2:17

Ca' saua lapaxaguinatqa taachirigui lauele' yaua naneresañi la'qaatqa ñi qota'a, 'nerac: “'Eco' ỹaatqajam ỹavic nqai'en aỹim, ma' paguec da ỹauochaxa quena ra'aachi'.”

1 Corintios 15:58

Ca' vichiguiño' qamiri ñauochaxaua' ỹaqaỹa', sqaico' ca nqovilliguiỹaque, ỹaatqajam quiito'ot 'viichitac da lo'ueenataxanaxac so qara'gaxala'. Ma' qamiri 'yiiñita da ro'ueenataxanaxaguii quiyim 'ueenataxañitacot so'maxare, ma'le ỹaatqajam 'ue ca 'negue.

Gálatas 4:13

Ma' qamiri mashic shi'gue 'yiiñii dá'maq 'neeta, na' 'aueta sa'xat caqamiri da na'qaatec chicqaugui da nca'laxa. Shi'ntegue na'le dajo, ma' sauaxat 'ue ca hueetailec yalolaxa.

Gálatas 4:17

Ca' najo qomyipi ỹaatqajam 'xoic da naquitaxac caqamiri, qam se no'uen da 'neeta'pegue. Ma' dá'maq ỹahotaque quiyim ỹoỹoote'ogalo qamiri coqomi', ca' qaiyi ma'le, ca' pacqajñiỹauec naua'maxare.

Gálatas 4:20

¡Saxanchi' salequetauguilo qamiri nagui, qaiyi ỹoqa'a ca seloxoỹaxane'tegue ca sa'xat quiyim salequetauguilo qamiri, ma' ỹim ỹaatqajam tot sa'den ca shinta caqamiri!

Filipenses 1:27

Qaidaata quiyim nquipichiỹa'pegue' quiyim nachiñi'chiguit nqai'ñii dá'maq no'ueenataxaguii da na'qaatec qaỹa'xat queso Cristo. Ca' quiyim saiquena loqo'm qoỹoqo'ta ỹim, qam sahotaque quiyim 'ue ca ỹa'xaỹaxac quiyim ỹaatqajam quiijlec chaqai necoñii'jta' queda rpi'ỹaxaguii chicqochigui da na'qaatec chicqaugui da nca'laxa,

Filipenses 2:12

Ca' vichiguiño' qamiri ñauochaxaua' ỹaqaỹa', quiyim chaqaida 'ñiitari' quiyim se neme na'xaỹaxañii'ta aỹim quena' salequetauguilo qamiri, ca' nagui, ca paguec quet na'xaỹaxañii'ta aỹim mashic qoỹoqo'ta aỹim. Ca nquipichiỹa'pegue' da rca'laxahi, ca niñiiquishiñii chaqai richilliỹañi.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Apocalipsis 3:19

Ma' ỹim setaxaỹa'a chaqai salamaxat ca no'ueenataxac cá'maq yqo'ta. Ca' na'ñaxachi'o' chaqai netacocha'e'.