Gálatas 4:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' nagui, ca ¿'eco' qamiri ñpa'guenaxaua', quiyim ỹaatqajam llic dá'maq shinac caqamiri?

Gálatas 4:16 Iomraidhean Croise

1 Reyes 21:20

Ca' so Acab 'naaco' queso Elías: —¿Ca' nachiriua', qami' ñpa'guenaxaua? —Ajá'a, sanata qami' —'naaco' so Elías—. Ma' qainaata na se no'uen 'viichi'sac quiñi qara'gaxala'.

1 Reyes 22:27

'Ñiỹapegalo quiyim ỹim shinac quiyim qoỹanaugui añi ncoñiitaxanaxaqui, chaqai sqailligueme' qaiqui'ỹaxan, qainaata na pan chaqai na huaxaỹaq, toco' ma' yapil yo'ueenta.

1 Reyes 22:8

Ca' so nashi quiyi Israel 'naaco' queso Josafat: —Ajá'a, ñaqa 'ue ñi 'oonoqui', 'maxaraic quiyim senataq quecá'maq 'naac ñi qara'gaxala'. Ñi'maxare leenaxat Micaías, llaalec so Imla. Qam ỹoquiiaxat ñi'maxare, ma' se ỹauanapega quet quiyim no'uen ca taalec nqai'en aỹim, ta'ta'a na se no'uen. Qam so Josafat 'naaco': —Sqai 'ñirac dajo.

Juan 7:7

Quená'maq qomyipi hueetalec na 'laua se ishit quiyim noquii'alo quet qamiri. Qam aỹim qanoquii'a, ma' ỹim ỹaatqajam sechoxote'tem quiyim dá'maq ỹo'ueetetac se no'uen.

Juan 8:45

Qam ma' ỹim sa'xat da lliqueta, ca' qamiri sqai viilec aỹim.

Gálatas 2:14

Qam na' seuanchigui dajo quiyim se nachiñiguit dá'maq ỹaatqajam leloxoỹaxac da na'qaatec chicqaugui da nca'laxa, ca' setaxaỹa'a so Pedro, iuanchigui nqaishin sá'ogue só'maq mashic icoñiguit da na'qaatec. Shinac: “Qami', ma' qami' judío le'ec, qam quesaua liỹa' na'xata' 'ñiisari' ca sqai judío le'ec, ca mesqai 'ñiisari' ca judío le'ec. Qam ¿chi'neco' ma' viisaque quiyim na mesqai judío ỹadenaxat da no'ueenataxac na judioipi?”

Gálatas 2:5

Qam qomi' sqaica ma' qolaxa'ueguelo quet saua'maxare, ma' sahoqotaque quiyim qamiri sqai 'xañiuec dá'maq ỹaatqajam llicyaxac dá'maq na'qaatec chicqaugui da nca'laxa.

Gálatas 4:15

Ca ¿negue' cá'maq taico' na'le cajo netoonaxaguii? Ca' ỹim seshit quiyim so'uet ca ỹa'qaatec 'maxaraic caqamiri, 'neetasa': quetaxan qaishito' quiyim naqachii' naua chi nqochiri, ca 'ỹaañim aỹim, ca 'ec sqaica quet ca lqalaic.

Gálatas 4:17

Ca' najo qomyipi ỹaatqajam 'xoic da naquitaxac caqamiri, qam se no'uen da 'neeta'pegue. Ma' dá'maq ỹahotaque quiyim ỹoỹoote'ogalo qamiri coqomi', ca' qaiyi ma'le, ca' pacqajñiỹauec naua'maxare.

Gálatas 5:7

Qamiri ỹaatqajam 'maxaraic dá'maq 'ñiitari' na'le. Qam ¿nega'ỹo' cá'maq ỹo'uet quiyim totqai viilec dá'maq ỹaatqajam lliqueta?