Gálatas 4:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Qam na' 'ue cajo yalolaxa, qam chi ñi'guenaxat. Qam mesqaida quiyim sqai coñiguit quet aỹim chaqai mese liỹoxoỹa'piguit aỹim. Ta'ta'a quiyim 'ñiita'gue aỹim ca chicqashiguim lelaatec ñi qota'a; 'ñiita'gue quiyim 'ec chaqaỹim só'maq Jesucristo.

Gálatas 4:14 Iomraidhean Croise

2 Samuel 19:27

Qam so'maxare ỹaatqajam se no'uen dá'maq imaxalec aỹim quiyim ra'qaataxanem qami' ỹashi. Qam qami' ỹashi 'ñiisari' ca qota'olec lelaatec piguim le'ec. Ca' vichiguiño' nagui, ca' 'viiquiñi'sac cá'maq 'ñiisa'gue cá'maq 'viichi'.

Mateo 10:40

Cá'maq icoñi'chiguita qamiri, ca icoñi'chiguit aỹim. Chaqai cá'maq icoñi'chiguit aỹim, ca icoñi'chiguit ñí'maq yila'.

Mateo 18:5

Chaqai cá'maq qom cá'maq queeta'pegue' aỹim, quiyim icoñiguit ca noctoqui' 'nejem najo, ca icoñiguit aỹim.

Mateo 25:40

Ca cá'maq nashi 'naac ma'le quesaua'maxare: “Ỹaatqajam llic da shinac caqamiri, quená'ogue ná'maq 'ñii'tegue quena ỹaqaỹaripioqui' 'ec qaica ca 'negue, ca' dajo 'ñii'tegue caỹim.”

Lucas 10:16

Qam ca na'xaỹaxanalo qamiri, ca' chaqaỹim na'xaỹaxana. Qam ca se ỹacoñiguita qamiri, ca' chaqaỹim se ỹacoñiguit. Qam ca se ỹacoñiguit aỹim, ca' chaqaiñi ñí'maq yila' ñi se ỹacoñiguit.

Juan 13:20

Ỹaatqajam llic da shinac caqamiri, cá'maq icoñiguit cá'maq sela', ca icoñiguit aỹim. Chaqai cá'maq icoñiguit aỹim, ca icoñiguit ñí'maq yila'.

1 Corintios 1:28

Ca' ñi qota'a lca'acsec ná'maq sqaica ca lemaqachic, ná'maq naqaigaxat, ná'maq ỹaatqajam qaica ca 'negue, ma' ỹahotaque ỹapalaxat ná'maq 'ue ca 'negue,

1 Corintios 4:10

Chaqai qomi' qaỹamata'que quiyim qaica ca sa'deenaq, sauaxat qolqata'pegue' so Cristo, qam na' qamiri, ca nomachiỹalta' quiyim 'deenaxanqachaqaiqa queso Cristo. Chaqai qomi' qaica ca qarquesaxanaxa, ca' qamiri nomachiỹalta' quiyim qamiri quesaxanaxaiqa. Na qomyipi coqomi' qarenaqaterec, qam qamiri ỹaatqajam 'ue nqohin ca 'ñiigue.

2 Corintios 5:20

Vichiguiño' qomi' sachigoxotqo'tot da qara'qaataxanaxac so Cristo, ca 'ec 'nejem quiyim ñi qota'a chicqochiguilo nqai'ne' qomi' quiyim ne'xoresentouguilo qamiri. Ca qomi' ñi'xoresenqa'toto qamiri chicqochigui nqaishinaq so Cristo: quiyim daañiỹaque quiyim huaqui'chiguita qamiri ñi qota'a.

Gálatas 3:26

Ma' queda npi'ỹaxac, ca qamiá'ogue qamiri llaalqa ñi qota'a, ma' na'yiitau'a so Cristo Jesús.

Gálatas 3:28

Ca' tot qaica quet cá'maq ỹoqa'a ca no'ueenataxac quena judío loqo'm quena sqai judío, loqo'm nelaatec loqo'm ca se nelaatec, loqo'm ca ỹale loqo'm aca 'aalo; ma' no'm na'yiitau'a so Cristo Jesús, ca' qamiá'ogue 'ec qamiri 'oonoqui'.

Gálatas 4:13

Ma' qamiri mashic shi'gue 'yiiñii dá'maq 'neeta, na' 'aueta sa'xat caqamiri da na'qaatec chicqaugui da nca'laxa. Shi'ntegue na'le dajo, ma' sauaxat 'ue ca hueetailec yalolaxa.

Gálatas 4:15

Ca ¿negue' cá'maq taico' na'le cajo netoonaxaguii? Ca' ỹim seshit quiyim so'uet ca ỹa'qaatec 'maxaraic caqamiri, 'neetasa': quetaxan qaishito' quiyim naqachii' naua chi nqochiri, ca 'ỹaañim aỹim, ca 'ec sqaica quet ca lqalaic.

1 Tesalonicenses 2:13

Ca' chaqaida dá'maq 'em quiyim saanqatacot da qana'aachic ñi qota'a, ma' na' na'xaỹaxañiỹa da sa'xatqatac la'qaatec ñi qota'a, ca' coñiguit, qam mesqai 'ñiita'gue ca chi la'qaatec ca qom, 'ñiita'gue quiyim qota'a la'qaatec. Qam lliqueta quiyim ỹaatqajam qota'a la'qaatec da'maxare, ma' re'oq da lo'ueenataxanaxac caqamiri na' viilec.

1 Tesalonicenses 4:8

Ca' vichiguiño' quiyim 'ue ca se ỹacoñiguit dá'maq napaxaguinataxanaxac, ca ca'maxare mesqaica ca chaqai qom ca se icoñiguit, ma' chaqaiñi ñí'maq qota'a ñi se icoñiguit, ñí'maq ỹaanema qomi' so Espíritu Santo.

Hebreos 13:2

'Neeto' lotqai 'ue ca coua'e quiyim quelolqachaqaic quecá'maq qaỹovira'a ca la'a', ma' chaqaida dá'maq chicqochigui nallaaqo' quiyim 'uo' quen na se ỹa'den quiyim ỹa'ue ca loma' la'qaañi nqai'en ca nelaatec piguim le'ec.