Gálatas 4:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ma' qamiri mashic shi'gue 'yiiñii dá'maq 'neeta, na' 'aueta sa'xat caqamiri da na'qaatec chicqaugui da nca'laxa. Shi'ntegue na'le dajo, ma' sauaxat 'ue ca hueetailec yalolaxa.

Gálatas 4:13 Iomraidhean Croise

Mateo 4:23

Ca' so Jesús ỹouoxontac yá'ogue yi 'laua Galilea quecanchi ỹoviri'ñi, ca lotqai rapaxaguinataxantapougui ana lapoxoqui na judioipi, ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo, chaqai ỹomatec ná'maq ỹoreta'oguit ne'ne' hueetaugui na qom.

Hechos 16:6

So Espíritu Santo se ỹa'maxaren ỹa'xate' da na'qaatec quiyi 'laua Asia. Ca' vichiguiño' ỹapaquera'ta quiyi Frigia chaqai yi Galacia,

1 Corintios 2:3

Ca na' sentauguilo qamiri, sqaica ca iquesaxanaxa chaqai yi'loxolqachit da ỹoqolonaxa.

2 Corintios 10:10

Ma' qohinaco' quen quiyim naua ỹerecse ilaata se nesatete' chaqai 'xoic da lquesaxanqa', qam quiyim aỹim salequetauo, ca se squesaxan chaqai da itaxaỹaxac sqaica nqo'ta.

2 Corintios 11:30

Ca no'm 'ue ca maqajnaxac, ca' ỹim ñimaqajan, qam quedauajo ma' re'oq nqai'en quiyim qaica ca iquesaxanaxa.

2 Corintios 11:6

'Eno'm quedá'maq itaxaỹaxac sqailligueme' yalogoñi, qam mesqai quedá'maq ỹa'deenataxanaxac. Ca' dajo ỹaatqajam sichoxotqa'tema qamiri quená'ogue ná'maq so'ueetaq.

2 Corintios 13:4

Qam llic ma' so'maxare qaipateno 'ec quiyim qaica ca lquesaxanaxa, qam nachaatetaugui da lquesaxanaxa ñi qota'a. Ca' qomi' qai'neete' salecqau'a dajo quiyim qaica ca qarquesaxanaxa. Qam no'm ña'daqatau'a so'maxare, ca' hueetauguilo qomi' da lquesaxanaxa ñi qota'a, ma' salecqatauguilo qamiri.

Gálatas 1:6

Ỹaatqajam chalego da i'laxa quiyim chita'gue chaqa'ma' sham lachii ñi qota'a, ma' chaqaiñi ñí'maq roỹaxanalo qomi', ỹachigoxochichigui da le'xorenataxanaxa so Cristo coqomi', chaqai quiyim quiita'pegue' dá'maq ỹoqa'a na'qaatec qohinac chicqaugui da nca'laxa.

Gálatas 4:12

Qamiri ỹaqaỹa', ñi'xoresentouguilo qamiri quiyim 'ñiita maỹim, ma' ỹim shinta maqamiri. Mesqai 'ec quiyim 'ue quet ca sauaxachii caỹim.

Gálatas 4:14

Qam na' 'ue cajo yalolaxa, qam chi ñi'guenaxat. Qam mesqaida quiyim sqai coñiguit quet aỹim chaqai mese liỹoxoỹa'piguit aỹim. Ta'ta'a quiyim 'ñiita'gue aỹim ca chicqashiguim lelaatec ñi qota'a; 'ñiita'gue quiyim 'ec chaqaỹim só'maq Jesucristo.

Gálatas 4:18

Hua' 'nesa, ma' lo'yaxanec quiyim qanaquita'a ca niỹa. Qam quiyim 'maxaraic cá'maq qohinta'pegue, ca' qoyiquetalec, qam mesqaidaata quena' salequetauguilo qamiri.