Gálatas 4:12 - La'qaatqa ñi qota'olec Qota'olec & Qota'olec Novita Na Qomyipi

¹² Qamiri ỹaqaỹa', ñi'xoresentouguilo qamiri quiyim 'ñiita maỹim, ma' ỹim shinta maqamiri. Mesqai 'ec quiyim 'ue quet ca sauaxachii caỹim.

Gálatas 4:12 Iomraidhean Croise

Génesis 34:15

Qaidaata sa'maxarenqata, no'm qamiri shichii quiyim 'ñiitari' qomi'. Ca' dajo 'neetasa': Quiyim qamiri 'viichii ca netanec na loshicmaxa ná'ogue na ỹalliripi caqamiri.

1 Reyes 22:4

Ca inato' so Josafat: —¿Shichi' qarotauañi' quiyim qolaxau'a yi na'a' Ramot huaugui yi 'laua Galaad? Ca' so Josafat 'naaco': —Ỹim chaqai na ñalliripi chaqai na neetashiguim quena shipgaq sqoshaaqata'guit qami' chaqai na nallichi'ipi.

Hechos 21:21

Chaqai 'uo' da la'xaỹaxac quiyim qami' paxaguiñisac ná'ogue na judioipi ná'maq neetaugui na sqai judioipi quiyim se na'xaỹaxana na naqataxaquipi chicqo'ot nqohin so Moisés, chaqai 'ñirapego' quiyim se ỹa'ue ca netanec na loshicmaxa na llaalqaipi, chaqai ỹaxañiñi naua chi qano'ueenataxaco.

2 Corintios 2:5

Qam no'm 'ue ca ỹo'uet ca nachicoxo, ca ca'maxare sqaỹimeta ỹo'uet ca ỹachicoxo, ma' qamiá'ogue qai'neeta, cocho'qui' 'ue da rachicoxohi. Qamiri shinac quiyim cocho'qui' rachigohi' nqai'ne' qamiri, qaiyi sqai paguec quiyim 'ec se sala'gue.

2 Corintios 6:11

Qamiri ỹaqaỹarolqa ñiỹa'ñi na Corinto, quena' 'ue sa'xataq caqamiri ỹaatqajam qaica ca soxotqategueñi, ma' sa'xatqata ná'ogue ná'maq hueetagui añi qare'taxanata.

2 Corintios 6:13

Ca ñi'xoresentouguilo qamiri, shintari' ca neta'a quiyim ne'xoresentougui ca llaalqaipi, quiyim 'ñii'tegue dá'maq shintari' quiyim qaica ca huaagui nqai'ñii añi re'taxanatahi, 'nejem aỹim caqamiri.

Gálatas 2:14

Qam na' seuanchigui dajo quiyim se nachiñiguit dá'maq ỹaatqajam leloxoỹaxac da na'qaatec chicqaugui da nca'laxa, ca' setaxaỹa'a so Pedro, iuanchigui nqaishin sá'ogue só'maq mashic icoñiguit da na'qaatec. Shinac: “Qami', ma' qami' judío le'ec, qam quesaua liỹa' na'xata' 'ñiisari' ca sqai judío le'ec, ca mesqai 'ñiisari' ca judío le'ec. Qam ¿chi'neco' ma' viisaque quiyim na mesqai judío ỹadenaxat da no'ueenataxac na judioipi?”

Gálatas 4:11

Ca 'xoic da ỹoqolonaxa quiyim dá'maq ỹo'ueenataxanaxac qaica ca 'negue caqamiri.

Gálatas 4:13

Ma' qamiri mashic shi'gue 'yiiñii dá'maq 'neeta, na' 'aueta sa'xat caqamiri da na'qaatec chicqaugui da nca'laxa. Shi'ntegue na'le dajo, ma' sauaxat 'ue ca hueetailec yalolaxa.

Gálatas 6:14

Qam caỹim, sqaica ma' sa'maxaren quet quiyim ñimaqajan, ta'ta'a quedá'maq lelauaxa so qara'gaxala' Jesucristo na' qaipateno queso npatenaxala'. Ma' chicqochigui so npatenaxala' so Cristo, ca' caỹim 'ec ileu ná'maq 'ueenataxac hueetalec na 'laua, chaqai aỹim 'ec yileu quená'maq 'ueenataxac hueetalec na 'laua.

Gálatas 6:18

Qamiri ỹaqaỹa', so qara'gaxala' Jesucristo ỹaanema qamiá'ogue da lqouagaxa. Ajá'a, ca' chaqaida 'neeta dajo.