Gálatas 3:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Ca' tot qaica quet cá'maq ỹoqa'a ca no'ueenataxac quena judío loqo'm quena sqai judío, loqo'm nelaatec loqo'm ca se nelaatec, loqo'm ca ỹale loqo'm aca 'aalo; ma' no'm na'yiitau'a so Cristo Jesús, ca' qamiá'ogue 'ec qamiri 'oonoqui'.

Gálatas 3:28 Iomraidhean Croise

Joel 2:29

Chaqai socorelec qai'neeta ma'le queso ñi'espíritu na nelaatqaipi chaqai ana nelaatallipi quecauajo na'xata';

Juan 10:16

Qai'neeta 'ue ana liỹa ilo qagretaipi sqai neetaugui anajo ilo lahi'. Ana'maxare qai'neeta sahotaque ño'deho. Na'maxare qai'neeta na'xaỹaxañiua' ma'le, qaiyi 'oonoqui' ca lapooqo', chaqai 'oonoqui' ca neloxoỹaq.

Juan 11:52

Chaqai mesqainaata na judioipi, ma' qai'neeta ỹahotaque lapoonta' ná'ogue na qota'a llaalqaipi neuagaxatetac.

Juan 17:11

Ỹim totqa senalec na 'laua, qam naua'maxare no'ueendalec na 'laua. Ma' ỹim shic saiquena, qaiyi qoma'que quecá'maq senqata'ñi. Qami' ita'a, ma' qami' co'teeta, vise'e da rquesaxanaxa'e' quiyim quepaqataxañiseguelec ná'maq nañaañi', qaiyi ná'ogue neconta'ta', 'neesari' maỹim caqami'.

Romanos 1:16

Ca' ỹim se ñayiloxonlec da na'qaataxac so Jesús, ma' da'maxare lquesaxanaxa ñi qota'a, ma' ishit nca'laxatec ná'ogue ná'maq huelec. 'Aueta nqai'en na judioipi, qam qai'neeta ná'maq sqai judioipi.

Romanos 3:22

Dá'maq 'neeta quiyim icoñi'chiguita qomi' ñi'maxare chicqochigui quiyim qomi' 'ue da qarpi'ỹaxac queso Jesucristo. Ca' chaqaida 'ne'tegue quená'ogue ná'maq huelec so'maxare, qaica ca ỹapacqajnauec.

Romanos 8:1

Ca' nagui ỹaatqajam qaica ca nouaxanaxaset cá'maq na'deetau'a so Cristo Jesús, quená'maq totqai que'uegue da se no'uen lamaanaxanqachic na loshicmaxa, ta'ta'a so Espíritu Santo queeta'pegue'.

Romanos 9:24

Ma' ñi qota'olec na' roỹaxanalo qomi', ca' 'ue na ỹachigoxotaugui na judioipi chaqai na liỹaripi ỹachigoxotaugui na mesqai judioipi.

1 Corintios 7:14

Ma' no'm cá'maq ỹale saqa' icoñiguit da na'qaatec, qam qaỹa'maxarenta quiñi qota'a, ma' mashic ncoñira'guit aca loua mashic icoñiguit da na'qaatec. Chaqai aca 'aalo no'm saqa' icoñiguit da na'qaatec, qam qaỹa'maxarenta quiñi qota'a, ma' mashic ncoñira'guit ca loua mashic icoñiguit da na'qaatec. Qam no'm mesqaida, ca caua qachaalaxahi 'nejme' quet ca llaalqa ca saqa' icoñiguit da na'qaatec. Qalaxam nagui chaqaida dá'maq quiyim qaỹa'maxarente' quiñi qota'a.

1 Corintios 7:19

Qaicanqai 'negue quiyim 'ue ca netanaxaset na noshicmaxa, loqo'm qaica, qam quedá'maq 'xoic nepagaxallic quiyim qana'xaỹaxane'talo naua lelaataxanaxaco ñi qota'a.

Gálatas 3:14

Ca 'uo' na'le dajo, qaiyi dá'maq lqouagaxa ñi qota'a ỹachaxantac na'le queso Abraham quiyim qoỹaanec quena mesqai judioipi, qam chicqochigui nqohin so Cristo Jesús; qaiyi qomá'ogue seconaxaguit so Espíritu Santo ỹachaxantac na'le ñi qota'a, chicqochigui nqai'en da qarpi'ỹaxac.

Gálatas 3:26

Ma' queda npi'ỹaxac, ca qamiá'ogue qamiri llaalqa ñi qota'a, ma' na'yiitau'a so Cristo Jesús.

Gálatas 4:14

Qam na' 'ue cajo yalolaxa, qam chi ñi'guenaxat. Qam mesqaida quiyim sqai coñiguit quet aỹim chaqai mese liỹoxoỹa'piguit aỹim. Ta'ta'a quiyim 'ñiita'gue aỹim ca chicqashiguim lelaatec ñi qota'a; 'ñiita'gue quiyim 'ec chaqaỹim só'maq Jesucristo.

Gálatas 5:24

Chaqai ná'maq mashic lalamaxaret so Cristo, shi'gue 'ec pateno na loshicmaxa queso npatenaxala', liỹaatashiguim ná'ogue ná'maq chi lqo'itaxanqachic chaqai ná'maq loiquipi.

Gálatas 5:6

Chaqai no'm ña'daqatau'a so Cristo Jesús, ca' qaica quet cá'maq 'negue ca qom quiyim 'ue ca netanec na loshicmaxa, loqo'm sqaica. Qam dá'maq paguec 'ue ca 'negue quiyim 'ue ca qarpi'ỹaxac, chaqai quiyim dajo qarpi'ỹaxac ỹo'uet quiyim ñi'xorenaqta'.

Efesios 1:1

Ỹim Pablo, ma' ỹimo' loỹaxanaxat ñi qota'a ỹauaaque quiyim aỹim lelaatec so Jesucristo. Ca' selatalo qamiri ana ỹerecse, ma' qamiri lalamaxarete' ñi qota'a chaqai viilec so Cristo Jesús, ñiita'ñi na na'a' lodegaxat Efeso.

Efesios 4:4

'Ue so 'oonoqui' noshicmaxa lapohitagui, chaqai 'oonoqui' so Espíritu Santo. Ca' qai'neeta roỹaxanalo qamiri ñi qota'a, qaiyi 'oonoqui' ca naquitaxaguii.

Filipenses 1:1

Ỹim Pablo chaqai Timoteo qomi' lelaatqa so Jesucristo, seraxañi ana qarelaata, tai'a nqaishinaq ná'ogue na qarqaỹaripi chaqai na la'gaxalateripi chaqai ná'maq lotauaripi quená'maq neeta'ñi na na'a' lodegaxat Filipos, ná'maq lalamaxareteripi ñi qota'a chaqai na'deetau'a so Cristo Jesús.

Colosenses 1:4

Ma' 'ue da qara'xaỹaxac caqamiri queda rpi'ỹaxaguii queso Cristo Jesús chaqai quedá'maq re'xorenataxanaxahi quená'ogue ná'maq lalamaxareteripi ñi qota'a.

Colosenses 3:11

Qam dajo mesqaida quet quiyim judío le'ec ca qom loqo'm quiyim mesqai judío, loqo'm quiyim 'ue ca netanec na loshicmaxa loqo'm ca sqaica ca netanec, chaqai ca ỹoqa'a ca chicqa'gue loqo'm ca se na'maxat, loqo'm ca na'ac loqo'm se na'ac. Ma' chaqaiso so Cristo qaisoota, ca' hueetaugui ná'ogue na qomyipi.

1 Timoteo 1:12

Saanot da ña'aachic ñi qara'gaxala' Jesucristo, ñí'maq nañaañim da ña'ñaaqataxac quedajo, ma' ỹa'den quiyim yaqamqata, ca' pataxailec da lo'ueenataxanaxac.

2 Timoteo 1:1

Aỹim Pablo, ỹacone'oga aỹim ñi qota'a, ma' ỹauaaque quiyim aỹim lelaatec so Jesucristo, quiyim sa'xatetac da nca'laxa shi'gue ỹachaxantac. Qam dajo nca'laxa ỹacoñiguit cá'maq mashic na'deetau'a so Cristo Jesús.