Gálatas 3:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Ma' queda npi'ỹaxac, ca qamiá'ogue qamiri llaalqa ñi qota'a, ma' na'yiitau'a so Cristo Jesús.

Gálatas 3:26 Iomraidhean Croise

Juan 1:7

So'maxare anac, qam chi ỹa'xateta'guit da lauaq so ncoỹeraxanaxat, qaiyi ná'ogue na qomyipi huelec, chicqochigui dá'maq la'qaataxanaxac so'maxare.

Juan 20:17

Ca' so Jesús 'naaco' caso'maxare: —Yayaxañirec, ma' ỹim saqa' shicpegue' yi neetashi'me ñi ita'a. Qam mo'e', 'qaataxañitalo caua ỹapaxaguinatqa ỹaqaỹa' quiyim saigue da neeta'gue ñi ita'a, ñí'maq qataa'i qai'neeta, ñí'maq qota'olec caỹim chaqai caqamiri.

Romanos 8:1

Ca' nagui ỹaatqajam qaica ca nouaxanaxaset cá'maq na'deetau'a so Cristo Jesús, quená'maq totqai que'uegue da se no'uen lamaanaxanqachic na loshicmaxa, ta'ta'a so Espíritu Santo queeta'pegue'.

Romanos 8:19

Ca' 'xoic da nishoxo chaqai da quitaxac quiyim ma' ná'ogue na lo'ueenatqaipi ñi qota'a nauaanta'a cajo laloqo' quiyim ma' na llaalqaipi ñi'maxare qaỹachaxanec da no'ueenataxac.

2 Corintios 1:1

Aỹim Pablo, ma' ỹimo' loỹaxanaxat ñi qota'a, ỹauaaque quiyim aỹim lelaatec so Jesucristo. Nagui iỹaatac ñi qarqaỹa Timoteo. Ca' nagui, ca' selatalo qamiri ana ỹerecse, qamiri ỹaqaỹaripi, ma' mashic viilec ñi qota'a, ñiita'ñi na na'a' lodegaxat Corinto, chaqai ná'ogue ná'maq lalamaxaret ñi qota'a quená'ogue ná'maq neetalec yi 'laua, leenaxat Acaya.

2 Corintios 6:18

qaiyi ỹaatqajam ỹim qataa'i. Chaqai qamiri, ca' qamiri ỹaalqaipi chaqai ỹaallipi, 'naac ñí'maq qara'gaxala' ñí'maq sqaica ca lqalanec.

Gálatas 3:28

Ca' tot qaica quet cá'maq ỹoqa'a ca no'ueenataxac quena judío loqo'm quena sqai judío, loqo'm nelaatec loqo'm ca se nelaatec, loqo'm ca ỹale loqo'm aca 'aalo; ma' no'm na'yiitau'a so Cristo Jesús, ca' qamiá'ogue 'ec qamiri 'oonoqui'.

Gálatas 4:14

Qam na' 'ue cajo yalolaxa, qam chi ñi'guenaxat. Qam mesqaida quiyim sqai coñiguit quet aỹim chaqai mese liỹoxoỹa'piguit aỹim. Ta'ta'a quiyim 'ñiita'gue aỹim ca chicqashiguim lelaatec ñi qota'a; 'ñiita'gue quiyim 'ec chaqaỹim só'maq Jesucristo.

Gálatas 5:24

Chaqai ná'maq mashic lalamaxaret so Cristo, shi'gue 'ec pateno na loshicmaxa queso npatenaxala', liỹaatashiguim ná'ogue ná'maq chi lqo'itaxanqachic chaqai ná'maq loiquipi.

Gálatas 5:6

Chaqai no'm ña'daqatau'a so Cristo Jesús, ca' qaica quet cá'maq 'negue ca qom quiyim 'ue ca netanec na loshicmaxa, loqo'm sqaica. Qam dá'maq paguec 'ue ca 'negue quiyim 'ue ca qarpi'ỹaxac, chaqai quiyim dajo qarpi'ỹaxac ỹo'uet quiyim ñi'xorenaqta'.

Efesios 1:1

Ỹim Pablo, ma' ỹimo' loỹaxanaxat ñi qota'a ỹauaaque quiyim aỹim lelaatec so Jesucristo. Ca' selatalo qamiri ana ỹerecse, ma' qamiri lalamaxarete' ñi qota'a chaqai viilec so Cristo Jesús, ñiita'ñi na na'a' lodegaxat Efeso.

Efesios 1:5

Quedá'maq lqouagaxa, ca shi'co' ỹaqatqajantari' iconoxoguit quiyim 'eco' qomi' lalamaxarete' llaalqa, chicqochigui nqai'en so Jesucristo, nachiñi'chiguit nqai'en dá'maq shi'gue ỹahotaque quiyim 'ne'tegue.

Efesios 5:1

Ma' mashic qamiri llaalqa ñi qota'a, ca' ỹaatqajam nquipichiỹa'pegue' quiyim 'ñiita ñi'maxare.

Filipenses 1:1

Ỹim Pablo chaqai Timoteo qomi' lelaatqa so Jesucristo, seraxañi ana qarelaata, tai'a nqaishinaq ná'ogue na qarqaỹaripi chaqai na la'gaxalateripi chaqai ná'maq lotauaripi quená'maq neeta'ñi na na'a' lodegaxat Filipos, ná'maq lalamaxareteripi ñi qota'a chaqai na'deetau'a so Cristo Jesús.

Filipenses 1:8

Ma' ñi qota'a ỹa'den quiyim ỹaatqajam yqo'talo qamiri, sahote'e dá'maq sotaxaraic le'xorenataxanaxa so Jesucristo.

Filipenses 2:15

qaiyi qaica ca 'ue ca lasauaxaset chaqai ca 'ue ca lo'maxac caqamiri. Ta'ta'a quiyim ỹaatqajam qamiri llaalqa ñi qota'a, co'teete' qamiri quiyim lliguitaugui na qomyipi hualoxonyipi chaqai nocqaiquipi. Qam naviguerec qamiri, ca' coỹarilec na'maxare, 'ñiitari' aca huaqajñi naviguec quena' napalñi,

Colosenses 1:4

Ma' 'ue da qara'xaỹaxac caqamiri queda rpi'ỹaxaguii queso Cristo Jesús chaqai quedá'maq re'xorenataxanaxahi quená'ogue ná'maq lalamaxareteripi ñi qota'a.

Colosenses 2:6

Vichiguiño' quedá'maq 'ñiitari' na' coñiguit so qara'gaxala' Jesucristo, ca' chaqaida 'ñiitari' na'yiitau'a so'maxare,

Filemón 1:1

Ỹim Pablo, ỹim ncoñiiteguesec ma' sasouetapigui so Cristo Jesús. Ỹim chaqai ñi Timoteo selata qami' ana ilaata, qami' qanauochaxaua qarqaỹa Filemón ma' qami' qarotaua queda qaro'ueenataxanaxac,

Filemón 1:9

qam qaiyiita ñi'xoresene'tot qami'. Ỹim Pablo mashic aỹim qo'xoỹom chaqai nagui ỹim ncoñiiteguesec sasouetapigui so Cristo Jesús,

Apocalipsis 21:7

Ca cá'maq rauegaxan ma'le, ca' icoñiguit ma'le ná'ogue najo, 'ec nishiue' nqohin. Ca' ỹim ỹaatqajam ỹim leta'a qota'olec, chaqai ca'maxare ỹaatqajam ỹalamaxaret ỹaalec ma'le.