Gálatas 3:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca ná'maq naqataxaquipi pa'aalgoto qomi' quiyim reloxoỹa'alo qomi', 'neeta'guelo qomi' ca ñaaqolqai'. Ca' qarapaxaguin, toco' ma' novi' so Cristo, ca' ma' seuaxalec so'maxare, ca' qaỹa'maxarente' qomi' quiñi qota'a.

Gálatas 3:24 Iomraidhean Croise

Romanos 10:4

Ma' so Cristo chaqaiso só'maq lqodoc so naqataxaquipi chicqo'ot so Moisés, ca ỹo'uet quiyim ná'ogue ná'maq huelec so'maxare, ca qaicoñi'chiguit quiñi qota'olec.

Romanos 9:30

Ca ¿nega'ỹo' ca shinqac? Quená'maq sqai judioipi chaqai quiyim se ỹahotaque quiyim qaicoñi'chiguit quiñi qota'olec, ca' chaqaina ná'maq qaicoñi'chiguit quiñi'maxare, chicqochigui nqohin da lpi'ỹaxac.

1 Corintios 4:15

Ma' no'm ỹovi' ca diez mil ca ỹapaxaguinque qamiri so Cristo, qam se ishit quiyim 'xoic ca qataa'illipi. Ma' ỹim ná'maq leta'a da rpi'ỹaxaguii queso Cristo Jesús. Ma' ỹim ná'maq sa'xatema qamiri na'le dá'maq na'qaatec chicqaugui da nca'laxa.

Gálatas 2:16

Qam qaiyiita sa'deenaq quiyim qaica ca 'oonoqui' qaỹa'maxarenta quiñi qota'a ma' ỹo'ueetetac na naqataxaquipi chicqo'ot na'le so Moisés, ma' qaidaata quiyim qoyiuelec so Jesucristo. Ca vichiguiño' qomi' quiyim seuaqlec so Jesucristo, ca ỹa'maxarente' qomi' ñi qota'a chicqochigui da qarpi'ỹaxac, ca' sqai chicqaugui quiyim qomi' so'ueetqatac na naqataxaquipi. Ma' sqaica cá'maq ỹa'maxarenta ñi qota'a quiyim ỹo'ueetetac na naqataxaquipi.

Gálatas 2:19

Ma' ỹim 'ec shi'gue yileu, qaiyi sqaỹim lelaatec ná'maq naqataxaquipi chicqo'ot so Moisés. Ma' chaqaiso só'maq naqataxaquipi só'maq ỹo'uet quiyim yileu, qaiyi dá'maq ñachaalataxac taỹot ñi qota'a.

Gálatas 3:25

Ca' nagui mashic novi' da npi'ỹaxac, ca tot reloxaỹa'alo qomi' na naqataxaquipi ma' 'ec ca napaxaguinataxanaq.

Colosenses 2:17

Ma' ná'ogue najo chi lqui'i cá'maq novi' ma'le, qam dá'maq ỹaatqajam leloxoỹaxac chaqaiso so Cristo.