Gálatas 3:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Qam se qaipacaque ca netaxaỹaxanqajnec quena' qana'deena'pegue' ca 'oonoqui' qom. Ma' ñi qota'a qaiñiita 'oonoqui'.

Gálatas 3:20 Iomraidhean Croise

Génesis 15:18

Ca' chaqaiso so na'xa'a, ca' ñi qara'gaxala' ỹo'uet so na'maqataxac queso Abram. Ca 'naaco': —Najo 'laua saanem ma'le ca qachaalaxai'pi chicqochi'ñi aso lachiugue quiyi Egipto, ca ỹovireta'a aso lachiugue late'ogue', leenaxat Eufrates.

Hechos 12:20

So Herodes ro'ootapega so qomyipi na'ñi yi na'a' Tiro chaqai yi Sidón. Qam saua'maxare na'deenta' quiyim querepegue' só'maq nashi, qoyiqueto'ogue quiyim qaishiueten so Blasto, ma' ỹaatqajam lodegaxat lotaua so Herodes, quiyim ỹashiilo'ot so lashi quiyim ỹaanem ca leuagaxa so qomyipi, ma' quiyí'maq na'laua so qomyipi ỹachigoxotalec na lepetaxanaxat yi na'laua so nashi.

Gálatas 3:17

Ca' quedá'maq shinac 'neetasa': Ñi qota'a na' ỹa'ue so na'deenaxac queso Abraham, ca' ỹaanec da la'qaatec quiyim ipacqajanchigui ma'le. Ca vichiguiño' so naqataxaquipi chicqochigui so Moisés novi' na' ime'ueque saua cuatrocientos treinta ñaxari, qa' tot ishit quiyim ỹosogui sojo 'deenaxac, quiyim se ipacqajñigui quet dá'maq ỹachaxantac na'le ñi qota'a.

Deuteronomio 6:4

Ñaq na'xaỹaxañii, qamiri Israel llaalqaipi: Ñi qara'gaxala' qota'olec coqomi', ñi'maxare qaiñiita qara'gaxala', qaica ca liỹa.

1 Timoteo 2:5

Ma' 'oonoqui' ñi qota'a, chaqai 'ue so 'oonoqui' qom ishit quiyim nemanachite'tot nqai'en na qomyipi ñi'maxare. So'maxare leenaxat Jesucristo.

Hebreos 12:24

Ca mashic nqo'ñiu'a so Jesús ma' chaqaiso só'maq qaretaxaỹaxanqajnec quedá'maq dalaxaic 'maqataxac quiyim ña'maxataxa'e' ñi qota'a, chaqai quecá'maq hua'ñi ca qareletaxanalo saua leuo' so Jesús. Saua'maxare ỹaatqajam napacalgoto saua leuo' so Abel quiyim ra'qaataxanalo qomi'.

Hebreos 8:6

Qam paguec loyac da lo'ueenataxanaxac so 'oonoqui' qaretaxaỹaxanqajnec quiyim retaqalgoto qomi'. Ma' qaretaxaỹaxanqajnec quedá'maq paguec loyac 'maqataxac, chicqochiguilo nqohine' nauá'maq paguec loyaague' qaỹachaxanta'po' na'le.

Hebreos 9:15

Ca' vichiguiño' so Jesucristo chaqaiso só'maq retaqalgoto qomi' nagui queda dalaxaic 'maqataxac. Ma' vichiguiño' 'uo' na'le da lelauaxa so Cristo, qaiyi qaỹapalaxate' saua nasauaxasete' hueesaugui só'maq 'auaxaic 'maqataxac, chaqai quiyim ná'maq mashic roỹaxana ñi qota'a ishit icoñiguit cá'maq lalamaxat qaica lqodoc ỹachaxantaco' na'le ñi'maxare.