Gálatas 3:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' quedá'maq shinac 'neetasa': Ñi qota'a na' ỹa'ue so na'deenaxac queso Abraham, ca' ỹaanec da la'qaatec quiyim ipacqajanchigui ma'le. Ca vichiguiño' so naqataxaquipi chicqochigui so Moisés novi' na' ime'ueque saua cuatrocientos treinta ñaxari, qa' tot ishit quiyim ỹosogui sojo 'deenaxac, quiyim se ipacqajñigui quet dá'maq ỹachaxantac na'le ñi qota'a.

Gálatas 3:17 Iomraidhean Croise

Génesis 15:13

Co'na'le, ca qohinapego' quiñi qara'gaxala': —Qami' 'yiiñi' quiyim ma'le ca qachaalaxai'pi ỹoqa'a ma'le ca neetalec 'laua, ca na'aquipi ma'le chaqai se qaỹa'maxata'gue, ỹoviraxaterauec caua cuatrocientos ñaxari.

Génesis 15:18

Ca' chaqaiso so na'xa'a, ca' ñi qara'gaxala' ỹo'uet so na'maqataxac queso Abram. Ca 'naaco': —Najo 'laua saanem ma'le ca qachaalaxai'pi chicqochi'ñi aso lachiugue quiyi Egipto, ca ỹovireta'a aso lachiugue late'ogue', leenaxat Eufrates.

Génesis 17:19

Ca' ñi qota'olec 'naaco' queso'maxare: —Qalaxam mashic shinac quiyim añi Sara 'ue ma'le ca llaalec, ca' ỹañitegue ma'le leenaxat Isaac, loqo'm raỹaleguere. Ca' queca'maxare, ca' se'taxajñi ma'le da ña'maqataxac. Ca sqaica lqodoc nqaishin ño'qoochiguiñi queca llaalqaipi.

Salmos 33:10

Ñi qara'gaxala' se ipaguigui nqai'en da 'neeta'pegue na qomyipi sqai huelec ñi'maxare,

Isaías 28:18

Se ipac ca na'deenaxaguii queso nelauaxa, qaica ca 'negue ma'le ca na'deenaxaguii queso loiquenatec da nelauaxa. Chalego ma'le ca re'xoriguii, ca' rpataxaiñi ma'le ca'maxare.

Números 23:19

Ñi qota'olec mesqai 'nejem ca chaqai qom, ma' ca qom 'ue ca lqodoc: ñi'maxare se na'majan chaqai se ỹadalaxat ca la'deenataxanaxac. Ma' ñi'maxare quena' 'ue da 'naac, ca' ỹo'uet. Chaqai quena' 'ue da ỹaanec la'qaatec, ca' ipacqajanchigui.

Juan 1:17

Na nelaataxanaxaquipi na' qoỹaanec chicqochigui nqohin so Moisés, qam da nqo'iichi chaqai da lliqueta chicqochirigui so Jesucristo.

Hechos 7:6

Chaqai qai'neeta ñi qota'olec 'naapego' quiyim ca llaalqaipi so Abraham taata'a quiyim ỹoqa'a ca neetalec 'laua ma'le, chaqai qai'neeta na'aquipi, chaqai se qaỹa'maxata'gue, vire'ta ỹovite' cuatrocientos ñaxari.

Romanos 3:25

Ñi qota'olec ỹo'uet chicqochigui nqai'en so Cristo queso lelauaxa, quiyim ishit qaỹapalaxat na nasauaxaseteripi, qam quiyim qoyiuelec so'maxare. Dajo 'ne'tegue, qaiyi re'oq quiyim ñi qota'a ipacqajanchigui dá'maq 'neeta'pegue, ma' mashic quedá'maq leualaxavic liyi le'ne' nqai'ne' sauá'maq 'auaxaqa nasauaxasete'.

Romanos 3:3

Qam ¿negue' cá'maq 'neeta quiyim no'm 'ue ca se ipacqajñigui da na'qaatec? Ca' ¿ñi qota'olec ỹaxanño' da la'qaatec quiyim se ipacqajñigui?

1 Corintios 1:12

Ma' quedajo re'qoota quiyim se natenta' naua ra'qaataxahi. Ma' 'uo' quen na 'naac: “Aỹim ỹa'gaxala' so Pablo”; chaqai 'uo' quen na 'naac: “Aỹim ỹa'gaxala' so Apolos”; chaqai 'uo' quen na 'naac: “Aỹim ỹa'gaxala' so Pedro”; chaqai 'uo' quen na 'naac: “Aỹim ỹa'gaxala' so Cristo.”

1 Corintios 1:17

Ma' so Cristo se yila' quiyim sachilaxanataxan, ta'ta'a quiyim sa'xatetac da nca'laxa. Qam se souen da chi la'deenaxanaxa ca chaqai qom, qaiyi se so'taxat quiyim 'ec sqaica ca 'negue da lelauaxa so Cristo na' qaipateno.

1 Corintios 10:19

Sqai shinac quiyim ca nqolac 'ue ca 'negue chaqai ca nachitaxanataxanaxat la'at sqai paguec 'ue ca 'negue queca liỹa la'at.

1 Corintios 7:29

Qamiri ỹaqaỹarolqa, dá'maq sahotaque sa'xat 'neetasa': Ma' mashic tot qoỹoxorec naua na'xata' seuqatauguilo, ca' nagui taachi'ñi quená'maq mashic 'ue aca loua, 'neetari' quet quiyim 'ec qaca aca loua,

2 Corintios 1:20

Ma' chaqaiso só'maq ipaquichiguilo nqai'ne' naua'que nauá'maq ỹachaxanta'pe ñi qota'a. Ca vichiguiño' quena' semaqachinaq ñi qota'a, chaqai chicqochigui so Cristo Jesús quiyim dá'ogue da qarasaataxac quiyim shinqac: “Ajá'a, chaqaida 'neeta dajo.”

2 Corintios 9:6

Ca' qamiri no'viñita'gue dajo: quiyim cá'maq sqalo ca ỹanñi, qai'neeta sqalo ca naqat; qam cá'maq 'xoic ca ỹanñi, qai'neeta 'xoic ca naqat.

Gálatas 3:15

Qamiri ỹaqaỹa', sa'ue da saloqojnaxana chicqochigui nqaishin ca chi na'deenaxac ca chaqai qom, 'neetasa': Ca qom no'm na'deene'e' ca liỹa, ca ỹo'uet aca lere, ca illilec ca na'deenaxac. Ca ma' ime qoỹiriñi, ca' qaica ca ishit quiyim se qaipacqajñigui, chaqai se ishit qanqo'naxatec.

Gálatas 3:21

Ca dá'maq naqataxaquipi chicqo'ot so Moisés, ca ¿npa'guenaxauo' dá'maq ỹachaxantac na'le ñi qota'a? 'E', mesqaida. Ma' quet qoỹaaneco' na'le ca naqataxac quiyim ca'laqataxan, ca' qaishit queta'le quiyim 'ue ca qaỹa'maxarenta quiñi qota'a quiyim ỹo'uet cajo naqataxac.

Gálatas 5:16

Dá'maq shinac caqamiri 'neetasa': Ỹaatqajam quiita'pegue' so Espíritu Santo, qaiyi sqai quiita'pegue' dá'maq chi no'ueenataxaguii.

Gálatas 5:4

Qamiri ma' 'ñiitapega quiyim ỹacoñi'chiguita qamiri ñi qota'a ma' 'viichitac na lelaataxanaxac na naqataxaquipi, ca' noỹoochiuec queso Cristo, chaqai noỹoochiuec queda le'xorenataxanaxa ñi qota'a.

Efesios 2:12

Ma' queca'maxare na'le qaica so Cristo caqamiri, ca' ỹoreta'ogalo na'le qamiri quena llaalqaipi so Israel, chaqai sqa 'yiiñii dá'maq 'maqataxac chaqai dá'maq ỹachaxantac ñi qota'a. Ca' viitalec najo 'laua, qam qaica ca naquitaxaguii, chaqai qaica ñi qota'a caqamiri.

Efesios 4:17

Ma' ỹim ña'deetau'a so qara'gaxala', ca' 'ue da shinac chaqai saqatalo qamiri quiyim totqai 'ñiita dá'maq 'neetari' ná'maq saqa' ỹauanapega ñi qota'a, ma' na'maxare queeta'pegue' ná'maq qaica ca 'negue chi la'deenataxanaxac,

Colosenses 2:4

Ca sa'xatema qamiri dajo, qaiyi qaica ca ỹayine' qamiri, 'eno'm 'ue ca 'maxaraqa caua la'qaatqa.

Hebreos 11:13

Sá'ogue so qomyipi nelliviñi, qam se icoñiguit ca qaỹachaxantapeguem quiñi qota'a. Qam 'ue da lpi'ỹaxac so qomyipi, ca iuana, qam qoỹoqo'ta, chaqai ma' mashic huelec, ca' chalego loyac nqai'en na' ỹa'ajantac. Ca chaqaida 'neeto' na'le so qomyipi co'quena' ỹa'xatetac quiyim se lalamaxaret la'a' najo 'laua.

Hebreos 7:18

Ca só'maq 'auaxaic nelaataxanaxac qanosogoñi, ma' qaica quet cá'maq lquesaxanaxa chaqai qaica quet cá'maq 'negue.

1 Pedro 1:20

So Cristo chaqai'eno' qaỹa'maxatetañi quiyim qoỹaano na' saqa'leca na 'laua, qam chaqainaquita nagui re'oq nqohin quenaua pa'aaterec na'xata', ma' qaỹahotaque quiyim ra'maxaiñi qamiri.