Gálatas 3:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Qamiri ỹaqaỹa', sa'ue da saloqojnaxana chicqochigui nqaishin ca chi na'deenaxac ca chaqai qom, 'neetasa': Ca qom no'm na'deene'e' ca liỹa, ca ỹo'uet aca lere, ca illilec ca na'deenaxac. Ca ma' ime qoỹiriñi, ca' qaica ca ishit quiyim se qaipacqajñigui, chaqai se ishit qanqo'naxatec.

Gálatas 3:15 Iomraidhean Croise

Hechos 1:15

Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

Romanos 1:13

Qamiri ỹaqaỹa', sahotaque quiyim 'yiiñita, quiyim aỹim 'xoic sahotaque quiyim sovitalo qamiri, qam saqa' seshit. Sahotaque quiyim sovitalo qamiri, qaiyi 'xoic ca dalaxaic ỹaueguec ỹacoñiguit da na'qaatec caqamiri, 'nejem dá'maq shinta'gue quenaua liỹa' lahil na 'laua.

Romanos 3:5

Qam no'm dá'maq qareualoxonqaishic re'oq nqai'en quiyim ñi qota'olec ỹo'ueetetac da ỹa'maqachiguiñi, ca ¿nega'ỹo' ca shinqac? Ca ¿peeta'a ñi qota'a ñí'maq se ỹa'maxañi quiyim ỹo'uet ca qanouaxanaxaset? (Dajo shinac 'nejem ca la'qaatec ca chaqai qom.)

Romanos 6:19

(Da itaxaỹaxac 'neetari' ca letaxaỹaxac cá'maq canchaqaica qom, ma' qamiri saqa' ỹaatqajam 'yiiñii cá'maq ỹaatqajam leloxoỹaxac dajo.) Ma' quiyim dá'maq 'ñiita'gue quesom na' 'ỹaañiguit na roshicmaxahi ná'maq rapio'qotaxan chaqai na se ỹa'maxañi quiyim 'viichii na se no'uen, ca' chaqaida 'ñii'tegue nagui quiyim 'ỹaañiuec na roshicmaxahi quiyim qaro'ueenataxana quena ỹa'maqachiguiñi quiyim ỹaatqajam machii'ot da nachaalataxaguii ñi qota'a.

1 Corintios 15:32

Ỹim shiquiaxam ỹaatqajam seloguiỹa'e' na iseripi na'le quiyi Efeso; qam ¿nega'ỹo' ca ỹaueguec quedajo? No'm llic quiyim tot nca'leuec nqohin ná'maq mashic ileu, ca' ỹaatqajam 'chiñi quiyim llic da na'qaatec 'neetasa': “Squi'ỹaq, chaqai ñi'taq, ma' ma' nete'e, ca qareleu.”

Gálatas 6:18

Qamiri ỹaqaỹa', so qara'gaxala' Jesucristo ỹaanema qamiá'ogue da lqouagaxa. Ajá'a, ca' chaqaida 'neeta dajo.

Hebreos 6:13

Ma' ñi qota'a na' 'ue da ỹachaxan queso Abraham, quiyim i'taxajñi, ca' ñi'maxare chi nanecalta', ma' qaica quet cá'maq liỹa paguec lecaic quiyim ỹiga quet.

Hebreos 6:16

Na qomyipi quena' i'taxajñi da la'qaatec, ca' 'ue na ỹiguelec quená'maq paguec lecaic quena'maxare. Chaqai no'm ỹaanec ca la'qaatec, ca' qai'taxajñi ca qaipacqajanchigui. Ca' qaica quet cá'maq liỹa qaỹa'xat.

Hebreos 9:17

Ma' cajo 'maqataxac qaica quet cá'maq 'negue, no'm ñaq nca'leetauec cá'maq ỹo'uet, ta'ta'a quiyim mashic ileu.