Gálatas 3:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca 'uo' na'le dajo, qaiyi dá'maq lqouagaxa ñi qota'a ỹachaxantac na'le queso Abraham quiyim qoỹaanec quena mesqai judioipi, qam chicqochigui nqohin so Cristo Jesús; qaiyi qomá'ogue seconaxaguit so Espíritu Santo ỹachaxantac na'le ñi qota'a, chicqochigui nqai'en da qarpi'ỹaxac.

Gálatas 3:14 Iomraidhean Croise

Génesis 22:18

Chaqai ná'ogue na ỹoreta'oguit qomyipi hueetalec ana 'laua 'xoic ma'le ca la'maxa, chicqochigui nqaishin ma'le ca'maxare, ma' na'xaỹaxanchiriua'.

Isaías 41:8

Ñaq na'xaỹaxañi', qami' lalamaxaret so Jacob só'maq na'aamatec da Israel, qami' ilaatec, ỹaatqajam qami' ica'acsec, qamiri llaalqaipi so ñauochaxaua Abraham:

Isaías 49:6

'neetasa' da la'qaatec: Mesqai nodaachiguiñi quiyim qami' ilaatec quiyim qaidaata rapilaxachi' na llaalqaipi so llaalqaipi so Jacob chaqai quiyim rapilaxachi' na ca'laaxaiquipi quena'maxare; qai'neeta ỹim so'uet quiyim qami' lcoỹeraxanaxat ná'ogue na ỹoreta'oguit qomyipi, qaiyi 'xachisac da ica'laqataxanaxac quenaua paguec qoỹoqo'teguelo lahil na 'laua.

Isaías 52:10

Ñi qara'gaxala' ỹachaxan da co'teeta lquesaxanaxa, ca' qaiuanchigui quená'ogue na ỹoreta'oguit qomyipi. Ca' quená'ogue na 'laua qaỹa'den ma'le quiyim ñi qota'olec nca'laxaterec qomi'.

Jeremías 31:33

Dajo dá'maq ña'deenaxac ma'le quena llaalqaipi so Israel, ma' ỹovita cajo na'xa'a: Da ilaataxanaxaquipi sellaagui añi le'taxanata chaqai shiriñi quiyi la'deenataxanaxac loma'. Ca' ỹim qota'olec ma'le quena'maxare, chaqai na'maxare, ca' ỹalamaxareteripi. Ỹim na'gaxala', se'taxajñi da ỹa'qaatec.

Lucas 11:13

No'm qamiri nogoraqa, qam 'yiiñii quiyim 'ỹaañim ca lo'yaxanec ca qachaalaxahipi, ¡huose'quet ñi qata'ahi neeto'ot na piguim ỹaanem ca Espíritu Santo quecá'maq rashiilaxanaque!

Lucas 24:49

Ca' ỹim ñilatalo qamiri ma'le cá'maq ỹachaxantac nallaaqo' ñi ita'a, qam sqai daiỹari' quena na'a' lodegaxat Jerusalén, toco' ma' coñiguit ca nquesaxanaxa chigoxoshiguim.

Juan 7:39

Ca' quedajo ỹahotaque 'naac so Jesús, quiyim quecá'maq huelec so'maxare, ca icoñiguit ma'le so Espíritu Santo. Ma' saqa' novi'o' na'le so Espíritu, ma' so Jesús saqa' ỹovita yi laloqo' quiyim qaimaqachin.

Hechos 2:33

Ma' ỹahote'e da loic ñi qota'olec ỹaconsop so Jesús, ca qaỹaueguegue da piguim, chaqai icoñiguit quiñi leta'a na Espíritu Santo ná'maq mashic shi'gue ỹachaxantac; ca ná'ogue ná'maq qamiri huañichigui chaqai ná'maq 'xaichigui chicqo'ot ñi'maxare.

Hechos 4:12

Chaqai qaica ca liỹa chicqochigui ca nca'laxa. Ma' ñi qota'olec qaica ca liỹa neenaxat ỹaanema qomi' quiyim qarca'laxaqui, chaqaisoota so leenaxat so Jesús.

Hechos 5:32

Ca' quedajo seuanqachigui qomi', ca sa'xataq chaqai so Espíritu Santo, só'maq ñi qota'olec ỹaanem ná'maq na'xaỹaxana.

1 Corintios 12:13

Ma' qomi' 'eno'm qomi' judío lase', loqo'm sqai judío lase', loqo'm qomi' nelaatqa, loqo'm sqo qomi' nelaatqa, qam na' qanachilaxane' qomi', ca 'eco' qarenocau'a so 'oonoqui' noshicmaxa chicqochigui so Espíritu. Chaqai qomá'ogue 'ec qane'taxanguilo só'maq 'oonoqui' Espíritu Santo.

2 Corintios 1:22

Chaqai chaqaiñi ñí'maq ỹo'uet ca letanec coqomi', ca' ỹanaguilo naua qare'taxanata ñi Espíritu Santo, ñí'maq i'taxajñi cá'maq seconaxaguit ma'le.

Gálatas 3:16

Qam nagui retañite', ñi qota'a na' 'vii naua ỹachaxanta'pe queso Abraham chaqai queso llaalec, ca' naua nerecse' la'qaatqa ñi'maxare sqai 'nerac: “ca qachaalaxai'pi”, 'ec quiyim 'xoic ca qomyipi 'neetapega. Ta'ta'a quiyim 'naac: “ca qachaalqui'.” Ca' dajo 'oonoqui' cá'maq 'neetapega, ca cá'maq qohintapega chaqaiso so Cristo.

Gálatas 3:2

Ñigo' ñaqai 'xachiim aỹim nagui cá'maq 'neeta dajo: Na' 'viichitac da naqataxaquipi chicqo'ot so Moisés, ca ¿chicqochiquio' na'le quiyim coñiguit so Espíritu chicqo'ot ñi qota'a? loqo'm ¿chicqochigui na' viilec da na'qaatec 'xahichigui?

Gálatas 4:6

Ca' na' ichoxot ñi'maxare quiyim mashic qamiri llaalqa, ca' nelatalo qamiri so ne'Espíritu so llaalec quiyim tauguilo naua re'taxanatahi. Ca só'maq Espíritu roỹaxan, 'naacsa': “¡Qami' qota'olec!”

Efesios 2:18

Ma' chicqochigui nqohin so Cristo, ca ná'ogue ná'maq judío chaqai ná'maq sqai judío quiyim ñqo'naxau'a ñi qota'a, chicqochigui nqohin so Espíritu Santo.

Efesios 2:22

Ca' qaican ỹapaguec caqamiri quiyim na'yiitau'a so Cristo, ca lapohiguit ná'ogue na liỹaripi, chi ỹovireta'a quiyim 'ec qamiri 'imec. Ca' neetaugui ñi qota'a queso Espíritu Santo.

Efesios 3:16

Chaqai sashiilatac ñi qota'a quedá'maq chalego lecaic lesallaxa quiyim ỹaanema qamiri ca na'ñaxac chaqai ca nquesaxanaxa hueetauguilo nqai'ne' qamiri, chicqochigui nqai'en so ne'Espíritu,

Efesios 4:30

'Neeto' lotqai rachico nqai'ñii ñi Espíritu Santo chicqo'ot ñi qota'a. Ma' quiñijo Espíritu chicqochigui quiyim qaitane' qamiri, qaiyi qamiri lalamaxarete' ñi qota'a, chi ỹovireto'o' cá'maq na'xa'a quiyim ñi'maxare ỹaanema qamiri cá'maq ỹaatqajam naloochiguiñi nca'laxa.

1 Pedro 1:22

Ca' nagui qamiri, ma' mashic na'xaỹaxañiỹa dá'maq na'qaatec lliqueta chicqochigui so Espíritu Santo, ca' nachinñi nqai'ñii da nachaalataxaguii quiyim ỹaatqajam 'xoriñii ca rqaỹahi. Ca' chaqaida quet 'ñiita'gue quiyim ne'xoriñiỹata', lliichigui añi re'taxanatahi chaqai quedá'ogue da rquesaxanaxahi.

1 Pedro 3:9

Cá'maq se no'uen sqai pilaxachilec ca se no'uen, chaqai no'm qarishiviñii, qam sqai shiuenaxañii. Ta'ta'a quiyim 'ỹaañim ca no'uen ra'qaachiguii ca qom, ma' ñi qota'a roỹaxanalo qamiri quiyim coñiguit ca qouagaxa.