Gálatas 3:12 - La'qaatqa ñi qota'olec Qota'olec & Qota'olec Novita Na Qomyipi

¹² Da naqataxaquipi chicqo'ot so Moisés se ỹalecqajno da npi'ỹaxac. Ta'ta'a quiyim 'naac: “Cá'maq ipacqajanchiguilo quiyim ỹo'ueete' naua'que nauajo, ca chicqaugui ma'le ca nachaalataxac.”

Gálatas 3:12 Iomraidhean Croise

Mateo 19:17

Ca' so Jesús 'naaco': —¿Chi'negue ma' machirahic huagaxaraic? Qaica quet cá'maq liỹa, 'oonoqui' ñí'maq huagaxaraic, ca ñi'maxare chaqaiñi ñi qota'olec. Qam no'm vi'saque vichirau'a da nca'laxa, ca' ỹaatqajam na'xaỹaxañitalo naua lelaataxanaxaco ñi'maxare.

Romanos 11:6

Ca no'm qanqouaguegue quiñi qota'a quiyim qanca'au'a, ca' mesqai chicqochigui quet cá'maq ỹo'uet ca qom; ma' queta'le, dá'maq lqouagaxa quet ñi qota'a, ca' sqai ỹaatqajam nqouagaxa.

Romanos 4:14

Ma' quetqai qainaata ná'maq ỹo'ueetetac na naqataxaquipi icoñiguit cá'maq qaỹachaxantac, ca qaica quet cá'maq 'negue da npi'ỹaxac, chaqai dá'maq ỹachaxantac ñi qota'a na'laañi quet da loyac.

Romanos 4:16

Ca vichiguiño' quiyim dá'maq qaỹachaxanem so Abraham quiyim qai'taxajñi taỹaugui nqohin ná'ogue na llaalqaipi quiyim neme, qam chicqochigui nqohin da npi'ỹaxac. Ca da'maxare 'neetasa': quiyim dá'maq qaỹachaxantac mesqainaata ná'maq ỹo'ueetetac na naqataxaquipi, ma' qai'neeta ná'maq huelec ñi qota'a 'nejem so Abraham ma' huelec ñi'maxare. Ca so'maxare ỹovira'a quiyim qomá'ogue qareta'a

Romanos 7:10

Ca' chaqaida 'neeta quiyim chaqaiso só'maq naqataxac quiyim ỹa'ue quet ca ica'laxa, qam yauega'a da 'eco' nelauaxa.