Gálatas 2:9 - La'qaatqa ñi qota'olec Qota'olec & Qota'olec Novita Na Qomyipi

⁹ Vichiguiño' saua Jacobo, Pedro, chaqai so Juan, sauá'maq paguec na'gaxalate', ỹa'deenda'a quiyim chaqaiñi ñi qota'a nañaañim dajo no'ueenataxanaxac. Ca necona'guita na'le qomi', ỹim chaqai so Bernabé. Ca' dajo qaneconaxac netanec quiyim chaqai qomi' niỹa', chaqai qaỹa'maxarenta quiyim qomi' so'ueenataxanaxaugui na mesqai judioipi, ca' saua'maxare, ca ro'ueenataxandougui na judioipi.

Gálatas 2:9 Iomraidhean Croise

Mateo 16:18

Ca' ỹim shinac caqami' Pedro ma' qami' qa'. Ca' quenajo qa' so'xonejlec ma'le aca ỹo'ueenaxanaxaqui. Ca' vire'ta da nelauaxa se ishit ỹosogui ma'le aca'maxare.

Lucas 22:8

Ca' so Jesús ilate' saua Pedro chaqai so Juan, ca' 'naapegalo: —Mohi, oquii 'maxachitañi ca qonoq quiyim qaỹo'leente so na'xa'a quiyim qanaqata'a so qomyipi quiyi Egipto.

Juan 1:42

Na' ime, ca' so Andrés ỹauec so Simón, ỹauega yi neeta'ñi so Jesús. Ca' so Jesús co'na' idaana'guit so'maxare, ca 'naaco': —Qami' Shimoñi', ma' qami' llaalec so Jonás, qam nagui qadeenaxachi'o' Cefas —qam dajo neenaxat leloxoỹaxac quiyim Pedro, loqo'm qa'.

Hechos 12:17

Qam so Pedro ỹa'ue da letanec quiyim i'maqajlec, nanojshiguim ada laua, ca' ỹa'xat dá'maq 'neeto' na' qanaqatec quiñi qara'gaxala' cañi ncoñiitaxanaxaqui. Ca 'naaco': —'Xachiỹo' dajo queca Jacobo chaqai queca liỹa qarqaỹaripi. Ca quiyi, ca' eec, ỹoqa'a ca taigue.

Hechos 15:13

Ca co'na' ime da la'qaataxanaxague', ca' so Jacobo 'naaco': —Qamiri ỹaqaỹa', ñaq na'xaỹaxañiua':

Hechos 15:7

Ca co'na' shi'gom qaretaqatapigui dajo, ca nachajñi so Pedro, ca 'naaco': —Ỹaqaỹarolqa, qamiri 'yiiñita queso, na' ñi qota'olec ỹacona'a ỹim, ỹachigoxotauguilo qamiri, quiyim sodo da na'qaatec chicqaugui da nca'laxa quená'maq sqai judío, qaiyi huelec na'maxare qai'neeta.

Hechos 4:36

Ca' 'uo' so ỹale ỹalequetaho, leenaxat José, ne'xaỹoqsoqo' yi delec leenaxat Chipre, so'maxare chicqaugui na lotauaripi na netaxaỹaxanqajanqaipi, llaalqaipi so Leví. Ca' saua nelaatqa ỹahote da dalaxaic leenaxat Bernabé. Dajo neenaxat 'naac: Cá'maq lo'daxachigui na neuel.

Romanos 1:5

Ca' ñi qota'a nqouagueguelo qomi', chicqochigui nqai'en so Jesucristo, ca' qarela' quiyim so'ueenataxanot so'maxare, qaiyi quená'ogue ná'maq ỹoreta'oguit qomyipi 'ue ca huelec chaqai na'xaỹaxana.

Romanos 12:3

Ma' quedá'maq lqouagaxa ñi qota'a caỹim, ca yilarelec dajo ỹo'ueenataxanaxac, ca shinac dajo caqamiá'ogue quiyim qaica quet cá'maq ỹoiquentac quiyim napacqajan queca chi la'deenataxanaxac. Ta'ta'a quiyim quiñi 'óna ỹa'maxate'tegue ca la'deenataxanaxac quecá'maq laloqo' ca lpi'ỹaxac qoỹaanem quiñi qota'a.

Romanos 15:15

Qam canajo ilaata sahotaque quiyim sa'xateta ná'ogue na'maxare, qaiyi se couahi'e. So'uet, ma' chicqochigui da lqouagaxa ñi qota'olec quiyim ỹa'ue da ỹo'ueenataxanaxac,

1 Corintios 15:10

Qam sovira'a dá'maq shintari' nagui, ma' ñi qota'olec 'uo' da lqouagaxa caỹim, ca dá'maq lqouagaxa caỹim se ishit quiyim qaica quet ca ñigui. Ma' ỹim ỹapacauec da ỹo'ueenataxanaxac quesá'ogue so liỹa nelaatqaipi, 'eno'm mesqaỹim, qam chaqaiñi ñí'maq qota'olec quedá'maq chi lqouagaxa, ca' ro'ueenataxantapigui aỹim.

2 Corintios 11:5

Ma' peeta'a se ỹapaquerauec caỹim ná'maq quiita'pegue' ná'maq 'naac napacalec na lelaatqaipi so Jesús.

2 Corintios 12:11

Ca' ỹim hualoxonaq ma' chi ña'xateteguelta' quedá'maq no'uen shintari', qam qamiri nauá'maq 'viichii quiyim shintari' dajo. Ma' qamiri quet nauá'maq lo'yaxanec cá'maq 'ñiỹac caỹim, ma' sqaica quet cá'maq 'neeta quiyim ỹapacauec quet ná'maq quiita'pegue' qamiri quená'maq 'naac napacalec na lelaatqaipi so Jesús, 'eno'm aỹim qaica ca shinegue.

2 Corintios 8:4

Chaqai ỹaatqajam ipaca'alo qomi' quiyim seconaxaguit aca lotaanaxanqate quiyim qaỹotauan ca qarqaỹaripi.

Gálatas 1:16

ca ỹo'uet quiyim seuana so llaalec, qaiyi sa'xat da na'qaatec chicqaugui da nca'laxa quená'maq mesqai judioipi. Qam cana' 'ue dajo, qaica ca shicpegue' quiyim senat.

Gálatas 1:18

Ca' sqa saigue da Jerusalén, ta'ta'a na' ime'ueque saua tres ñaxari. Ca na'le, ca seuana so Pedro, ca sento'ot so'maxare quesaua quince na'xata'.

Gálatas 2:1

Ca na' ỹovite' catorce ñaxari, ca lotqai liỹa saigue da Jerusalén, iỹaatac so Bernabé, chaqai sauec so Tito.

Gálatas 2:2

Saigue da'maxare, ma' ñi qota'a ỹa'ue so iuanaxanaxac quiyim saigue da'maxare. Ca na' seueta'ñi yi Jerusalén, ca' 'ue so netaxaỹaxac, qam qaỹoỹooteta'oga quesó'maq mashic qaỹa'yiinchigui na'gaxalateripi. Ca sa'xatema dá'maq 'neeta dá'maq na'qaatec chicqaugui da nca'laxa dá'maq sa'xatetac quena sqai judioipi. Shi'ntegue dajo, ma' se sa'maxaren quiyim sqaica ca 'negue nqohin dá'maq shi'gue so'ueetetac chaqai dá'maq so'ueetetac nagui.

Gálatas 6:3

Ma' no'm 'ue ca 'neetapigui lauel quiyim 'ue ca 'negue, quiyim qaica ca 'negue, ca' ca'maxare chi nayinteguelta'.

Efesios 2:20

Qamiri 'ñiitari' ca 'imec, ca' qaillijlec qamiri só'maq no'xonaxanaxala' ỹa'auaxanyiñi saua lelaatqa so Jesús chaqai so letaxaỹaxanqajanqaipi ñi qota'a. Ca' chaqaiso só'maq Jesús 'eco' ca qa' nolliitañi cajo 'imec.

Efesios 3:8

Ma' ỹim qaica quet cá'maq shinegue, ma' paguec ỹim cocho'qui' quená'ogue ná'maq lalamaxaret ñi qota'a. Qam ñi'maxare queda lqouagaxa, ca' pataxailec quiyim sa'xat da na'qaatec quena mesqai judioipi quedá'maq qaica 'nejem lesallaxa so Cristo.

Colosenses 1:29

Ca' chaqaida dá'maq 'em quiyim ña'ñaxat, so'ueenataxan quedá'maq ỹa'ñaxac chaqai da iquesaxanaxa chicqo'ot so Cristo.

1 Timoteo 3:15

qaiyi no'm sqaua' sovi', qam 'yiiñite' cá'maq no'uen no'ueenataxac queca 'óna quena llaalqaipi ñi qota'a, ná'maq qohinac mashic icoñiguit da la'qaatec ñi qota'a ñí'maq ỹaatqajam nca'leetauec, ma' na'maxare nolliitañi dá'maq ỹaatqajam llic leloxoỹaxac chaqai quepaqataxanteguelec.

1 Juan 1:3

Sa'xatqatac só'maq seuanaxa qomi' chaqai sa'xaỹaxa, qaiyi qamiri na'yiiu'alo qomi', 'nejme' qomi' quiyim ỹaatqajam ña'daqatau'a ñi qota'olec chaqai so llaalec Jesucristo.

Apocalipsis 3:12

Ca cá'maq rauegaxan, ca' ỹim 'ec nqaishin aca nenojnaxa quiyim nolliitañi ñi lauo' ñi qota'olec, ca' totqa nac quiyi'maxare. Ca' quecaua'maxare serelgoto ma'le da leenaxat ñi qota'olec chaqai da leenaxat yi la'a' ñi'maxare, yí'maq dalaxaic Jerusalén chicqa'gue da piguim, chicqo'ot ñi qota'olec. Qai'neeta serelgoto ma'le caua'maxare ca dalaxaic ỹeenaxat.