Gálatas 2:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ỹaatqajam ñaqa 'ue quet ca dalaxaic lapaxaguinataxanaxac caỹim. Ta'ta'a quiyim retane' quiyim chaqaiñi ñi qota'a ñí'maq yamaxalec quiyim sa'xat da na'qaatec chicqaugui da nca'laxa quena sqai judioipi, 'nejem da 'neeta queso Pedro quiyim qaỹamaxalec ỹa'xatem da na'qaatec na judioipi.

Gálatas 2:7 Iomraidhean Croise

Hechos 15:12

Ca' sá'ogue so qomyipi i'maqajlem. Ca qana'xaỹaxantapegalo saua Bernabé chaqai so Pablo, ỹa'xatesac na netanqaipi chaqai na se qaiuanapega, ná'maq ỹo'ueeto' ñi qota'a quedá'maq llicyaxague' saua'maxare, co'na' ỹalequesaugui na mesqai judioipi.

Hechos 18:6

Qam so judioipi lama'xa retaqata'guit so Pablo, se ichira'pe naua la'qaatqa. Ca so Pablo ỹochigoxoi' saua loho, ca' dajo tai'a quiyim so Pablo ca'e so qomyipi. Qam 'naapego': —Qamiri chi nasauaxachiỹalta' ma' novi' ca relauaxahi, ma' ỹim totqa saỹapegueu'a. Ca' nagui shic, shicpegue' na mesqai judioipi.

Hechos 28:28

Ca nagui 'yiiñita dajo, ma' quenagui taachi'ñi da nca'laxa chicqo'ot ñi qota'olec qoỹaanougui na mesqai judioipi, ma' na'maxare na'xaỹaxana ma'le.

Hechos 9:15

Qam ñi qara'gaxala' 'naapego' so Ananías: —Mo'e', ma' ica'acsec ñi ỹale quiyim ỹa'xat da ỹeenaxat quená'ogue nanchaqaina ỹoreta'oguit qomyipi, chaqai quena lashillipi, chaqai vire'ta quena Israel laseripi.

Romanos 1:5

Ca' ñi qota'a nqouagueguelo qomi', chicqochigui nqai'en so Jesucristo, ca' qarela' quiyim so'ueenataxanot so'maxare, qaiyi quená'ogue ná'maq ỹoreta'oguit qomyipi 'ue ca huelec chaqai na'xaỹaxana.

Romanos 11:13

Qam ỹim nagui 'uo' da sa'xat caqamiri ma' sqai qamiri judío lase'. Ma' ñi qota'olec yilata na mesqai judío laseripi, ca vichiguiño' ỹaatqajam semaqachin da ỹo'ueenatec.

1 Corintios 9:17

Ca' vichiguiño' quiyim chaqaỹim chicqochigui da ỹa'deenataxanaxac quiyim so'uet da'maxare, ca' ma'le ishit 'ue ca ñishiue'. Qam quiyim yipacalec so'uet, qaiyiita ma' chi qaỹamaxailec quiñi qota'a quiyim so'uet da'maxare.

Gálatas 1:16

ca ỹo'uet quiyim seuana so llaalec, qaiyi sa'xat da na'qaatec chicqaugui da nca'laxa quená'maq mesqai judioipi. Qam cana' 'ue dajo, qaica ca shicpegue' quiyim senat.

Gálatas 1:18

Ca' sqa saigue da Jerusalén, ta'ta'a na' ime'ueque saua tres ñaxari. Ca na'le, ca seuana so Pedro, ca sento'ot so'maxare quesaua quince na'xata'.

Gálatas 1:6

Ỹaatqajam chalego da i'laxa quiyim chita'gue chaqa'ma' sham lachii ñi qota'a, ma' chaqaiñi ñí'maq roỹaxanalo qomi', ỹachigoxochichigui da le'xorenataxanaxa so Cristo coqomi', chaqai quiyim quiita'pegue' dá'maq ỹoqa'a na'qaatec qohinac chicqaugui da nca'laxa.

Gálatas 2:11

Qam na' so Pedro quepegue' yi na'a' Antioquía, ca hua'anyi na'le, ca soviraqta'a, ma' ỹaatqajam se ỹa'maxañi dá'maq ỹo'ueetetac.

Gálatas 2:14

Qam na' seuanchigui dajo quiyim se nachiñiguit dá'maq ỹaatqajam leloxoỹaxac da na'qaatec chicqaugui da nca'laxa, ca' setaxaỹa'a so Pedro, iuanchigui nqaishin sá'ogue só'maq mashic icoñiguit da na'qaatec. Shinac: “Qami', ma' qami' judío le'ec, qam quesaua liỹa' na'xata' 'ñiisari' ca sqai judío le'ec, ca mesqai 'ñiisari' ca judío le'ec. Qam ¿chi'neco' ma' viisaque quiyim na mesqai judío ỹadenaxat da no'ueenataxac na judioipi?”

Gálatas 2:9

Vichiguiño' saua Jacobo, Pedro, chaqai so Juan, sauá'maq paguec na'gaxalate', ỹa'deenda'a quiyim chaqaiñi ñi qota'a nañaañim dajo no'ueenataxanaxac. Ca necona'guita na'le qomi', ỹim chaqai so Bernabé. Ca' dajo qaneconaxac netanec quiyim chaqai qomi' niỹa', chaqai qaỹa'maxarenta quiyim qomi' so'ueenataxanaxaugui na mesqai judioipi, ca' saua'maxare, ca ro'ueenataxandougui na judioipi.

1 Tesalonicenses 2:4

Ta'ta'a quiyim ñi qota'a ichoxote' quiyim ỹa'maxarente' qomi', ca' pataxalgoto qomi' quiyim sa'xataq da na'qaatec chicqaugui da nca'laxa. Ca' chaqaida dá'maq sa'xatqatac. Se sahoqotaque quiyim imaqachinta'pe qomi' na qomyipi. Ta'ta'a quiyim sahoqotaque quiyim imaqachinta'pe qomi' ñi qota'a, ma' ỹa'ajanta'pe naua qare'taxanata.

1 Timoteo 1:11

Ma' dá'maq ỹaatqajam 'maxaraic napaxaguinataxanaxac ỹaatqajam nachiñi'chiguit da na'qaatec chicqaugui dá'maq ỹapaguec loyac nca'laxa, dá'maq chicqo'tot ñi qota'a ñí'maq qaimaqachintac. Ca' da'maxare ỹamaxailec quiyim sa'xatetac.

1 Timoteo 2:7

Ca' chaqaida dá'maq dajo quiyim ñi qota'a ỹa'ue quiyim aỹim la'qaataxanqajnec chaqai lelaatec, quiyim sapaxaguinegue da 'neeta da npi'ỹaxac chaqai dá'maq ỹaatqajam llic leloxoỹaxac ná'maq mesqai judío laseripi. Ma' ỹim mashic seuelec so Cristo, ca' ỹaatqajam llic dá'maq sa'xatetac. Se ña'majan.

2 Timoteo 1:11

Ñi qota'a ỹanagui quiyim aỹim la'qaataxanqajnec quiyim sa'xatetac dajo na'qaatec. Chaqai ỹamaxailec quiyim sapaxaguin na mesqai judío laseripi.

2 Pedro 3:15

Ca' 'yiiñitapega da leualaxavic ñi qara'gaxala' coqomi'. Da'maxare tai'a da qarca'laxa. Chaqaida 'neeta dá'maq ỹiriñi na'le caqamiri so qanauochaxaua qarqaỹa Pablo na' ỹiriñi da la'deenec chicqo'ot ñi qota'a.