Gálatas 2:4 - La'qaatqa ñi qota'olec Qota'olec & Qota'olec Novita Na Qomyipi

⁴ 'Nesa ma' llic ma' 'vii naua sqai ỹaatqajam 'chichiriñi qarqaỹa' nalecqajansauguilo qomi', nañoxotesañi, ca ỹahosaque quiyim qaỹa'ue ca netanec na loshicmaxa. Na'maxare nalecqajno, qam chi na'ajnaxanaripi quiyim ỹa'ajan dá'maq shinqatari' quiyim qaica canchaqaica ma' ña'daqatau'a so Cristo Jesús, ca' ỹahotaque quiyim liỹa ñcoñiraxaguit na nelaataxanaxaquipi.

Gálatas 2:4 Iomraidhean Croise

Salmos 51:12

Ñauata'guit nqai'ñi' ca dalaxaic ñitoonaxac chicqaugui da rca'laqataxanaxaqui', chaqai ya'maxachi' ma'le queso espíritu 'xorenataxanaxai chicqo'ot qami',

Lucas 5:38

Vichiguiño' ca dalaxaic lataxa, ca qaỹocoriñigui acá'maq dalaxaỹole loshicmaxa ca isecỹac, ca' qaiyi quecaua'maxare qaica ca na'laañi.

Hechos 15:1

Ca' quesauajo na'xata' 'vio' saua ỹale' chicqora'ñi yi Judea, ca taategue da Antioquía, ca rapaxaguinataxane' queso mashic icoñiguit da na'qaatec, quiyim quecá'maq ỹahotaque nca'leuec, ca' icoñiguit quiyim qaỹa'ue netanec na loshicmaxa, ỹocanchigui da lelaataxanaxac so Moisés.

Hechos 15:24

Chaqai qomi' sa'deenaq quiyim 'vio' caua qomi' chicqora'ñi najo, qam qomi' se qarelaatqa. Ca se rayaxañiỹac, ca se ỹaqamaxate' qamiri quenaua la'qaatqa quiyim 'nerac quiyim 'viichii ca netanec na roshicmaxahi, ca' quiilec na naqataxaquipi chicqochigui so Moisés.

Hechos 20:30

Qam ma'le, ca chaqaqamiri chicqochiguinguilo ca ne'laxashiguim rapaxaguiñiigue da la'maachic, se ỹa'xat ca lliqueta, ma' ỹahotaque qoyiguegue quená'ogue ná'maq mashic icoñiguit da na'qaatec.

Romanos 8:15

Ma' quesó'maq Espíritu neetauguilo qamiri ỹo'uet quiyim totqai qamiri nelaatqa quiyim liỹa quet ro'chiitac. Ta'ta'a quiyim sojo Espíritu ỹo'uet quiyim qamiri llaalqa ñi qota'olec. Ca' ñijo Espíritu ỹo'uet quiyim shinqac: “¡Qami' qareta'a qota'olec!”

2 Corintios 11:13

Qam mese nelaatqa queso Jesús, qam chi rayinaxanta'pe, no'ueetesagui quiyim 'ec lelaatqa so Cristo.

2 Corintios 11:17

Sa'xatetac dajo, qam se qailarilec queso qara'gaxala'. Ta'ta'a quiyim 'ec ỹim hualoxonaq, qam dajo taỹaugui quiyim ñimaqajan.

2 Corintios 11:20

Ma' qamiri na'ñaxachiiguit ná'maq ỹo'uet quiyim qamiri lelaatqa, loqo'm que'eetapiguilo qamiri, chaqai 'ec qamiri lalamaxarete', chaqai qaica ca ỹauaapigui qamiri, chaqai ỹouaxantapiguilo naua rashigori.

2 Corintios 11:26

Chaqai 'xoic na ỹouoxoc, ca' seuana na lichic ana lachiugue, chaqai lichic na cuataxairipi, chaqai na lichic na chi iuo' laseripi, chaqai na se iuo' laseripi. Chaqai seuana da lichic na na'aateripi, chaqai quena no'ueenaxa, chaqai ana huaaxai. Chaqai seuana na lichic ná'maq 'naac qarqaỹaripi, qam 'maatqaiquipi.

2 Corintios 3:17

Ma' so qara'gaxala' chaqaiso só'maq Espíritu Santo, ca cá'maq hueeta'ñi so ne'Espíritu so qara'gaxala', ca' ỹaatqajam qaica canchaqaica, ỹaatqajam huaquichiguiñi.

Gálatas 1:7

Mesqai llic quiyim 'ue quet ca liỹa na'qaatec chicqaugui quet ca nca'laxa. Dá'maq 'neeta ma' 'vii nauá'maq se ỹaqamaxate' qamiri, ca' ỹahotaque ỹaỹoqojnec dá'maq na'qaatec chicqaugui da nca'laxa chicqo'ot so Cristo.

Gálatas 4:25

Ma' aso Agar ñigui nqohin aso quemaralec ladocai leenaxat Sinaí na'ñi yi Arabia. Ca' chaqaso asó'maq ñigui nqohin yí'maq Jerusalén nagui, ma' yijo na'a' nagui 'neetari' aca na'á, chaqai qai'neeta ná'ogue na llaalqaipi.

Gálatas 4:3

Ca' chaqaida 'neeta coqomi'. Ma' na' 'ec ñaqai qomi' ñaaqolqai', ca qomi' qolqata'ueguelo naua chaqai qom la'deenataxanaxaco hueesalec na 'laua.

Gálatas 5:1

So Cristo ỹosou'alo qomi', qaiyi qaica ca qarquepaxat. Ca' na'ñaxachii quiyim quiitalec quiyim qaica ca rquepaxachii, ca tot liỹa pilliu'a quiyim qamiri quet na'aqa.

Gálatas 5:10

Qam ỹim 'ue da ñaquitaxac queso qara'gaxala', chaqai caqamiri quiyim mesqai ỹoqa'a nqai'ñii ca ra'deenataxanaxaguii; qam ñi qota'a ỹa'ue ma'le ca nouaxanaxaset cá'maq canchaqaica sqai ỹaxana'pe qamiri.

2 Timoteo 3:6

Ma' quena'maxare 'ue na ỹovira'a ca na'a', ca' ỹayin ana 'aalo se noqoc chaqai naỹa'que naua no'ueenataxaco. Najo 'aalo queeta'pegue' ná'maq chi lqo'itaxanqachic,

Santiago 1:25

Qam cá'maq se coua'e da na'xaỹaxanaxac, ta'ta'a quiyim ỹaatqajam ra'ijlec dá'maq 'maxaraic naqataxac, dá'maq ỹo'uet quiyim qaica ca qarquepaxat, chaqai quejlec da'maxare, ỹo'ueetetac dá'maq 'naac dajo naqataxac, ca' cajo qom qoỹaanem quiñi qota'a da no'uen llicyaxac quecá'maq ỹo'uet.

1 Pedro 2:16

'Ñiitari' ca qom quiyim chi nanoiquentac, qam sqai 'ñiitari' ca nanoiquentac quiyim ỹo'uet ca se no'uen. Ta'ta'a quiyim 'ñiitari' caua ỹaatqajam la'aqa ñi qota'a.

2 Pedro 2:19

Na'maxare ỹachaxantac dá'maq chaalataxac sqaicanqaida. Qam na'maxare, ca' na'ac quená'maq 'ueenataxac se no'uen, ma' ca qom na'ac quecá'maq ỹapacqajnauec que'uegue.

1 Juan 4:1

Qamiri ỹaqaỹarolqa, 'neeto' viilec ná'ogue ná'maq 'naac mashic qaretaqaugui quiñi qota'a, ta'ta'a quiyim 'guiñii, no'm chaqaiño' ñí'maq ne'Espíritu ñi qota'a ñí'maq neetagui, loqo'm 'e'. Ma' na 'laua mashic sham no'xalec quena 'maatqaiquipi quená'maq 'naac mashic qaretaqaugui quiñi qota'a.

Judas 1:4

Ma' mashic 'uo' na qomyipi queetou'gue da lachoxonataxanaxac caqamiri. Quená'maq shi'co' qaỹa'xateta'guit quenaua naneresañi la'qaatqa ñi qota'a quiyim tai'a dá'maq ỹaatqajam 'chichiguiñi nouaxanaxaset. Najo qomyipi ỹaatqajam hualoxonyipi, ma' icoñiguit da lqouagaxa ñi qota'olec, ca' iualaxain, queugui nqai'en da se no'uen lamaanaxanqachic na loshicmaxa, chaqai sqai huelec ñi qota'a ñí'maq qaiñiita qomi' lalamaxarete', chaqai so qara'gaxala' Jesucristo.