Gálatas 2:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca se sa'maxaren quiyim lliỹoqa'piguit quet dá'maq lqouagaxa ñi qota'a. Ma' quet ishit ca 'óna quiyim qaỹa'maxarenta quiñi qota'a quiyim quiichi'nguilo naua naqataxaco chicqoro'ot so Moisés, ma' queta'le, ca' qaica quet ca 'negue da lelauaxa so Cristo.

Gálatas 2:21 Iomraidhean Croise

Salmos 33:10

Ñi qara'gaxala' se ipaguigui nqai'en da 'neeta'pegue na qomyipi sqai huelec ñi'maxare,

Isaías 49:4

Ca' ỹim shinaiquen: “Ỹaatqajam 'ue da ỹo'ueenataxanaxac, qam qaica ca 'negue, 'xoic da ña'ñaaqataxac, qam qaica quet cá'maq ñigui.” Qam llic ma' dá'maq so'ueetetac hueeto'ot ñi qara'gaxala' qota'olec, chaqai ca ñishiuetenaxac chicqo'ot ñi'maxare.

Marcos 7:9

Ca lotqai 'naaco' na'le: —Ma' qamiri chaqai quiilgoto nauá'maq chi no'ueenataxagohi, ca' ỹaatqajam lachii' naua laqataxaco ñi qota'olec.

Romanos 10:3

Ma' se ỹa'den cá'maq 'neeta cá'maq 'neeta'gue ñi qota'a quiyim icoñi'chiguit ca qom. Qaidaata quiyim idaantaque ca chi la'maqa' quiyim qaicoñi'chiguit quiñi'maxare, qam se nañaanot dá'maq leloxoỹaxac ỹa'yiñi ñi'maxare.

Romanos 11:6

Ca no'm qanqouaguegue quiñi qota'a quiyim qanca'au'a, ca' mesqai chicqochigui quet cá'maq ỹo'uet ca qom; ma' queta'le, dá'maq lqouagaxa quet ñi qota'a, ca' sqai ỹaatqajam nqouagaxa.

Romanos 4:25

só'maq qoỹaañiguit da lelauaxa sauaxat na qarasauaxaseteripi, chaqai liỹa qanca'laxatec, qaiyi icoñi'chiguita qomi' ñi qota'olec.

Romanos 8:31

Ca ¿nega'ỹo' ca shinqac quedajo? No'm ñi qota'a ro'ootaxanlgoto qomi', ca ¿negue' queto' ca ishit quiyim npa'guenta'to qomi'?

1 Corintios 15:14

Chaqai no'm so Cristo se nca'leuec nqohin, ca dá'maq na'qaatec sa'xatqatac qaica ca 'negue, chaqai dá'maq rpi'ỹaxaguii qai'neeta.

1 Corintios 15:17

Ca no'm se ishit nca'leuec nqohin so Cristo, ca dá'maq rpi'ỹaxaguii qamiri qaica ca 'negue. Ca' qaiyiita viitaugui na nasauaxaset.

1 Corintios 15:2

Chaqai chicqochigui dajo na'qaatec quiyim qanca'laxaterec qamiri, no'm quiijlgoto nauá'maq sa'xatema qamiri, chaqai no'm sqai 'ñiỹa'guesa' ca rpi'ỹaxaguii.

Gálatas 2:16

Qam qaiyiita sa'deenaq quiyim qaica ca 'oonoqui' qaỹa'maxarenta quiñi qota'a ma' ỹo'ueetetac na naqataxaquipi chicqo'ot na'le so Moisés, ma' qaidaata quiyim qoyiuelec so Jesucristo. Ca vichiguiño' qomi' quiyim seuaqlec so Jesucristo, ca ỹa'maxarente' qomi' ñi qota'a chicqochigui da qarpi'ỹaxac, ca' sqai chicqaugui quiyim qomi' so'ueetqatac na naqataxaquipi. Ma' sqaica cá'maq ỹa'maxarenta ñi qota'a quiyim ỹo'ueetetac na naqataxaquipi.

Gálatas 2:18

Ma' no'm sosogui ná'maq naqataxaquipi, ime, ca lotqai liỹa ño'xonshiguim, ca' quiyi, ca ỹaatqajam 'ue ca ỹasauaxaset.

Gálatas 3:21

Ca dá'maq naqataxaquipi chicqo'ot so Moisés, ca ¿npa'guenaxauo' dá'maq ỹachaxantac na'le ñi qota'a? 'E', mesqaida. Ma' quet qoỹaaneco' na'le ca naqataxac quiyim ca'laqataxan, ca' qaishit queta'le quiyim 'ue ca qaỹa'maxarenta quiñi qota'a quiyim ỹo'uet cajo naqataxac.

Hebreos 7:11

Na llaalqaipi so Israel na' icoñiguit so naqataxaquipi, qam chicqotougui nqohin so netaxaỹaxanqajanqaipi llaalqaipi so Leví, só'maq qai'neeta llaalqaipi so Aarón. Ca vichiguiño' quiyim najo netaxaỹaxanqajanqaipi quetqai ishito' quiyim nalogoñi 'maxaraic nqai'en da no'ueenataxac ná'maq queeta'pegue' na naqataxaquipi, ca se qaipacaque quet ca liỹa netaxaỹaxanqajnec sqai 'nejem da no'ueenataxac so Aarón, ta'ta'a quiyim 'nejem da no'ueenataxac so Melquisedec.