Gálatas 2:2 - La'qaatqa ñi qota'olec Qota'olec & Qota'olec Novita Na Qomyipi

² Saigue da'maxare, ma' ñi qota'a ỹa'ue so iuanaxanaxac quiyim saigue da'maxare. Ca na' seueta'ñi yi Jerusalén, ca' 'ue so netaxaỹaxac, qam qaỹoỹooteta'oga quesó'maq mashic qaỹa'yiinchigui na'gaxalateripi. Ca sa'xatema dá'maq 'neeta dá'maq na'qaatec chicqaugui da nca'laxa dá'maq sa'xatetac quena sqai judioipi. Shi'ntegue dajo, ma' se sa'maxaren quiyim sqaica ca 'negue nqohin dá'maq shi'gue so'ueetetac chaqai dá'maq so'ueetetac nagui.

Gálatas 2:2 Iomraidhean Croise

Mateo 10:16

¡Ñaqai 'ajñii! Ỹim selate' qamiri, 'nejme' aqamiri aca qagreta, quiichicñigui nqohin na lavinñi ca iseripi toxonaxairipi. Qam na'deenaxanqachiñii, 'ñiitari' ca nanaic, qam sqa vii ca rovirii, 'ñiitari' ca coviguiñic.

Hechos 15:12

Ca' sá'ogue so qomyipi i'maqajlem. Ca qana'xaỹaxantapegalo saua Bernabé chaqai so Pablo, ỹa'xatesac na netanqaipi chaqai na se qaiuanapega, ná'maq ỹo'ueeto' ñi qota'a quedá'maq llicyaxague' saua'maxare, co'na' ỹalequesaugui na mesqai judioipi.

Hechos 15:2

Qam so Pablo chaqai so Bernabé ỹaatqajam noqollictetecto saua'maxare, ỹaatqajam lodegaxat da noqollictaxague'. Vichiguiño' qaỹacona'alo saua Pablo chaqai so Bernabé, chaqai qaỹa'vii saua liỹa' quiyim taategue da Jerusalén, qoyicpegueto saua lelaatqa so Jesús chaqai saua na'gaxalate' queso mashic icoñiguit da na'qaatec quiyi na'a', ca' qaretaqagui dajo.

Hechos 15:4

Ca co'na' so Pablo chaqai so Bernabé ỹovirera'a yi Jerusalén, ca só'maq mashic shi'gue ỹacoñiguit da na'qaatec ỹaatqajam 'ue da lquelolqa' quesaua'maxare, saua na'gaxalate' chaqai saua lelaatqa so Jesús. Ca' so Pablo chaqai so Bernabé ỹa'xate'o' dá'ogue dá'maq ñi qota'olec ỹo'ueeto' quesaua'maxare.

Hechos 18:9

Ca' queso pe 'uo' so leuanaxanaxac so Pablo quiyim qohinapego' quiñi qara'gaxala': —Se ro'chi'i', quiisalec da ra'qaataxanaxaqui'. Se re'maqairiñi.

Hechos 23:11

Ca' queso pe so Jesús nachaxana so Pablo. Ca 'naapego': —Qami' Pablo, na'ñaxachi'o' ma'le, ma' dá'maq 'ñitetegue da retaxaỹaxaqui' caỹim quena Jerusalén, qai'neeta 'ñitetegue ca retaxaỹaxaqui' ma'le quiyi Roma.

Hechos 5:34

Qalaxam queso nashillipi 'uo' so ỹalequetaho fariseo, leenaxat Gamaliel. So'maxare napaxaguinataxanaq quena nelaataxanaxaquipi, ma' so'maxare na qomyipi ỹapacauec nqai'en. So'maxare nachajñi, ca 'naapegalo quiyim qaỹaueguere'oguiyi lecocho'qui' saua lelaatqa so Jesús.

Romanos 9:16

Ca vichiguiño' dajo sqa chicqaugui ca chaqai 'neeta'pegue loqo'm ca chi na'ñaaqataxac ca qom, ta'ta'a quecá'maq chi nqouaguegue ñi qota'olec.

1 Corintios 1:23

Qam qomi' sa'xatqatac da na'qaatec na' so Cristo qaipateno. Na judioipi quena' 'xaỹa da na'qaataxanaxac, ca ỹaatqajam npocoxolec, chaqai quena mesqai judío laseripi quena' 'xaỹa, 'eco' 'nejem ca chaqai mogollishic nqai'en.

1 Corintios 2:2

Qam na' salequetauguilo qamiri sqaica ca liỹa sahotaque sa'den, qaisoota so Jesucristo só'maq qaipateno.

1 Corintios 9:24

Qamiri mashic 'yiiñita quena' 'ue ca lliquinaq ná'ogue nalliquin, qam 'oonoqui' ca ỹacoñiguit ca laueguec. Ca' qamiri ỹaatqajam nalliquiñii, qaiyi coñiguit ma'le ca raviguiguii.

1 Corintios 9:26

Ma' caỹim queda ñalliquinaxac, mese ñalliquinte'era, chaqai quiyim ñouaxan, se souaxante'era.

2 Corintios 12:1

Ỹaatqajam qaica quet cá'maq 'negue ca qom no'm chi na'xateteguelta'. Qam ỹim dá'maq qayauanaxanaxanegue chaqai dá'maq ya'deenaxanaxanegue so qara'gaxala', ca sa'xat.

Gálatas 1:12

Ma' se sachigoqto'ot ca qom, chaqai mesqaica ca yapaxaguinegue. Ta'ta'a quiyim chaqaiso so Jesucristo ya'deenaxanaxanegue da'maxare.

Gálatas 1:16

ca ỹo'uet quiyim seuana so llaalec, qaiyi sa'xat da na'qaatec chicqaugui da nca'laxa quená'maq mesqai judioipi. Qam cana' 'ue dajo, qaica ca shicpegue' quiyim senat.

Gálatas 1:6

Ỹaatqajam chalego da i'laxa quiyim chita'gue chaqa'ma' sham lachii ñi qota'a, ma' chaqaiñi ñí'maq roỹaxanalo qomi', ỹachigoxochichigui da le'xorenataxanaxa so Cristo coqomi', chaqai quiyim quiita'pegue' dá'maq ỹoqa'a na'qaatec qohinac chicqaugui da nca'laxa.

Gálatas 2:6

Ca' quiyauá'maq qaỹa'yiinchiguilo quiyim na'gaxalate' qaica ca ỹachaxane' dalaxaic napaxaguinataxanaxac caỹim, chaqai aỹim se ya'iitapigui cá'maq re'qoochigui 'neesari' yaua'maxare, ma' ñi qota'a se ra'iitapigui ca re'qoochigui 'ueenataxac.

Gálatas 2:9

Vichiguiño' saua Jacobo, Pedro, chaqai so Juan, sauá'maq paguec na'gaxalate', ỹa'deenda'a quiyim chaqaiñi ñi qota'a nañaañim dajo no'ueenataxanaxac. Ca necona'guita na'le qomi', ỹim chaqai so Bernabé. Ca' dajo qaneconaxac netanec quiyim chaqai qomi' niỹa', chaqai qaỹa'maxarenta quiyim qomi' so'ueenataxanaxaugui na mesqai judioipi, ca' saua'maxare, ca ro'ueenataxandougui na judioipi.

Gálatas 5:7

Qamiri ỹaatqajam 'maxaraic dá'maq 'ñiitari' na'le. Qam ¿nega'ỹo' cá'maq ỹo'uet quiyim totqai viilec dá'maq ỹaatqajam lliqueta?

Filipenses 2:16

quiyim 'xachim da na'qaatec chicqaugui da nca'laxa. Qaiyi ma' novi' so Cristo, ca' 'ue ca ñitoonaxac ma'le caqamiri. Sa'deentari' quiyim 'ue ca ñigui da ñamaqsoxoc chaqai da ỹo'ueenataxanaxac.

Filipenses 2:29

Ca ỹaatqajam 'xoic ca netoonaxaguii ma' coñiguit ñi'maxare, ma' qai'neeta huelec so qara'gaxala'. Chaqai se neme quiyim rauochigue cá'maq 'nejem ñi'maxare.

1 Tesalonicenses 3:5

Vichiguiño' ỹim, ma' mashic tot yalo'guit dajo, ca' sela' so Timoteo quiyim renataxanalo qamiri negue' ca 'neetari' ca rpi'ỹaxaguii, ma' mashic 'ue da itelaxa quiyim so na'ỹaapec ỹayine' qamiri queca se no'uen chaqai quiyim qaica ca ñigui nqai'en da qaro'ueenataxanaxac.

2 Timoteo 4:7

Ma' mashic somat quiyim ñco'uaateguelec da ỹo'ueenataxanaxac, chaqai somat da ñalliquinaxac. Ỹaatqajam llo'qoochiguiñi da npi'ỹaxac.

Hebreos 12:1

Ca' vichiguiño' qomi', ma' mashic 'xoic na qom seuqatañigui re'qoota da lpi'ỹaxac, ca 'maxaraic quiyim saxanaxañi ná'ogue ná'maq qara'paxat chaqai ná'maq nasauaxaset qara'peetapigui. Ca ñi'guenaxashiguim, qolaxalec da qanalliquinaxac quedá'maq seloxoiqa'gue.