Gálatas 2:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' nagui qomi' no'm sahoqotaque quiyim ỹa'maxarente' qomi' ñi qota'a chicqochigui nqai'en so Cristo, ca re'oq quiyim qomi' qai'neete' qomi' sauaqhuaqa, ca ¿peeta'a chaqaiso' só'maq Cristo só'maq ỹo'uet quiyim qomi' sauaqhuaqa? ¡'E', hua'iquet!

Gálatas 2:17 Iomraidhean Croise

Mateo 1:21

Ca ma' ne'qaañi yi llaalec, ca ñitegue leenaxat Jesús. Leenaxato' ma'le dajo, ma' nca'laxatec ma'le na lalamaxaret lauo' quena lasauaxaset.

Lucas 20:16

Ma' novita, ca nalauajñi so no'ueenataxanyipi. Ime, ca' ỹaanem ca liỹa 'ueenataxanaxaiquipi so 'laua. Ca co'na' qara'xaỹa dajo, ca 'neraco': —¡Saxanchi' sqai 'ne'tegue dajo ñi qota'olec!

Romanos 11:7

Ca ¿negue' cá'maq 'neeto'? Quiyim ná'maq Israel laseripi se ỹanata cá'maq idaantaque, qam ná'maq lca'acseripi ñi qota'a, ca' ỹanata. Qam ná'maq liỹaripi no'ueena'guit quiyim se na'xaỹaxan.

Romanos 15:8

Ma' quedá'maq shinac, quiyim so Cristo nanac ma' ỹahotaque quelola na judioipi, ma' ỹahotaque ipacqajanchigui ỹo'uet dá'maq qaỹachaxantapeguem na'le so 'auaxaic qareta'allipi, qaiyi ichoxot quiyim ñi qota'olec ipacqajanchiguilo nauá'maq ỹachaxanta'pe.

Romanos 3:4

¡'E'! Ta'ta'a quiyim ñi'maxare ipacqajanchigui ỹo'uet dá'maq lliqueta, 'eno'm ná'ogue na qom 'maatqaic. Ma' 'nerac naua naneresañi la'qaatqa ñi qota'a: Quiyim taxahi', ca' re'oq quiyim ỹaatqajam lliqueta ca 'ñirac, ca' re'qootec quiyim qaica ca rasauaxashichi' ma' qaimit qami'.

Romanos 3:6

¡'Nesa ma' sqai 'neeta dajo! Ma' quetqai ñi qota'olec se ỹa'maxañi ca ỹo'ueetetac, ca ¿negue' quet cá'maq la'maqa' quiyim imit na lasauaxaset na qomyipi?

Gálatas 2:11

Qam na' so Pedro quepegue' yi na'a' Antioquía, ca hua'anyi na'le, ca soviraqta'a, ma' ỹaatqajam se ỹa'maxañi dá'maq ỹo'ueetetac.

Gálatas 2:15

Qomi', qomi' llaalqa na judioipi, chaqai sqai qomi' sauaqhuaqa, sqai shinqata na liỹa ỹoreta'oguit qomyipi.

Gálatas 3:21

Ca dá'maq naqataxaquipi chicqo'ot so Moisés, ca ¿npa'guenaxauo' dá'maq ỹachaxantac na'le ñi qota'a? 'E', mesqaida. Ma' quet qoỹaaneco' na'le ca naqataxac quiyim ca'laqataxan, ca' qaishit queta'le quiyim 'ue ca qaỹa'maxarenta quiñi qota'a quiyim ỹo'uet cajo naqataxac.

Gálatas 6:14

Qam caỹim, sqaica ma' sa'maxaren quet quiyim ñimaqajan, ta'ta'a quedá'maq lelauaxa so qara'gaxala' Jesucristo na' qaipateno queso npatenaxala'. Ma' chicqochigui so npatenaxala' so Cristo, ca' caỹim 'ec ileu ná'maq 'ueenataxac hueetalec na 'laua, chaqai aỹim 'ec yileu quená'maq 'ueenataxac hueetalec na 'laua.

Hebreos 8:2

Ca' chaqaiso só'maq qaretaxaỹaxanqajnec quiyim retaxaỹa'pegue' ñi qota'a quecá'maq ỹaatqajam lauo' ñi qota'a queda piguim, cá'maq 'imec chi lo'ueenatec ñi qara'gaxala', mese lo'ueenatec ca chaqai qom.

1 Juan 3:5

Ma' qamiri shi'gue 'yiiñii quiyim so Jesucristo nacpegue' ana 'laua, ỹahotaque naqat na qarasauaxaset, qam so'maxare qaica ca lasauaxaset.