Gálatas 2:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Qam na' so Pedro quepegue' yi na'a' Antioquía, ca hua'anyi na'le, ca soviraqta'a, ma' ỹaatqajam se ỹa'maxañi dá'maq ỹo'ueetetac.

Gálatas 2:11 Iomraidhean Croise

Jeremías 1:17

Ca' nagui, ca' qami' na'ñaxachi', ca 'ñirapega ná'ogue ná'maq sa'xat ma'le caqami'. Totaxan ro'chita, ma' no'me', ca' ỹim i'loxol nqaishin qami' ma'le ma' vichita yi'maxare.

Jonás 1:3

Qam so Jonás se na'xaỹaxan, ta'ta'a quiyim ỹahotaque 'eetapeguem ñi qara'gaxala' qota'olec. Ca' quepegue' yi ñigaxasom leenaxat Jope. Ca' quiyi, ca' natenejlec aso qom lahi' huaxaỹaqse mashic sham taigue da na'a' lodegaxat Tarsis. Ca so'maxare ishiueten aso renotaxaqui, ca' renoto, huotaque taigue da Tarsis.

Jonás 4:9

Qam ñi qota'olec 'naaco' queso'maxare: —¿'Ñiisapego' ỹa'maqachiguiñi quiyim 'ohi', ma' ỹaso aso ropillichi'i' noueela? —¡Pacaco' ỹa'maqachiguiñi nqaishin! —'naaco' so Jonás—. ¡Ca ỹim sahotaque quiyim yileu paguelec na iuel!

Números 20:12

Qam ñi qara'gaxala' 'naaco' queso Moisés chaqai queso Aarón: —Ma' qamiri qaico' ca rpi'ỹaxaguii caỹim, chaqai se iuanchigui nqai'ñii na Israel llaalqaipi quiyim yimaqachiñii, ca se riỹahitaho ma'le najo qomyipi quiyim inoxona'a nqaishin yí'maq 'laua saanem ma'le na'maxare.

Mateo 16:23

Qam so Jesús naqalgoxoñi, ca 'naaco' queso Pedro: —¡Qami' na'ỹaapec, oquire'e aỹim! Ma' yo'taxachi'sac. Da ra'deenataxanaxaqui' sqai 'nejem da la'deenataxanaxac ñi qota'olec, ta'ta'a quiyim chaqai qom la'deenataxanaxac.

Juan 1:42

Na' ime, ca' so Andrés ỹauec so Simón, ỹauega yi neeta'ñi so Jesús. Ca' so Jesús co'na' idaana'guit so'maxare, ca 'naaco': —Qami' Shimoñi', ma' qami' llaalec so Jonás, qam nagui qadeenaxachi'o' Cefas —qam dajo neenaxat leloxoỹaxac quiyim Pedro, loqo'm qa'.

Hechos 11:19

Ca co'na' qaỹalauat so Esteban, ca' qai'neeta qarocanaxañigui so liỹaripi só'maq mashic ỹacoñiguit da na'qaatec, ca 'uo' na 'eet, i'guenegue da Fenicia, Chipre chaqai da Antioquía. Ca' na' ỹovire'ogalo naua 'lauari, ca qaỹa'xat da na'qaatec, qam qanodaqajantec na judioipi, ca le'en na liỹa qom.

Hechos 11:20

Qam 'uo' na mashic ỹacoñiguit da na'qaatec, chicqa'gue da Chipre chaqai da Cirene, ỹovirera'a yi na'a' Antioquía. Ca ỹoviraqta'ogalo naua na'qaatqa na sqai judioipi, qaỹa'xatetac so qara'gaxala' Jesús.

Hechos 11:22

Ca co'na' 'ue da la'xaỹaxac so mashic huelec da na'qaatec neeta'ñi yi Jerusalén, ca qaila' so Bernabé quiyim taigue da Antioquía.

Hechos 11:27

Ca' quesauajo na'xata', ca 'vio' saua letaxaỹaxanqajanqa ñi qota'a, chicqora'ñi yi Jerusalén, taategue da Antioquía.

Hechos 15:1

Ca' quesauajo na'xata' 'vio' saua ỹale' chicqora'ñi yi Judea, ca taategue da Antioquía, ca rapaxaguinataxane' queso mashic icoñiguit da na'qaatec, quiyim quecá'maq ỹahotaque nca'leuec, ca' icoñiguit quiyim qaỹa'ue netanec na loshicmaxa, ỹocanchigui da lelaataxanaxac so Moisés.

Hechos 15:5

Qam 'vio' saua dalaxaiqa qarqaỹa' naneresaugui na leenaxat fariseo. Ca nachaachiñi, ca 'neraco': —Na mashic ỹacoñiguit da na'qaatec quená'maq sqai judío ỹouen quiyim qaỹa'ue na netanec na loshicmaxa chaqai qui'ñigui na naqataxaquipi chicqochigui nqohin na'le so Moisés.

2 Corintios 11:5

Ma' peeta'a se ỹapaquerauec caỹim ná'maq quiita'pegue' ná'maq 'naac napacalec na lelaatqaipi so Jesús.

2 Corintios 12:11

Ca' ỹim hualoxonaq ma' chi ña'xateteguelta' quedá'maq no'uen shintari', qam qamiri nauá'maq 'viichii quiyim shintari' dajo. Ma' qamiri quet nauá'maq lo'yaxanec cá'maq 'ñiỹac caỹim, ma' sqaica quet cá'maq 'neeta quiyim ỹapacauec quet ná'maq quiita'pegue' qamiri quená'maq 'naac napacalec na lelaatqaipi so Jesús, 'eno'm aỹim qaica ca shinegue.

2 Corintios 5:16

Vichiguiño' qomi' tot qaica quet cá'maq sa'deenqapega quecá'maq 'neetari' ca qom quena 'laua; ma' quesom sa'deenqatapega quen dá'maq 'neetari' so Cristo na' ñaq ỹouoxontac na 'laua, qam nagui tot qara'deenataxanaxac dajo queso'maxare.

Gálatas 1:18

Ca' sqa saigue da Jerusalén, ta'ta'a na' ime'ueque saua tres ñaxari. Ca na'le, ca seuana so Pedro, ca sento'ot so'maxare quesaua quince na'xata'.

Gálatas 2:14

Qam na' seuanchigui dajo quiyim se nachiñiguit dá'maq ỹaatqajam leloxoỹaxac da na'qaatec chicqaugui da nca'laxa, ca' setaxaỹa'a so Pedro, iuanchigui nqaishin sá'ogue só'maq mashic icoñiguit da na'qaatec. Shinac: “Qami', ma' qami' judío le'ec, qam quesaua liỹa' na'xata' 'ñiisari' ca sqai judío le'ec, ca mesqai 'ñiisari' ca judío le'ec. Qam ¿chi'neco' ma' viisaque quiyim na mesqai judío ỹadenaxat da no'ueenataxac na judioipi?”

Gálatas 2:5

Qam qomi' sqaica ma' qolaxa'ueguelo quet saua'maxare, ma' sahoqotaque quiyim qamiri sqai 'xañiuec dá'maq ỹaatqajam llicyaxac dá'maq na'qaatec chicqaugui da nca'laxa.

Gálatas 2:7

Ỹaatqajam ñaqa 'ue quet ca dalaxaic lapaxaguinataxanaxac caỹim. Ta'ta'a quiyim retane' quiyim chaqaiñi ñi qota'a ñí'maq yamaxalec quiyim sa'xat da na'qaatec chicqaugui da nca'laxa quena sqai judioipi, 'nejem da 'neeta queso Pedro quiyim qaỹamaxalec ỹa'xatem da na'qaatec na judioipi.

Gálatas 2:9

Vichiguiño' saua Jacobo, Pedro, chaqai so Juan, sauá'maq paguec na'gaxalate', ỹa'deenda'a quiyim chaqaiñi ñi qota'a nañaañim dajo no'ueenataxanaxac. Ca necona'guita na'le qomi', ỹim chaqai so Bernabé. Ca' dajo qaneconaxac netanec quiyim chaqai qomi' niỹa', chaqai qaỹa'maxarenta quiyim qomi' so'ueenataxanaxaugui na mesqai judioipi, ca' saua'maxare, ca ro'ueenataxandougui na judioipi.

1 Timoteo 5:20

Qam cá'maq queetalec sqai ỹaxanñi da leualoxonqaishic, ca' ca'maxare ỹaatqajam taqaira'a, 'qaatac nqai'ñi' ná'ogue na liỹaripi, qaiyi ỹa'den no'chi.

Santiago 3:2

Ma' qomá'ogue 'xoic na qaro'maxaquipi. Qam no'm 'ue ca se ỹo'maac quiyim 'ue ca ỹa'xat, ca' ỹaatqajam 'maxaraic ỹale, ma' ỹaatqajam ỹa'den quiyim nollaañi dá'ogue da no'ueenataxac.

Judas 1:3

Qamiri ỹaqaỹarolqa, ỹaatqajam 'xoic da shinta quiyim shiriñi dajo caqamiri queda qarca'laxa hueeto'oto qomi'. Qam nagui, ca' seuana quiyim ỹouen shiriñi dajo caqamiri quiyim ñi'xoresentouguilo quiyim se neme loguilgoto daua qanapaxaguinataxaco dauá'maq mashic qoỹaanem ná'ogue ná'maq lalamaxareteripi ñi qota'a.