Gálatas 2:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca na' ỹovite' catorce ñaxari, ca lotqai liỹa saigue da Jerusalén, iỹaatac so Bernabé, chaqai sauec so Tito.

Gálatas 2:1 Iomraidhean Croise

Hechos 11:25

Ca co'na' ime dajo, ca' so Bernabé taigue da Tarso, idaanaque so Saulo. Ca co'na' ỹanata, ca ỹauec, taategue da Antioquía.

Hechos 11:30

Ca' chaqaida qohine'tegue, ca' qaila' aso napoonecse quecaua na'gaxalate' neesa'ñi yi Judea. Sojo notaanaxanqate ỹodo' so Bernabé chaqai so Saulo.

Hechos 12:25

Ca co'na' ỹomate' da lo'ueenategue' so Bernabé chaqai so Saulo, ca pile', chicqora'gue da Jerusalén, nauequesa'pegue' so Juan, só'maq qai'neeta leenaxat Marcos.

Hechos 13:2

Ca 'uo' so na'xa'a co'na' saua'maxare lapoota'ta', qaỹo'ueentac ñi qara'gaxala' chaqai sá'ogue qaica que'e. Ca' so Espíritu Santo 'naaco': —Qaỹoỹoote'ogalo ñaua Bernabé chaqai ñi Saulo, soỹaxanalo, ma' 'ue da sahote'e lo'ueenategue'.

Hechos 13:50

Qam na judioipi ná'maq se ỹa'maxaren so Jesús, ca itaxaỹaxanac so 'aallipi 'maxataxaraipi chaqai huelec ñi qota'a, quiyim quepegue' na nashillipi quiyi na'a' quiyim qaỹocana'pe so Pablo chaqai so Bernabé, ỹovireta'a quiyim qaỹo'derauec quiyí'maq hueese'e.

Hechos 14:12

Qaipe'taxantaque quiyim so Bernabé chaqaiso só'maq qohinac qota'olec Júpiter, chaqai queso Pablo qohintapego' chaqaiso so qota'olec Mercurio, ma' chaqaiso só'maq netaxaỹaq.

Hechos 15:25

Vichiguiño' 'maxaraic nqaishinaq quiyim qomi' ña'deenaxata', ca' vii naua seconaxau'alo qarqaỹa', ca que', ra'ajnaxanalo qamiri, liỹareta'pe naua qanauochaxaua' qarqaỹa' Bernabé chaqai na Pablo.

1 Corintios 9:6

Loqo'm ¿'neetapigui qavillii quiyim so Bernabé chaqai aỹim quiyim qoqometa se seshitaq quiyim saxanaxañi da re'qoochigui qaro'ueenataxanaxac, ca qaralamqajlec sa'xataq da na'qaatec?

2 Corintios 2:13

Qam ỹaatqajam se ỹa'maxagui na iuel, ma' se seuana so qarqaỹa Tito. Vichiguiño' chi sa'ue da la'xaỹaxac na'le yi qomyipi, ca saigue da Macedonia.

2 Corintios 8:16

Qam ña'aachic quiñi qota'a, ma' ñi'maxare viichigui nqai'en añi le'taxanata so Tito quiyim dá'ogue dá'maq shinta quiyim sotauane' qamiri.

2 Corintios 8:23

No'm 'ue ca renataxan queso Tito, ca 'ñiỹaco' quiyim ỹo'ueenataxanaxaua, qareuocqoteguelgoto qamiri; chaqai no'm 'ue ca renataxanque naua liỹa', ca 'ñiỹaco' quiyim qailate' quena qarqaỹaripi, chaqai imaqachinsac so Cristo.

Gálatas 1:18

Ca' sqa saigue da Jerusalén, ta'ta'a na' ime'ueque saua tres ñaxari. Ca na'le, ca seuana so Pedro, ca sento'ot so'maxare quesaua quince na'xata'.

Gálatas 2:13

Ca só'maq liỹaripi judioipi mashic icoñiguit da na'qaatec que'uegue dá'maq ỹa'deenta se no'uen 'neetari' so Pedro, vire'ta so Bernabé que'uegue dá'maq 'neesari' saua'maxare.

Gálatas 2:3

Qam vire'ta so Tito ma' ñauequeta'pegue' ma' so'maxare sqai judío le'ec, qam qaiyiita sqaica ca qohinapega quiyim qaỹa'ue quet ca netanaxaset na loshicmaxa.

Gálatas 2:9

Vichiguiño' saua Jacobo, Pedro, chaqai so Juan, sauá'maq paguec na'gaxalate', ỹa'deenda'a quiyim chaqaiñi ñi qota'a nañaañim dajo no'ueenataxanaxac. Ca necona'guita na'le qomi', ỹim chaqai so Bernabé. Ca' dajo qaneconaxac netanec quiyim chaqai qomi' niỹa', chaqai qaỹa'maxarenta quiyim qomi' so'ueenataxanaxaugui na mesqai judioipi, ca' saua'maxare, ca ro'ueenataxandougui na judioipi.

Colosenses 4:10

Chaqai ñi Aristarco, ñí'maq ñcoñiitaxaua, ilatalo qamiri da liquinaxanaxac, chaqai qai'neeta ñi Marcos, ñí'maq lqaỹa liỹa ca Bernabé. Chaqai qamiri mashic shi'gue saqatetapegalo quiyim ma' ỹovitalo qamiri ñi Marcos, ca' quelolliỹa.

Tito 1:4

Qami' Tito, shinta'gue quiyim 'ec qami' ỹaalec, ma' ỹim chicqo'ot quiyim 'ue da rpi'ỹaxaqui' dá'maq hueeto'oto qomi'. Selata qami' ana ỹerecse, ma' sahotaque quiyim coñichiguit ca qouagaxa, chaqai da ne'xorenataxanaxa, chaqai da na'maxa chicqo'ot ñi qota'olec chaqai so qara'gaxala' Jesucristo só'maq qarca'laxaqui.