Gálatas 1:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam no'm 'ue ca ỹa'xatema qamiri ca ỹoqa'a na'qaatec, quedá'maq na'qaatec chicqaugui da nca'laxa, ca ca'maxare qaỹa'ue ma'le ca ỹaatqajam lodegaxat nouaxanaxaset quiñi qota'a, 'eno'm chaqaỹim loqo'm ca qota'a lelaatec chicqashiguim.

Gálatas 1:8 Iomraidhean Croise

Génesis 9:25

Ca 'naaco' queso'maxare: ¡Ỹaatqajam nishiuenec ma'le ñi Canaán! ¡Ca ñi'maxare chi na'ac ma'le quenaua dos lqaỹa'!

Mateo 25:41

Ca ma'le ca nashi 'naaco' quecá'maq pa'aata'gue da nemaq: “Noỹoochiuec caỹim, qamiri mashic qaỹa'ue da nouaxanaxashichii. Quiipegue' yi norec sqaica lqodoc, shi'gue qaỹa'maxatetañi qaỹauaaque loma' so na'ỹaapec chaqai na lelaatqaipi.

Marcos 14:71

Ca' so Pedro pilalec ỹaatqajam paguec i'taxajñi da la'qaatec quiyim 'naac: —Taque', ỹaatqajam se seuanapega da ỹale dá'maq 'ue da 'xachitac caỹim.

Hechos 23:14

Sojo qomyipi quepegue' so lashillipi na netaxaỹaxanqajanqaipi chaqai na'gaxalateripi judío laseripi. Ca 'naaco' so qomyipi: —Qomi' ñallitqalta' quiyim se squi'ỹaq, no'm saqa' salauataq so Pablo.

Romanos 16:17

Ñi'xoresentouguilo qamiri ỹaqaỹarolqa, quiyim na'ijñii'tegue cá'maq reuacqataxantac chaqai cá'maq ro'taqataxantac. Ma' ca'maxare 'eco' npa'guente'e' dá'maq shi'gue 'yiiñii napaxaguinataxaguii. Noỹoochiuec queca'maxare.

Romanos 9:3

ma' ỹim ỹovire'ta sovira'a quiyim sahotaque quiyim aỹim ná'maq ỹo'da'guit ñi qota'olec, qaiyi qoỹoqo'ta nqai'en aỹim so Cristo, queta' chaqaido' dá'maq noviraxat ca la'maxa na ỹaqaỹaripi, quená'maq chi iuo' laseripi judioipi.

1 Corintios 12:3

Vichiguiño' nagui sahotaque quiyim 'yiiñita queca 'óna retaqa nqohin queda lquesaxanaxa so ne'Espíritu ñi qota'a, ca'maxare se ishit quiyim 'naac: “¡Qaỹalauat so Jesús!” Chaqai qaica ca ishit 'naac: “¡Chaqaiso so Jesús ỹa'gaxala'!” quiyim sqaiso so Espíritu Santo retaqa nqai'en ca'maxare.

1 Corintios 16:22

Ca no'm 'ue ca se nqo'ta so qara'gaxala' Jesucristo, ca ca'maxare hueetalec da chalego lecaic nouaxanaxaset. ¡Qami' qara'gaxala', ma'le sqaỹaloq rapilli'!

Gálatas 1:9

Da'maxare shi'gue sa'xatetac caqamiri, qam nagui lotqai liỹa shinac: Chaqai no'm 'ue ca ỹa'xatetac ca na'qaatec 'ec chicqaugui ca nca'laxa, qam ỹoqa'a quedá'maq shi'gue coñiguit, ca' ca'maxare qaỹa'ue ma'le ca chalego lecaic nouaxanaxaset.

Gálatas 3:10

Ná'maq illiitagui da lpi'ỹaxac ná'maq naqataxaquipi chicqo'ot so Moisés, na'maxare tai'a dá'maq chalego lecaic nouaxanaxaset. Ma' naua naneresañi la'qaatqa ñi qota'a 'nerecsa': “Ná'ogue ná'maq se ipacqajñigui ná'ogue ná'maq naneretalec aso lere naneraxalate na naqataxaquipi, ca na'maxare hueetalec na chalego lecaic nouaxanaxaset quiñi qota'a.”

Gálatas 3:13

Qam so Cristo quepaqataxanlgoto qomi' quedá'maq chalego lecaic qanouaxanaxaset quet chicqochigui so naqataxaquipi, ma' so'maxare npa'xanguit dá'maq chalego lecaic nouaxanaxaset talgoto quet qomi'. Ma' naua naneresañi na'qaatqa 'neracsa': “Chalego lecaic ca nouaxanaxaset quiñi qota'a ná'ogue ná'maq qaicoñirashiguim queca qo'paq.”

Tito 3:10

No'm 'ue ca se neuojonta' nqai'en ná'maq mashic icoñiguit da na'qaatec, ca' ỹaatqajam taqaira'a ca'maxare. Ca no'm se na'xaỹaxana qami' quiyim 'óna loqo'm dos 'ñirapega, ca' chaqa'ma' ỹochire'oga.

2 Pedro 2:14

Se ishit quiyim se nisha'a quet quiyim ra'ỹa'a aca 'aalo. Se nco'te'guesop na lasauaxaset. Chaqai ỹayinec ca qom quiyim qaica ca la'ñaxac, chaqai ỹaatqajam ỹa'den quiyim naqata'a aca lam ca liỹa. Najo qomyipi ỹaatqajam chalego lecaic da nouaxanaxaset hueetalec.