Gálatas 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ỹaatqajam chalego da i'laxa quiyim chita'gue chaqa'ma' sham lachii ñi qota'a, ma' chaqaiñi ñí'maq roỹaxanalo qomi', ỹachigoxochichigui da le'xorenataxanaxa so Cristo coqomi', chaqai quiyim quiita'pegue' dá'maq ỹoqa'a na'qaatec qohinac chicqaugui da nca'laxa.

Gálatas 1:6 Iomraidhean Croise

Isaías 29:13

Ca' ñi qara'gaxala' 'naac caỹim: Najo qomyipi 'naac nqo'chiiua' quenaua la'qaatqa chaqai yimaqachin quenaua lapi', qam añi le'taxanata qoỹoqo'ta caỹim, chaqai quena' ỹo'uet yi lapoxoc quiyim qayimaqachin, ỹo'uet ná'maq chi lo'ueenatec na qomyipi dá'maq chi ỹa'den hueetagui na lqahic.

Marcos 6:6

Ca so Jesús 'uo' da le'laxa, ma' se qoyiuelec. Co'na'le, ca eec, ca' queetaguilo naua na'aaterolqai', ca rapaxaguinataxantac.

Juan 9:30

Ca' so ỹale 'naaco': —¡Qoỹoqsa'a! ¡Ma' sqa 'yiiñii ca chicqa'gue so'maxare, qam aỹim ỹa'vii naua ñqote'!

Hechos 15:11

Qam mesqáida, ma' qomi' sa'deenqata quiyim ỹaatqajam qomi' ca'laaxaqa queda lqouagaxa so qara'gaxala', ma' i'xorene' qomi' shinqata saua'maxare.

Romanos 10:3

Ma' se ỹa'den cá'maq 'neeta cá'maq 'neeta'gue ñi qota'a quiyim icoñi'chiguit ca qom. Qaidaata quiyim idaantaque ca chi la'maqa' quiyim qaicoñi'chiguit quiñi'maxare, qam se nañaanot dá'maq leloxoỹaxac ỹa'yiñi ñi'maxare.

Romanos 5:2

Ma' chaqaiso só'maq Cristo só'maq 'em quiyim seconaxaguit da lqouagaxa ñi qota'olec, qam dajo chicqochigui da qarpi'ỹaxac. Ca' dajo qanqouagaxa ỹaatqajam ña'ñaxatqa'tegue, chaqai 'ue da qanetoonaxac, ma' mashic 'ue da qanaquitaxac quiyim ñouanqau'a da lauaq ñi qota'olec.

Romanos 8:28

Sa'deenqata quiyim ñi qota'olec ỹaqatqajantari' ná'ogue nanchaqaina leloxoỹaxaquipi, ma' ỹahotaque ỹachigoxochichigui cá'maq ỹa'maqachiguiñi llicyaxac nqai'en ná'maq nqo'ta ñi'maxare, quená'maq loỹaxanqatecseripi quiyim ỹahotaque nca'laxatec.

Romanos 8:30

Ca ná'maq 'auaxaic lca'acseripi ñi qota'a, qai'neeta roỹaxana. Chaqai quená'maq roỹaxana ñi'maxare, qai'neeta ỹanagui quiyim ñi'maxare icoñi'chiguit chaqai ỹa'maxarenta quiyim nouanau'a da lauaq ñi'maxare.

1 Corintios 4:15

Ma' no'm ỹovi' ca diez mil ca ỹapaxaguinque qamiri so Cristo, qam se ishit quiyim 'xoic ca qataa'illipi. Ma' ỹim ná'maq leta'a da rpi'ỹaxaguii queso Cristo Jesús. Ma' ỹim ná'maq sa'xatema qamiri na'le dá'maq na'qaatec chicqaugui da nca'laxa.

2 Corintios 11:4

Ma' qamiri ỹaatqajam na'ñaxachiiguit ná'maq ỹoviretape'ogalo qamiri ỹa'xatetac ca liỹa Jesús sqai 'nejem só'maq sa'xatqatac qomi', chaqai livillii'chiguit só'maq ỹoqa'a espíritu quesó'maq shi'gue coñiguit, chaqai da na'qaatec ỹoqa'a quedá'maq na'qaatec chicqaugui da nca'laxa shi'gue 'xaitapega.

2 Corintios 2:17

Qam qomi' mesqai 'ec semeenqata'pe naua la'qaatqa ñi qota'a, chaqai mesqai shinqata na liỹa ma' 'xoic na ỹashaxandec yaua na'qaatqa. Ta'ta'a quiyim qaraqamqata queda sa'xatqatac, ca ỹa'deente' qomi' ñi qota'a, ma' qomi' lelaatqa ñi'maxare quiyim so'ueenataxanqot so Cristo.

Gálatas 1:11

Qam qamiri ỹaqaỹa', dajo na'qaatec chicqaugui da nca'laxa, dá'maq sa'xatetac caqamiri, sahotaque quiyim 'yiiñii quiyim mesqai chi la'deenataxanaxac na qomyipi.

Gálatas 1:15

Qam ỹimo' lca'acsec ñi qota'a na' saqa' ñi'qaañi, ca quedá'maq chalego lecaic le'xorenataxanaxa, ca' roỹaxañiua'. Ca' chaqaida 'ne'tegue co'na' ỹovita so laloqo',

Gálatas 1:7

Mesqai llic quiyim 'ue quet ca liỹa na'qaatec chicqaugui quet ca nca'laxa. Dá'maq 'neeta ma' 'vii nauá'maq se ỹaqamaxate' qamiri, ca' ỹahotaque ỹaỹoqojnec dá'maq na'qaatec chicqaugui da nca'laxa chicqo'ot so Cristo.

Gálatas 2:14

Qam na' seuanchigui dajo quiyim se nachiñiguit dá'maq ỹaatqajam leloxoỹaxac da na'qaatec chicqaugui da nca'laxa, ca' setaxaỹa'a so Pedro, iuanchigui nqaishin sá'ogue só'maq mashic icoñiguit da na'qaatec. Shinac: “Qami', ma' qami' judío le'ec, qam quesaua liỹa' na'xata' 'ñiisari' ca sqai judío le'ec, ca mesqai 'ñiisari' ca judío le'ec. Qam ¿chi'neco' ma' viisaque quiyim na mesqai judío ỹadenaxat da no'ueenataxac na judioipi?”

Gálatas 2:2

Saigue da'maxare, ma' ñi qota'a ỹa'ue so iuanaxanaxac quiyim saigue da'maxare. Ca na' seueta'ñi yi Jerusalén, ca' 'ue so netaxaỹaxac, qam qaỹoỹooteta'oga quesó'maq mashic qaỹa'yiinchigui na'gaxalateripi. Ca sa'xatema dá'maq 'neeta dá'maq na'qaatec chicqaugui da nca'laxa dá'maq sa'xatetac quena sqai judioipi. Shi'ntegue dajo, ma' se sa'maxaren quiyim sqaica ca 'negue nqohin dá'maq shi'gue so'ueetetac chaqai dá'maq so'ueetetac nagui.

Gálatas 2:5

Qam qomi' sqaica ma' qolaxa'ueguelo quet saua'maxare, ma' sahoqotaque quiyim qamiri sqai 'xañiuec dá'maq ỹaatqajam llicyaxac dá'maq na'qaatec chicqaugui da nca'laxa.

Gálatas 2:7

Ỹaatqajam ñaqa 'ue quet ca dalaxaic lapaxaguinataxanaxac caỹim. Ta'ta'a quiyim retane' quiyim chaqaiñi ñi qota'a ñí'maq yamaxalec quiyim sa'xat da na'qaatec chicqaugui da nca'laxa quena sqai judioipi, 'nejem da 'neeta queso Pedro quiyim qaỹamaxalec ỹa'xatem da na'qaatec na judioipi.

Gálatas 5:14

Ma' ná'ogue na naqataxaquipi ỹomata'ta' da 'oonoqui' nelaataxanaxac: “Rauochitegue ca riỹa'e', 'nejem qami' quiyim chi nauochiralta'.”

Gálatas 5:4

Qamiri ma' 'ñiitapega quiyim ỹacoñi'chiguita qamiri ñi qota'a ma' 'viichitac na lelaataxanaxac na naqataxaquipi, ca' noỹoochiuec queso Cristo, chaqai noỹoochiuec queda le'xorenataxanaxa ñi qota'a.

2 Tesalonicenses 2:14

Ca' chaqaida dá'maq 'em quiyim ñi qota'a roỹaxanalo qamiri, ma' ỹahotaque quiyim coñiguit da nca'laxa chicqochigui nqai'en da na'qaatec sa'xatqatac, qaiyi viriỹau'a da lauaq so qara'gaxala' Jesucristo.

1 Timoteo 1:14

Vichiguiño' da lqouagaxa so qara'gaxala' ỹaatqajam 'xoic lecaic caỹim, chaqai liỹa da npi'ỹaxac chaqai da ne'xorenataxanaxa hueetauguilo qomi', ma' ña'daqatau'a so Cristo Jesús.

1 Timoteo 1:3

Sahotaque quiyim qami' ñaqo ñira'ñi na na'a' lodegaxat Efeso, 'nejme' saua liỹa' na'xata' na' saigue da Macedonia, ma' 'uo' na rapaxaguinataxanta'pegue da mese leloxoỹaxac. Vichiguiño' sahotaque quiyim 'ñirapegalo caua'maxare quiyim totqai queesalec quiyim rapaxaguinataxansa'pegue dajo,

2 Timoteo 1:9

Ñi'maxare nca'laxaterec qomi' chaqai roỹaxanalo qomi' quiyim saanqot da qanachaalataxac. Qam mesqaida quiyim 'ue ca lo'yaxanec qaro'ueenataxanaxac, qam dajo chaqai 'ne'teguelo qomi' ñi'maxare, ma' ỹauoteguelo qomi', ma' mashic ña'daqatau'a so qara'gaxala' Cristo Jesús. Shi'co' qare'xoren ñi qota'a na' saqa'leca na 'laua.

2 Timoteo 2:1

Qam qami' ỹaalec, coñichiguit da rquesaxanaxa'e' queda qanqouagaxa dá'maq qomi' qoỹaanema ma' ña'daqatau'a so Cristo Jesús.

1 Pedro 1:15

Ta'ta'a quiyim quiitalec dá'maq 'ñiitari' quiyim co'teeta da nachaalataxaguii, ma' ñí'maq qota'a ñí'maq roỹaxanalo qamiri ỹaatqajam co'teeta.

2 Pedro 1:3

Ñi qota'a ỹachigoxochichigui dá'maq chi lquesaxanaxa quiyim ỹaanema qomi' ná'ogue ná'maq souenqataque queda qanachaalataxac chaqai quiyim ỹaatqajam ñañaanqot ñi'maxare, ma' ỹo'uet quiyim sa'deenaq so Cristo só'maq roỹaxanalo qomi', ỹahote'e da chalego lecaic lquesaxanaxa chaqai da chalego loyac lo'ueenataxanaxac.

Apocalipsis 22:21

Ca' qaidaata quiyim ñi qara'gaxala' Jesucristo no'ueenaxat ca qayicyaxaguii qamiá'ogue. Ajá'a, ca' chaqaida 'neeta dajo.