Gálatas 1:4 - La'qaatqa ñi qota'olec Qota'olec & Qota'olec Novita Na Qomyipi

⁴ só'maq nañaañiguit na'le da lelauaxa sauaxat naua qarasauaxasete', qaiyi nca'laxaterec qomi' quená'ogue na se no'uen huelec na 'laua. Ca' ipacqajanchigui dá'maq ỹahotaque ñi qota'olec coqomi'.

Gálatas 1:4 Iomraidhean Croise

Salmos 40:8

Ỹim yqo'ta quiyim so'uet cá'maq vi'saque, qami' qota'olec caỹim; ¡da rapaxaguinataxanaxaqui' selliitagui añi i'taxanata!

Isaías 65:17

Ñaqai 'ajñii, ỹim so'uet ma'le ca piguim dalaxaic chaqai ca 'laua dalaxaic. Ná'maq shi'gue qaicoua'e ma'le, ca' qaica ca qom ỹo'leentetaque ma'le na'maxare.

Mateo 13:22

Chaqai asó'maq nanecse tajlec ca hua'ñi ca leesat, ca 'nejem ca qom quiyim 'xaỹa da na'qaatec. Qam imelec ná'ogue nanchaqaina hueetalec na 'laua, ca' da nesallaxa ỹayin, ca dá'ogue dajo ỹapolec da na'qaatec, ca' se ỹa'ue ca laỹaxac cajo qom.

Mateo 20:28

Ma' chaqaida dá'maq 'neeta najo ỹale llaalec se novi' quiyim ỹahotaque qaiquelola. Ta'ta'a quiyim ná'ogue quelola, chaqai quiyim da nachaalataxac ỹaanec, ca' 'ec lishiuetenaxanaxat, qaiyi 'xoic ca nca'leuec.

Mateo 26:28

Ma' najo ná'maq iuoripi i'taxajñi dá'maq dalaxaic 'maqataxac. Ca' qaỹocoraqta'pe, qaiyi 'xoic cá'maq qaỹapalaxat ma'le ca lasauaxaset.

Mateo 26:42

Ca lotqai liỹa eec, ca 'neetayi da nqouagaxainaxac: —Qami' ita'a, no'm 'ue ca la'maqa' quiyim se sovira'a dajo ñi'guenaxac, qam no'uen quiyim chaqaida nqai'ñi' cá'maq vi'saque.

Mateo 6:9

Ca ma' nqouagaxaiñii, ca 'ñiỹaco'sa': Qami' qota'olec ma' ñiiso'ot na piguim, qaimaqachin dá'ogue da qadeenaxachi'.

Marcos 10:45

Ma' vire'ta najo ỹale llaalec mesqa nac ỹahotaque quiyim qaiquelola, ta'ta'a quiyim ná'ogue quelola, chaqai quiyim ỹaanec da nachaalataxac 'ec laseue' nqai'en quiyim 'xoic ca qanca'laxatec qomyipi.

Lucas 22:19

Ca co'na' ime, ca ỹacona so pan, ca ỹaanot da na'aachic ñi qota'a. Ime, ca' ỹasectaqchigui, ca ỹaanouguilo saua'maxare, ca 'naaco': —Najo chaqaina ná'maq ỹoshicmaxa qoỹaañiguit ca nelauaxa tai'a quiyim ra'maxaiñi qamiri ma'le. 'Viichiho' dajo, qam se couahi'e aỹim.

Lucas 22:42

Ca 'naac: —Qami' ita'a, sqo viraqchira'a ỹim dajo ñi'guenaxac 'ec aca naqana chim. Qam mesqai chaqaica cá'maq sahotaque, qaicaata cá'maq vi'saque.

Juan 10:11

Ỹim ná'maq ỹim no'uen qagreta lo'o. Cá'maq no'uen qagreta lo'o ỹaanec da nachaalataxac cana qagretaipi.

Juan 12:31

Ca' nagui, ca ỹovita yi laloqo' quiyim ñi qota'a ỹa'ue da lasauaxaset na hueetalec na 'laua; ca' nagui, ca ñi'maxare ỹo'daauec so na'ỹaapec só'maq relaataxantac quena 'laua.

Juan 5:30

Aỹim qaica ca shinegue, no'm chaqaỹim 'ue ca so'uet. Ma' ỹim so'uet ca lasauaxaset ca qom, qam quiyim qaỹamaxailec, ca' se ỹo'maac cá'maq so'uet. Ma' ỹim se so'uet cá'maq chaqai sahotaque shine'tegue, ta'ta'a cá'maq ỹahotaque ñi ita'a, ma' ñi'maxare yila'.

Juan 6:38

Ma' ỹim se ñanac quiyim chi ñanoiquentac quiyim sachicqa'gue da piguim, ta'ta'a quiyim so'uet dá'maq ỹahotaque ñí'maq yila'.

Romanos 1:7

Shiriñi dajo, tai'alo nqaishine' qamiá'ogue qamiri ñiita'ñi na na'a' lodegaxat Roma. Ma' nqo'talo qamiri ñi qota'a chaqai roỹaxanalo qamiri quiyim machii'ot da nachaalataxaguii. Ca' coñiguit da lqouagaxa chaqai da na'maxa chicqo'ot ñi qota'olec chaqai so qara'gaxala' Jesucristo.

Romanos 12:2

Totaxan quiita'pegue' da no'ueenataxac ná'maq hueetalec na 'laua; ta'ta'a quiyim dalaxachii' naua ra'deenataxanaxagohi, qaiyi dalaxaic dá'ogue da nachaalataxaguii, qaiyi 'yiiñii dá'maq ỹahotaque ñi qota'olec, 'neetasa': cá'maq ỹa'maqachiguiñi, chaqai cá'maq ỹa'maxarenta ñi'maxare, chaqai cá'maq 'maxaraic naloochiguiñi.

Romanos 4:25

só'maq qoỹaañiguit da lelauaxa sauaxat na qarasauaxaseteripi, chaqai liỹa qanca'laxatec, qaiyi icoñi'chiguita qomi' ñi qota'olec.

Romanos 8:27

Ca' ñi qota'olec ma' ỹa'den aná'ogue ana ne'taxanata, ca ỹa'den negue' cá'maq 'naac so Espíritu. Ma' so Espíritu rashiilaxanaque cá'maq ỹa'maxarenta ñi qota'olec quena' rashiilaxanlec na lalamqateripi ñi'maxare.

Romanos 8:3

Ma' ñi qota'a ỹo'uet dá'maq se ishit ỹo'uet dá'maq naqataxaquipi chicqo'ot so Moisés. Ma' na naqataxaquipi se nalo'guit da lquesaxanaxa da lamaanaxanqachic na noshicmaxa. Ca' ñi qota'a ỹo'uet na' nela' so lalamaxaret llaalec quiyim 'nejem nqai'en ca qom, qaiyi qaishit qaỹalauat quiyim ishiueten da nasauaxaset. Ca' dajo 'neetasa': na' nela', qam 'nejem nqai'en ca qom sauaqhuaic. Ca co'na'le, ca' ỹo'uet so nouaxanaxaset só'maq nasauaxaset hueetaugui nqai'en so loshicmaxa so Jesús.

Romanos 8:32

Ma' ñi qota'olec se ỹauotegue so lalamaxaret llaalec, ta'ta'a quiyim ỹaañiguit da lelauaxa coqomá'ogue. Ca ¿huose'quet sqai ỹaanema qomi' ná'ogue nanchaqaina quiyim qaralamaxat?

1 Corintios 15:3

Dá'maq 'avichiguiñi nqaishin quiyim sa'deenaxanaxañiigue dá'maq napaxaguinataxanaxac qanañaañim. Ca vichiguiño' sapaxaguiñiigue quiyim so Cristo ileualgoto naua qarasauaxasete', ipaquichigui dá'maq 'nerac yaua naneresañi la'qaatqa ñi qota'a.

2 Corintios 4:4

Ma' so na'ỹaapec se neuanñi nqai'en da la'deenataxanaxac, ca' sqai huelec, qaiyi se iuana da lauaq dá'maq ỹaatqajam no'uen na'qaatec re'oq nqai'en da lauaq so Cristo, ma' chaqaiso só'maq lqui'i nca'leetauec ñi qota'a.

Gálatas 2:20

Ma' ỹim 'eco' shi'gue yileu, iỹaatashiguim so Cristo na' qaipateno. Vichiguiño' ca mese ỹalamaxaret nagui dá'maq santañi ñachaalataxac, ca' chaqaiñi ñí'maq Cristo ñí'maq nachaatetaugui aỹim. Ca dá'maq ñachaalataxac nagui chicqochigui da ipi'ỹaxac queso llaalec ñi qota'a, ma' yi'xoren, ca nañaañiguit da lelauaxa caỹim.

Gálatas 6:14

Qam caỹim, sqaica ma' sa'maxaren quet quiyim ñimaqajan, ta'ta'a quedá'maq lelauaxa so qara'gaxala' Jesucristo na' qaipateno queso npatenaxala'. Ma' chicqochigui so npatenaxala' so Cristo, ca' caỹim 'ec ileu ná'maq 'ueenataxac hueetalec na 'laua, chaqai aỹim 'ec yileu quená'maq 'ueenataxac hueetalec na 'laua.

Efesios 1:11

Quedá'maq quiyim ña'daqatau'a so Cristo, ñi qota'a shi'gue nca'au'alo qomi', qaiyi ñouanqau'a ma'le cá'maq ỹaanec ma'le ñi'maxare. Qam quedá'ogue dajo nachiñi'chiguit dá'maq ỹahotaque ñi qota'a, ma' ñi'maxare ñí'maq ỹo'ueetac ná'ogue nanchaqaina quená'maq ỹa'maxarenta.

Efesios 2:2

na' ñaqai viitaugui, ca' quiitalec dá'maq no'ueenataxac na qomyipi hueetalec na 'laua, 'viichitac ná'maq ỹahotaque só'maq relaataxantac na'ỹaapec se re'xogui só'maq ỹa'ñaxat ná'maq se na'xaỹaxana ñi qota'a.

Efesios 5:16

Ca' nquipichiỹa'pegueto naua na'xata' quiyim 'viichii cá'maq no'uen, ma' quenauajo na'xata' 'xoic na qaỹo'ueetetac so no'uen.

Efesios 5:2

Quiyim qamiri 'xorenataxanaxaiqa 'nejem so Cristo na' qare'xoren, ca' nañaanalta' quiyim ileualgoto qomi', 'nejem nqohin ca qagreta llaalec quiyim qaỹalauat, chaqai qaỹavigaxat, ca' qoỹaanot ñi qota'a. Ca namaañi'chiguit da lahita ñi'maxare.

Efesios 6:12

Ma' se seloquiaqata'pegue' ca chaqai qom qara'aajshaxaua, ta'ta'a ná'maq lquesaxanaxa se re'xogui na se no'uen hueeto'ot na piguim, ná'maq relaataxanac chaqai 'ue da lquesaxanaxa, chaqai ỹoiquentac ná'maq ñaqai hueetaugui na napalaxa quenajo 'laua.

Filipenses 4:20

¡Ca' ñi qota'olec se neme ma'le quiyim qaimaqachintac! Ajá'a, ca' chaqaida 'neeta dajo.

1 Tesalonicenses 1:3

Ỹaatqajam ỹauanchiguilo qomi' ñi qota'olec quena' so'leentaxanqatac caqamiri, ma' 'xoic da rpi'ỹaxaguii quena' 'ueenataxañii, chaqai queda re'xorenataxanaxahi, ca' 'xoic da re'xoriguii, chaqai ỹaatqajam na'ñaxachii quiyim 'taxachichiguiñi da naquitaxaguii queso qara'gaxala' Jesucristo.

1 Tesalonicenses 3:11

Sahoqotaque quiyim chaqaiñi ñi qota'olec chaqai so qara'gaxala' Jesucristo qarotauan, qaiyi seshitaq sovitaxalo qamiri.

1 Tesalonicenses 3:13

Ñi'maxare ỹotauanque qamiri quiyim ỹa'ñaxat ca ra'deenataxanaxaguii, qaiyi shichii quiyim nañaañiỹot chaqai sqaica ca rasauaxashichii hueeto'ot ñi qota'olec, ma' novi' so qara'gaxala' Jesús, liỹaatac ná'ogue na lalamqateripi.

2 Tesalonicenses 2:16

Ca' chaqaiñi ñí'maq qara'gaxala' Jesucristo chaqai ñi qota'olec, quedá'maq lqouagaxa, ca qare'xoren, ca' sqaica lqodoc nqai'en da la'maxa qouel chaqai da 'maxaraic qanaquitaxac,

1 Timoteo 2:6

Ma' so Jesucristo nañaañiguit da lelauaxa, ca' ishiueten so laseuete da lca'laxa ná'ogue na qomyipi, ca' dajo qaỹa'xat na' chi ỹovita cá'maq laloqo'.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Hebreos 2:5

Ma' ñi qota'a se pataxalec da no'ueenataxanaxac na lelaatqaipi piguim laseripi quecá'maq 'laua sa'xatqatac.

Hebreos 6:5

chaqai mashic ỹa'yiinchigui da no'uen la'qaatec ñi qota'a chaqai da lquesaxanaxa cá'maq 'laua ñaqa naata,

Hebreos 9:14

Ca no'm chaqaida 'neeta dajo, ¡huose'quet sqai paguec lquesaxanqa' saua leuo' so Cristo! Ma' chicqochigui da lquesaxanaxa so Espíritu sqaica lqodoc quiyim so Cristo chi nañaanot ñi qota'a, 'nejem aca nachitaxanataxanqate quiyim ỹaatqajam co'teeta. Ca' saua leuo' co'taxate' yi qara'deenataxanaxac loma' quenauá'maq qarasauaxasete' rauecqataxansa'a da nelauaxa, qaiyi seshitaq so'ueenataxanqot ñi qota'olec se neme nca'leetauec.

Santiago 4:4

¡Qam qamiri sqa pacqajñiỹauec ñi qota'a! ¿Sqa 'yiiñio' da queca qom no'm que'uegue da lqo'itaxanqachic quená'maq huelec na 'laua, ca 'ec npa'guenaxaua ñi qota'a? Ma' canchaqaica qom no'm pile'oga da lqo'itaxanqachic quena huelec na 'laua, ca npa'guenaxaua ñi qota'a.

1 Pedro 2:24

Chaqaiso so Cristo i'xat sá'ogue so qarasauaxaset hueetaugui nqai'en so loshicmaxa, i'xatashiguim na' qaipateno queso npatenaxala', qaiyi le'en saxanaxañi da nasauaxaset, ca qolaxalec da 'maxaraic chaalataxac. So'maxare coñirqata, qaiyi remiiuec qamiri.

1 Pedro 3:18

Ma' so Cristo queda le'xoric, ca' ileualgoto naua qarasauaxasete'; 'oonoqui', ca' chaqa'ma' imaauec nqai'en. So'maxare ỹaatqajam huagaxaraic, qam ileualgoto na'le qomi' quiyim qomi' hualoxona', qaiyi ỹauega'alo qomi' ñi qota'a. Ỹaatqajam qaỹalauat quesó'maq loshicmaxa, qam liỹa nca'leuec nqohin quesó'maq se re'xogui.

1 Juan 2:2

So Jesucristo chaqaiso só'maq chicqochigui quiyim qaỹapalaxate' naua qarasauaxasete', chaqai mesqoqometa, ma' qai'neeta quená'ogue na qomyipi hueetalec na 'laua.

1 Juan 3:16

Sa'deenaq dá'maq 'neeta da ne'xorenataxanaxa quiyim so Jesucristo ỹaanec da nachaalataxac na' ileualgoto qomi'. Ca' qomi' quet qai'neeta saanaxauec quet da qanachaalataxac queca qarqaỹa.

Apocalipsis 1:5

Chaqai qai'neeta chicqo'ot so Jesucristo só'maq netaxaỹaxanqajnec ishit qoyiuelec ca la'qaatec, chaqai chaqaiso só'maq 'au qanca'laxatec queso nelauaxa, chaqai chaqaiso só'maq lashi na nashillipi hueetalec ana 'laua. So Cristo só'maq qare'xoren, ca nquiỹoorec saua qarasauaxasete', quiỹoxonalo sauá'maq chi leuo',

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.

Apocalipsis 7:9

Ca na' ime dajo, ca seuane'ta so ỹoreta'oguit qomyipi ỹoreta'oguit na la'qaatec, nachaatetañi quiyi reloqota'ñi so nashi nqa'xanqa' chaqai queso qagreta llaalec. Ca so'maxare ỹaatqajam 'xoic, mashic tot qaica ishit naloqochin, chaqai ỹantañi na nooỹac lalagaxaic, chaqai lo'qoota'a ana chavic laue.