Gálatas 1:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca' qaimaqachintaco' quen ñi qota'a quedá'maq shintari'.

Gálatas 1:24 Iomraidhean Croise

Números 23:23

Quena llaalqaipi so Jacob qaica ca 'negue quiyim qainaxalec ca se no'uen, quena Israel llaalqaipi qaica nqai 'negue nqai'en cá'maq qohine'tegue ca ne'naxac. Ca' nagui qaidaata quiyim qohinac quena Israel: ¡Ỹaatqajam 'xoic na ỹo'uet ñi qota'olec caqami' ỹo'uet da ne'laxa!

Mateo 9:8

Ca' so qomyipi co'na' iuanchigui dajo, ca 'ue da lqolonaxa. Ca' imaqachintac ñi qota'olec ma' ỹaaneco' da lquesaxanaxa quena qomyipi.

Marcos 2:12

Ca chaqa'ma' ne'laxashiguim so ralolaxaic, inanta' so lacanec. Ca' ca'e yí'maq hueeta'ñi, ca sá'ogue so qomyipi chi ra'i'tegue. Ca' quedajo, ca sá'ogue 'xoic da le'laxa. Ca' imaqachintac ñi qota'olec, 'naaco': —Se ỹauanapega 'ue ca seuanqachigui 'nejem dajo.

Lucas 15:10

Ca' ỹim shinapegalo qamiri ỹaatqajam 'ue qai'neeta da netoonaxac ná'maq qota'a lelaatqaipi piguim laseripi, quena' 'ue ñi netacocha quena sauaqhuaiquipi.

Lucas 15:32

Qalaxam nagui 'maxaraic quiyim so'ueetaq ca qarqui'ỹaxac quiyim ñitoonqatac. Ma' ñi rqaỹa'e', ñi'maxare mashic tot qaica, qam lot liỹa nca'leuec; ñi'maxare mashic na'laañi, qam mashic sanataxa.”

Lucas 2:14

¡Ỹaatqajam lodegaxat da quiyim qaỹo'ueentac ñi qota'olec ñí'maq neeto'ot na piguim, chaqai quena 'laua 'uo' da la'maxa na qomyipi ná'maq ỹa'maxarenta ñi'maxare!

Lucas 7:16

Ca co'na' qaỹauanchigui dajo, ca sá'ogue so qomyipi ỹaatqajam 'uo' da lqolonaxa. Ca imaqachintac ñi qota'a, 'naaco': —'Uo' so chalego lecaic so la'qaataxanqajnec ñi qota'a chicqochiguinguilo qomi'. Chaqai qohine'tegueyi da na'qaatec: —Ñi qota'olec novi', ỹahotaque quiyim ỹotauan ná'maq lalamqateripi.

Hechos 11:18

Ca co'na' so nqaỹaripi quiyi Jerusalén 'xaỹa dajo, ca' sá'ogue i'maxañi, ca imaqachintac ñi qota'olec. Ca 'neraco': —¡Ca chaqaido' quiyim ñi qota'olec ỹa'ue ca ledaaqa' quiyim na mesqai judío netacocha, ca'ahi naua no'ueenataxaco, qaiyi 'ue ca lca'laxa sqaica lqodoc!

2 Corintios 9:13

Ca yaua'maxare imaqachine' ma'le ñi qota'a, ma' quedajo rotaanaxanaxaguii, ca re'oq quiyim na'xaỹaxañii'ta da na'qaatec ỹa'xat so Cristo. Chaqai qai'neete' yaua'maxare imaqachine' ma'le ñi qota'a queda rqouagaxahi quiyi'maxare chaqai quená'ogue.

2 Tesalonicenses 1:10

quecajo na'xa'a ma' novi' so qara'gaxala' quiyim qaimaqachin quená'maq lalamqateripi chaqai qaimaqachin quená'ogue ná'maq mashic icoñiguit da na'qaatec. Ma' mashic qamiri viilec dá'maq qomi' sa'xataq caqamiri.

2 Tesalonicenses 1:12

Ca' quedajo, ca qaimaqachin da leenaxat so qara'gaxala' Jesucristo queda nachaalataxaguii qamiri, chaqai so'maxare imaqachine' qamiri queda lqouagaxa ñi qota'olec chaqai ñi qara'gaxala' Jesucristo.