Gálatas 1:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ ca ỹo'uet quiyim seuana so llaalec, qaiyi sa'xat da na'qaatec chicqaugui da nca'laxa quená'maq mesqai judioipi. Qam cana' 'ue dajo, qaica ca shicpegue' quiyim senat.

Gálatas 1:16 Iomraidhean Croise

Mateo 16:17

Ca' so Jesús 'naaco': —Qami' Shimoñi', qami' llaalec so Jonás, ỹaatqajam chalego da ra'maxa'e', ma' sqai qom ca ra'deenaxanaxañitegue dajo, qaiñiita ñi ita'a neeta'gue da piguim.

Mateo 26:41

Nelohitauec qamiri, chaqai nqouagaxaiñii, qaiyi se novitalo qamiri ca ne'guenaxaguii. 'Nesa ma' llic rasapchita qamiri, qam na roshicmaxahi se nasapet.

Hechos 22:21

Qam só'maq qara'gaxala' 'naapega aỹim: “Mo'e' ma'le, qui', ma' ỹaatqajam selachitegue qami' da qoỹoqo'tegue, 'irougui na mesqai judioipi.”

Hechos 5:42

Ca lama'xa sqai ỹaxañiñi da lapaxaguinataxanaxague' quiyim ỹa'xatesac so Jesucristo naua'que naua na'xata', quiñi no'ueenaxanaxaqui chaqai quenaua na'aate'.

Hechos 9:15

Qam ñi qara'gaxala' 'naapego' so Ananías: —Mo'e', ma' ica'acsec ñi ỹale quiyim ỹa'xat da ỹeenaxat quená'ogue nanchaqaina ỹoreta'oguit qomyipi, chaqai quena lashillipi, chaqai vire'ta quena Israel laseripi.

Hechos 9:20

Ca co'na' ncopa, ca so Saulo lotqai ỹa'xatetac da na'qaatec, hueetau'a ana lapoxoqui na judioipi, ỹa'xatetac so Jesús ỹaatqajam chaqaiso so llaalec ñi qota'olec.

Romanos 1:5

Ca' ñi qota'a nqouagueguelo qomi', chicqochigui nqai'en so Jesucristo, ca' qarela' quiyim so'ueenataxanot so'maxare, qaiyi quená'ogue ná'maq ỹoreta'oguit qomyipi 'ue ca huelec chaqai na'xaỹaxana.

Romanos 11:13

Qam ỹim nagui 'uo' da sa'xat caqamiri ma' sqai qamiri judío lase'. Ma' ñi qota'olec yilata na mesqai judío laseripi, ca vichiguiño' ỹaatqajam semaqachin da ỹo'ueenatec.

1 Corintios 15:50

Ca dá'maq sahotaque sa'xatema qamiri ỹaqaỹa' 'neetasa': quená'maq re'qoochigui qaroshicmaxa, ma' ileu, se ishit inoxoneu'a ca lo'ueenataxanaxac ñi qota'a ñaqa naata, ma' quená'maq 'ue lqodoc se ishit ỹalecau'a ná'maq sqaica lqodoc.

2 Corintios 4:6

Ma' ñi qota'a ñí'maq nela' aso lcoỹeraxanaxaqui quiyim naviguec na'le queso napalaxa, chaqaiñi ñí'maq naviguec nqai'en aso lcoỹeraxanaxaqui cañi qare'taxanata, qaiyi seuanaxa da lauaq ñi qota'a quena' naviguec quena lashic so Jesucristo.

2 Corintios 5:16

Vichiguiño' qomi' tot qaica quet cá'maq sa'deenqapega quecá'maq 'neetari' ca qom quena 'laua; ma' quesom sa'deenqatapega quen dá'maq 'neetari' so Cristo na' ñaq ỹouoxontac na 'laua, qam nagui tot qara'deenataxanaxac dajo queso'maxare.

Gálatas 2:1

Ca na' ỹovite' catorce ñaxari, ca lotqai liỹa saigue da Jerusalén, iỹaatac so Bernabé, chaqai sauec so Tito.

Efesios 3:1

Ma' chaqaida dá'maq 'neeta quiyim aỹim Pablo ñqouagaxaintac. Ma' qaycoñiretari' sasoualec so Cristo Jesús, ma' sahotaque quiyim ra'maxaiñi qamiri, ma' qamiri sqai judío lase'.

Efesios 6:12

Ma' se seloquiaqata'pegue' ca chaqai qom qara'aajshaxaua, ta'ta'a ná'maq lquesaxanaxa se re'xogui na se no'uen hueeto'ot na piguim, ná'maq relaataxanac chaqai 'ue da lquesaxanaxa, chaqai ỹoiquentac ná'maq ñaqai hueetaugui na napalaxa quenajo 'laua.

1 Tesalonicenses 2:16

Ma' quena' sahoqotaque quiyim sa'xataq da la'qaatec ñi qota'a quená'maq sqai judioipi, qaiyi ỹovira'oga da nca'laxa qai'neeta, ca lotqai se ỹa'maxaren quiyim sa'xataq da'maxare. Ca' quedajo, ca paguec noquigaxatec na lasauaxaset. Qam nagui, ca' ỹovita quiyim taalec dá'maq chalego lecaic nouaxanaxaset chicqo'ot ñi qota'a.

1 Timoteo 2:7

Ca' chaqaida dá'maq dajo quiyim ñi qota'a ỹa'ue quiyim aỹim la'qaataxanqajnec chaqai lelaatec, quiyim sapaxaguinegue da 'neeta da npi'ỹaxac chaqai dá'maq ỹaatqajam llic leloxoỹaxac ná'maq mesqai judío laseripi. Ma' ỹim mashic seuelec so Cristo, ca' ỹaatqajam llic dá'maq sa'xatetac. Se ña'majan.

2 Timoteo 1:11

Ñi qota'a ỹanagui quiyim aỹim la'qaataxanqajnec quiyim sa'xatetac dajo na'qaatec. Chaqai ỹamaxailec quiyim sapaxaguin na mesqai judío laseripi.

Hebreos 2:14

Na ñaalqaipi 'oonoqui' ca qaỹachigoxochichigui. Na'maxare dá'ogue da no'ueenataxac; ca' chaqaida 'neeta nqohin so Jesús 'ec chaqai qom, qaiyi ishit ileu. Ca' queda, ca ishit ỹopoxoỹaxachigui só'maq hueeto'ot da nquesaxanaxa quiyim ralauataxan. Ca so'maxare chaqaiso so na'ỹaapec.