Gálatas 1:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Qam ỹimo' lca'acsec ñi qota'a na' saqa' ñi'qaañi, ca quedá'maq chalego lecaic le'xorenataxanaxa, ca' roỹaxañiua'. Ca' chaqaida 'ne'tegue co'na' ỹovita so laloqo',

Gálatas 1:15 Iomraidhean Croise

Isaías 49:1

Ñaq na'xaỹaxañiỹa aỹim, qamiri qomyipi ñiitalec ana delequipi, ỹaatqajam na'xaỹaxañiichiguiñi, qamiri qomyipi qoỹoqo'ta ca ñiỹa'ñi: Ñi qara'gaxala' roỹaxañiua' na' saqa' ñi'qaañi, 'naac da ỹeenaxat na' ñaqai seuetaugui na lauel añi ỹate'e.

Isaías 49:5

Secoñiguit da ñimaqajnataxac quiyi reloqota'ñi ñi qara'gaxala' qota'olec, ma' ñi'maxare chicqotapigui da iquesaxanaxa. Ñi qara'gaxala' ñí'maq ya'maxajñi na' ñaqai seuetaugui aso ỹate'e, qaiyi ỹim lelaatec, qaiyi rapil so lalamaxareteripi so Jacob só'maq na'aamatec da Israel, rapil, ca' lapoi'ot ñi'maxare,

Jeremías 1:5

Na' saqa' saanem qami' da nachaalataxaqui', ca ica'acsec qami'; na' saqa' ne'qa'iriñi, chaqa'ma' soỹootec aqami'; sahotaque qami' itaxaỹaxanqajnec quená'ogue na ỹoreta'oguit qomyipi.

Mateo 11:26

Ajá'a, qami' ita'a, ma' chaqaido' dá'maq vi'saque.

Lucas 10:21

Ca' so Espíritu Santo ỹo'uet quiyim 'xoic da netoonaxac so Jesús, ca 'naaco': —Qami' ita'a, semaqachiñi', qami' la'gaxala' na neeto'ot na piguim chaqai na 'laua, ma' 'xochiriño' naua'que nauajo quena 'deenaxanqachaqaiquipi chaqai na 'xaỹaxanqachaqaiquipi, ca chaxañitem ná'maq 'ec ñaaqaipioqui'. Ajá'a, qami' ita'a, ma' chaqaida da vi'saque.

Hechos 13:2

Ca 'uo' so na'xa'a co'na' saua'maxare lapoota'ta', qaỹo'ueentac ñi qara'gaxala' chaqai sá'ogue qaica que'e. Ca' so Espíritu Santo 'naaco': —Qaỹoỹoote'ogalo ñaua Bernabé chaqai ñi Saulo, soỹaxanalo, ma' 'ue da sahote'e lo'ueenategue'.

Hechos 9:15

Qam ñi qara'gaxala' 'naapego' so Ananías: —Mo'e', ma' ica'acsec ñi ỹale quiyim ỹa'xat da ỹeenaxat quená'ogue nanchaqaina ỹoreta'oguit qomyipi, chaqai quena lashillipi, chaqai vire'ta quena Israel laseripi.

Romanos 1:1

Aỹim Pablo, ỹim la'ac so Jesucristo. Ñi qota'olec roỹaxañiua' chaqai yoỹootec quiyim ỹauaaque aỹim lelaatec, qaiyi sa'xat da la'qaatec chicqaugui da nca'laxa.

Romanos 1:5

Ca' ñi qota'a nqouagueguelo qomi', chicqochigui nqai'en so Jesucristo, ca' qarela' quiyim so'ueenataxanot so'maxare, qaiyi quená'ogue ná'maq ỹoreta'oguit qomyipi 'ue ca huelec chaqai na'xaỹaxana.

Romanos 8:28

Sa'deenqata quiyim ñi qota'olec ỹaqatqajantari' ná'ogue nanchaqaina leloxoỹaxaquipi, ma' ỹahotaque ỹachigoxochichigui cá'maq ỹa'maqachiguiñi llicyaxac nqai'en ná'maq nqo'ta ñi'maxare, quená'maq loỹaxanqatecseripi quiyim ỹahotaque nca'laxatec.

Romanos 8:30

Ca ná'maq 'auaxaic lca'acseripi ñi qota'a, qai'neeta roỹaxana. Chaqai quená'maq roỹaxana ñi'maxare, qai'neeta ỹanagui quiyim ñi'maxare icoñi'chiguit chaqai ỹa'maxarenta quiyim nouanau'a da lauaq ñi'maxare.

Romanos 9:24

Ma' ñi qota'olec na' roỹaxanalo qomi', ca' 'ue na ỹachigoxotaugui na judioipi chaqai na liỹaripi ỹachigoxotaugui na mesqai judioipi.

1 Corintios 1:1

Aỹim Pablo, ma' ỹimo' loỹaxanaxat ñi qota'olec quiyim ỹauaaque aỹim lelaatec so Jesucristo. Iỹaatac ñi qarqaỹa Sóstenes.

1 Corintios 1:21

Ca ma' ñi'maxare ỹa'deentalec cá'maq ỹo'uet, ca ỹo'uet quiyim se qaỹa'den quená'maq na'deenaxanaxa huelecna. Chaqaidaata quiyim ỹahotaque nca'laxatec ná'maq huelec ñi'maxare, chicqochigui nqai'en da la'qaatec, 'eno' 'ec mogollishic quená'maq liỹa qomyipi.

1 Corintios 1:24

Qam quená'maq qota'a loỹaxanqateripi quena judío laseripi chaqai na mesqai judío, na'maxare ỹa'deenta quiyim so Cristo chaqaiso so lquesaxanaxa chaqai la'deenec ñi qota'a.

1 Corintios 1:9

Ca' ñi qota'olec ỹaatqajam ipacqajanchiguilo naua la'qaatqa, ma' chaqaiñi ñí'maq roỹaxanalo qamiri quiyim nouañiỹau'a da nachaalataxac so llaalec Jesucristo só'maq qara'gaxala'.

1 Corintios 15:10

Qam sovira'a dá'maq shintari' nagui, ma' ñi qota'olec 'uo' da lqouagaxa caỹim, ca dá'maq lqouagaxa caỹim se ishit quiyim qaica quet ca ñigui. Ma' ỹim ỹapacauec da ỹo'ueenataxanaxac quesá'ogue so liỹa nelaatqaipi, 'eno'm mesqaỹim, qam chaqaiñi ñí'maq qota'olec quedá'maq chi lqouagaxa, ca' ro'ueenataxantapigui aỹim.

Gálatas 1:1

Ỹim Pablo, ỹim lelaatec so Jesús. Sqaỹim lelaatec chaqai sqaỹim lca'acsec ca chaqai qomyipi; ta'ta'a quiyim chaqaiso so Jesucristo, chaqai ñi qota'olec ñí'maq liỹa nca'laxatec na'le so'maxare queso nelauaxa.

Gálatas 1:6

Ỹaatqajam chalego da i'laxa quiyim chita'gue chaqa'ma' sham lachii ñi qota'a, ma' chaqaiñi ñí'maq roỹaxanalo qomi', ỹachigoxochichigui da le'xorenataxanaxa so Cristo coqomi', chaqai quiyim quiita'pegue' dá'maq ỹoqa'a na'qaatec qohinac chicqaugui da nca'laxa.

Efesios 1:5

Quedá'maq lqouagaxa, ca shi'co' ỹaqatqajantari' iconoxoguit quiyim 'eco' qomi' lalamaxarete' llaalqa, chicqochigui nqai'en so Jesucristo, nachiñi'chiguit nqai'en dá'maq shi'gue ỹahotaque quiyim 'ne'tegue.

Efesios 1:9

chaqai ỹa'deenaxanaxanque qomi' dá'maq ỹahotaque ỹo'uet se re'xogui, dá'maq chaqaiñi ñi'maxare ỹahotaque quiyim ipaquichigui nqai'en.

Efesios 3:11

Ca' dajo ỹo'uet ñi qota'a, qam nachiñi'chiguit nqai'en dá'maq sqaica lqodoc ỹahotaque ñi'maxare, ca ipaquichigui imigui nqai'en queso qara'gaxala' Jesucristo.

2 Timoteo 1:9

Ñi'maxare nca'laxaterec qomi' chaqai roỹaxanalo qomi' quiyim saanqot da qanachaalataxac. Qam mesqaida quiyim 'ue ca lo'yaxanec qaro'ueenataxanaxac, qam dajo chaqai 'ne'teguelo qomi' ñi'maxare, ma' ỹauoteguelo qomi', ma' mashic ña'daqatau'a so qara'gaxala' Cristo Jesús. Shi'co' qare'xoren ñi qota'a na' saqa'leca na 'laua.

1 Pedro 5:10

Qam ma' ime quiyim cocho'qui' viriỹa'guit dajo ne'xoric, ca' ñi qota'a nachiñiñi nqai'ne' qamiri, ra'ñichiriñi, quesaxanaxaqa, qaica ỹayogote' qamiri. Chaqaiñi ñi qota'a ñí'maq ỹaanema qomi' dá'ogue da lqouagaxa chaqai roỹaxanalo qomi' quiyim ñouanqau'a da lauaq sqaica lqodoc quiyim ña'daqatau'a so Jesucristo.