Gálatas 1:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca quedá'maq queetalec quiyim huelec na judioipi na' ñaq salequetaugui, ca 'xoic ná'maq quena chi ñaloxouaripi quená'maq chi iuo' laseripi ñapacalec, ma' ỹim ná'maq ỹaatqajam sa'maxate' nauá'maq lapaxaguinataxanaxaco so 'auaxaic qareta'allipi.

Gálatas 1:14 Iomraidhean Croise

Isaías 29:13

Ca' ñi qara'gaxala' 'naac caỹim: Najo qomyipi 'naac nqo'chiiua' quenaua la'qaatqa chaqai yimaqachin quenaua lapi', qam añi le'taxanata qoỹoqo'ta caỹim, chaqai quena' ỹo'uet yi lapoxoc quiyim qayimaqachin, ỹo'uet ná'maq chi lo'ueenatec na qomyipi dá'maq chi ỹa'den hueetagui na lqahic.

Mateo 15:6

Ca' canchaqaica quiyim 'naac dajo, ca' tot ishit ỹotauan ca leta'a loqo'm aca late'e. Ca' chaqaida 'neeta caqamiri quiyim qaica ca 'negue nqai'ñii dá'maq lelaataxanaxac ñi qota'olec, ma' pacqajñiỹauec dá'maq chi no'ueenataxaguii.

Hechos 21:20

Co'na' qara'xaỹa dajo, ca sá'ogue imaqachin ñi qota'olec. Ca qohinapega so Pablo: —Hua', qami' qarqaỹa, ỹaatqajam 'yiiñite' quiyim 'xoic na judioipi mashic ỹacoñiguit da na'qaatec, ca ná'ogue na'maxare 'xoic lepagaxallic quiyim ỹouen qoyiquichi'ñigui na naqataxaquipi chicqo'tot nqohin na'le so Moisés.

Hechos 22:3

—Aỹim judío le'ec. Ñi'xaỹoqsoqo' yi Tarso huaugui yi 'laua Cilicia. Qam seỹa'ñi najo Jerusalén, chaqai ñapaxaguinqo' so Gamaliel, ỹapaxaguinegue aỹim ná'ogue na nelaataxanaxaquipi nachiñi'chiguit quesaua 'auaxaqa sachigoxosqauguilo. Vichiguiño' 'ue da iuogoxo quiyim so'ueenataxanot ñi qota'olec quiyim ỹaatqajam somato'ot añi i'taxanata, chaqai 'nejem qamiri nagui quenajo na'xa'a.

Hechos 26:5

Chaqai na'maxare qai'neeta ỹa'den, chaqai ishit ỹa'xat no'm ỹa'maxarenta, ma' na' llaqaỹim ne'necoqui' salequetapougui na judioipi, ỹaatqajam shiquichi'ñiguilo naua ñapaxaguinaxaco quena qohinac leenaxat fariseo, ná'maq paguec quiichi'ñigui na naqataxaquipi chicqo'ot so Moisés.

Hechos 26:9

Ỹim qai'neeta quesom 'xoic quen na sahotaque shine'tegue ná'maq quelec quiyim huelec da leenaxat so Jesús, Nazaret le'ec.

Colosenses 2:8

Rovichiỹari'o', 'neeto' lotqai quii'uegue ná'maq ỹahotaque rayiñii, ỹahote'e ná'maq na'deenaxanaxa huelec najo chaqai na sqai llic na'deenataxanaxac. Ma' na'maxare sqai chicqochigui so Cristo; ta'ta'a ná'maq chi no'ueenataxac na qomyipi, chaqai quedá'maq la'deenataxanaxac chaqainaata ỹa'deentapega ná'maq nanchaqaina re'qoochigui.

1 Pedro 1:8

Ma' qamiri 'xoriñii so Jesucristo, 'eno'm sqai huañiỹa; chaqai quiyim viilec so'maxare nagui quiyim sqai huañiỹa, ca' ỹaatqajam chalego da netoonaxaguii chaqai da lemaqachic, ca da'maxare se ishit qaichoxochichigui,