Gálatas 1:12 - La'qaatqa ñi qota'olec Qota'olec & Qota'olec Novita Na Qomyipi

¹² Ma' se sachigoqto'ot ca qom, chaqai mesqaica ca yapaxaguinegue. Ta'ta'a quiyim chaqaiso so Jesucristo ya'deenaxanaxanegue da'maxare.

Gálatas 1:12 Iomraidhean Croise

1 Corintios 11:23

Ma' caỹim ỹaatqajam sachigoxoto'ot so qara'gaxala' dajo napaxaguinataxanaxac saanema qamiri, quiyim chaqaica cá'maq pe co'na' qoỹaano so qara'gaxala' Jesús, ca' ỹacona so pan.

1 Corintios 2:10

Qam dajo ỹa'deenaxanaxanque qomi' ñi qota'a, chicqochigui nqai'en so Espíritu Santo, ma' so'maxare imitetac ná'ogue, chaqai ỹovira'a quiyim ỹa'den ná'maq 'xoic lecaic se re'xogui 'neeta'pegue ñi qota'a.

2 Corintios 10:7

Qamiri ra'iitapigui na chaqai qom. Ca no'm 'ue ca 'neetapega ỹaatqajam queeta'pegue' so Cristo, ca qai'neeta retanta quiyim qomi' qai'neeta qolqata'pegue' so Cristo.

2 Corintios 12:1

Ỹaatqajam qaica quet cá'maq 'negue ca qom no'm chi na'xateteguelta'. Qam ỹim dá'maq qayauanaxanaxanegue chaqai dá'maq ya'deenaxanaxanegue so qara'gaxala', ca sa'xat.

Gálatas 1:1

Ỹim Pablo, ỹim lelaatec so Jesús. Sqaỹim lelaatec chaqai sqaỹim lca'acsec ca chaqai qomyipi; ta'ta'a quiyim chaqaiso so Jesucristo, chaqai ñi qota'olec ñí'maq liỹa nca'laxatec na'le so'maxare queso nelauaxa.

Gálatas 1:16

ca ỹo'uet quiyim seuana so llaalec, qaiyi sa'xat da na'qaatec chicqaugui da nca'laxa quená'maq mesqai judioipi. Qam cana' 'ue dajo, qaica ca shicpegue' quiyim senat.

Gálatas 2:2

Saigue da'maxare, ma' ñi qota'a ỹa'ue so iuanaxanaxac quiyim saigue da'maxare. Ca na' seueta'ñi yi Jerusalén, ca' 'ue so netaxaỹaxac, qam qaỹoỹooteta'oga quesó'maq mashic qaỹa'yiinchigui na'gaxalateripi. Ca sa'xatema dá'maq 'neeta dá'maq na'qaatec chicqaugui da nca'laxa dá'maq sa'xatetac quena sqai judioipi. Shi'ntegue dajo, ma' se sa'maxaren quiyim sqaica ca 'negue nqohin dá'maq shi'gue so'ueetetac chaqai dá'maq so'ueetetac nagui.

Efesios 3:3

Ca' ñi qota'a ñi ỹachaxañim da leloxoỹaxac dá'maq se re'xogui lo'ueenataxanaxac, ca ya'deenaxanaxanegue, ca shi'gue 'ue ná'maq cocho'qui' shiriñi caqamiri.

1 Tesalonicenses 4:15

Quedá'maq chi la'qaatec so qara'gaxala' Jesús se'taxataxañi dajo: Coqomi' ma' ñaqai qarca'leetauec ma' novi' so'maxare, se sa'auaq quená'maq mashic ileu.