Gálatas 1:1 - La'qaatqa ñi qota'olec Qota'olec & Qota'olec Novita Na Qomyipi

¹ Ỹim Pablo, ỹim lelaatec so Jesús. Sqaỹim lelaatec chaqai sqaỹim lca'acsec ca chaqai qomyipi; ta'ta'a quiyim chaqaiso so Jesucristo, chaqai ñi qota'olec ñí'maq liỹa nca'laxatec na'le so'maxare queso nelauaxa.

Gálatas 1:1 Iomraidhean Croise

Juan 10:30

Ỹim chaqai ñi ita'a qomi' 'oonoqui'.

Juan 20:21

Ime, ca' so Jesús lotqai liỹa 'naac: —'Ue ma'le ca reuagaxahi. Ca' chaqaida dá'maq 'ne'tegue quiyim yila' ñi qota'a, ca' chaqaida shine'tegue quiyim selate' qamiri.

Juan 5:19

Ca' so Jesús 'naapego' so qomyipi: —Ỹaatqajam lliqueta shinapegalo qamiri quiyim najo llaalec ñi qota'olec qaica ca ishit ỹo'uet no'm chi nanoiquenta'pegue', ta'ta'a ná'maq iuana ỹo'uet ñí'maq leta'a. Ca ná'ogue ná'maq ỹo'uet ñí'maq leta'a, qai'neeta ná'maq llaalec ỹo'uet.

Hechos 22:10

Ca' shinac da ỹa'qaatec: “Qami' ỹa'gaxala', ¿nega'ỹo' ca so'uet ma'le?” Ca so'maxare 'naac: “Ne'laxachirishiguim, ca' qui', repaquirau'a yi Damasco. Ca hua'ñi ma'le, ca qohiñirapegaxaua' quecá'ogue cá'maq 'viichi' ma'le.”

Hechos 3:15

Ca' quiyi, ca' qamiri lauachii só'maq chicqo'ot da nca'laxa. Qam ñi qota'olec liỹa nca'leuec nqai'en, ca' quedajo qomá'ogue qomi' sauanqachigui.

Hechos 9:6

Ca' so Saulo i'loxoltari' quena lqolonaxa, ca 'naaco': —Qami' ỹa'gaxala' Jesús, ¿nega'ỹo' cá'maq vi'saque so'uet? Ca' so qara'gaxala' 'naapego': —Ne'laxachirishiguim, ca quirepegue' yi na'a'. Ca' quiyi, ca qohiñirapegaxaua' quecá'maq 'viichi'.

Romanos 1:1

Aỹim Pablo, ỹim la'ac so Jesucristo. Ñi qota'olec roỹaxañiua' chaqai yoỹootec quiyim ỹauaaque aỹim lelaatec, qaiyi sa'xat da la'qaatec chicqaugui da nca'laxa.

Romanos 10:9

Ma' no'm quenaua ra'qaataxahi' 'xachi' quiyim so Jesús chaqaiso só'maq qara'gaxala', chaqai quiyim lli'chirigui añi re'taxanata'e' quiyim virelec ñi qota'olec quiyim liỹa nca'laxatec na'le queso nelauaxa, ca' rca'llirec.

Romanos 14:9

Ma' so Cristo ileu chaqai lotqai liỹa nca'leuec, qaiyi so'maxare chaqaiso só'maq la'gaxala' ná'maq mashic ileu chaqai ná'maq ñaqai nca'leetauec.

1 Corintios 1:1

Aỹim Pablo, ma' ỹimo' loỹaxanaxat ñi qota'olec quiyim ỹauaaque aỹim lelaatec so Jesucristo. Iỹaatac ñi qarqaỹa Sóstenes.

2 Corintios 1:1

Aỹim Pablo, ma' ỹimo' loỹaxanaxat ñi qota'a, ỹauaaque quiyim aỹim lelaatec so Jesucristo. Nagui iỹaatac ñi qarqaỹa Timoteo. Ca' nagui, ca' selatalo qamiri ana ỹerecse, qamiri ỹaqaỹaripi, ma' mashic viilec ñi qota'a, ñiita'ñi na na'a' lodegaxat Corinto, chaqai ná'ogue ná'maq lalamaxaret ñi qota'a quená'ogue ná'maq neetalec yi 'laua, leenaxat Acaya.

Gálatas 1:15

Qam ỹimo' lca'acsec ñi qota'a na' saqa' ñi'qaañi, ca quedá'maq chalego lecaic le'xorenataxanaxa, ca' roỹaxañiua'. Ca' chaqaida 'ne'tegue co'na' ỹovita so laloqo',

Gálatas 1:17

Vire'ta sqa saigue da Jerusalén quiyim ya'ỹa'alo saua 'auaxaqa caỹim lelaatqa so Jesús. Ta'ta'a quiyim se ñaỹaloxoren quiyim saigue da Arabia. Ca na' ime, ca' yapila yi Damasco.

Efesios 3:8

Ma' ỹim qaica quet cá'maq shinegue, ma' paguec ỹim cocho'qui' quená'ogue ná'maq lalamaxaret ñi qota'a. Qam ñi'maxare queda lqouagaxa, ca' pataxailec quiyim sa'xat da na'qaatec quena mesqai judioipi quedá'maq qaica 'nejem lesallaxa so Cristo.

2 Timoteo 1:1

Aỹim Pablo, ỹacone'oga aỹim ñi qota'a, ma' ỹauaaque quiyim aỹim lelaatec so Jesucristo, quiyim sa'xatetac da nca'laxa shi'gue ỹachaxantac. Qam dajo nca'laxa ỹacoñiguit cá'maq mashic na'deetau'a so Cristo Jesús.

Tito 1:3

Chaqai nagui ỹovita yi laloqo' quiyim qara'deenaxanaxanegue da leloxoỹaxac chicqochigui nqai'en da la'qaatec ñi qarca'laxaqui qota'olec, ca' pataxalec aỹim quiyim sa'xat da la'qaatec.

Hebreos 13:20

Ca' ñi qota'a ñí'maq ỹo'uet da na'maxa, ñí'maq liỹa nca'laxatec queso lelauaxa so qara'gaxala' Jesucristo, só'maq ỹapacauec la'gaxala' ana qagreta, ma' quesaua leuo' ca' i'taxajñi dá'maq 'maqataxac sqaica lqodoc,

1 Pedro 1:21

Ma' chicqochigui so Cristo quiyim qamiri viilec ñi qota'a ñí'maq liỹa nca'laxatec na'le so'maxare queda lelauaxa, ca' ỹaanem quiyim qaimaqachin. Vichiguiño' qamiri 'ue da rpi'ỹaxaguii chaqai da naquitaxaguii quiñi qota'a.

Apocalipsis 1:18

Ỹim ná'maq yca'leetauec. Ma' yileu na'le, qam nagui, ca' sqaica lqodoc quiyim yca'leetauec. Ỹim llo'qoota'alo soiquenta'pe naua lauaatqate da nelauaxa chaqai quecá'maq lapooqo' na lqui'i na leuaxaiquipi.

Apocalipsis 1:5

Chaqai qai'neeta chicqo'ot so Jesucristo só'maq netaxaỹaxanqajnec ishit qoyiuelec ca la'qaatec, chaqai chaqaiso só'maq 'au qanca'laxatec queso nelauaxa, chaqai chaqaiso só'maq lashi na nashillipi hueetalec ana 'laua. So Cristo só'maq qare'xoren, ca nquiỹoorec saua qarasauaxasete', quiỹoxonalo sauá'maq chi leuo',

Apocalipsis 2:8

'Chiriñi aca lere, ca' lachita qai'neeta ñi nelaatec reloqota'a yí'maq mashic icoñiguit da na'qaatec neeta'ñi yi Esmirna. 'Ñiraco': “'Neetayi dá'maq 'naac ñí'maq 'auaxaico' na'le chaqai ñí'maq pa'aatec, ñí'maq ileuo' na'le, qam lotqai liỹa nca'leuec: