Filipenses 4:3 - La'qaatqa ñi qota'olec Qota'olec & Qota'olec Novita Na Qomyipi

³ Chaqai ma' qami' qamaxaraic ỹo'ueenataxanaxaua, ca shiñirapegaxaua' quiyim tauañi' cauajo qarqaỹa', ma' caua'maxare ỹaatqajam 'xoic da lotaanaxanaxague' caỹim na'le quiyim sa'xatqatac da na'qaatec chicqaugui da nca'laxa, chaqai so Clemente chaqai so liỹaripi ỹo'ueenataxanaxauaripi. Caua leenqate' saua'maxare shi'gue qoỹeresalec aso nelere ñi qota'a nca'laxalate.

Filipenses 4:3 Iomraidhean Croise

Éxodo 32:32

Ca' ñi'xoresene'tot qami' nagui quiyim palaxachi' da lasauaxaset. Qam no'm sqai palaxachi', ca ¡'maxaraic palaxachi' ca ỹeenaxat mashic 'chiriñi caso nilliri'i'!

Lucas 10:20

Qam se netooñigue quiyim na ne'ec lecmaxaic na'xaỹaxanalo qamiri, qaidaata quiyim yi qadeenaxachii naneretañi queda piguim.

Romanos 12:1

Ca vichiguiño' ỹaqaỹarolqa, ñi'xoresentouguilo qamiri quedá'maq le'xorenataxanaxa ñi qota'a quiyim ỹaatqajam nomachiỹalta' nañaañiỹot ñi'maxare, 'ñiitari' aca nachitaxanataxanqate ỹaatqajam nca'leetauec, quiyim 'ueenataxañiỹot chaqai quiyim ỹa'maxarente' qamiri ñi'maxare. Ca' chaqaida 'ñiita'gue quiyim lliichigui añi re'taxanatahi ca remaqajnataxanaxahi.

Romanos 16:12

Iquinaxanaxac caca Trifena chaqai aca Trifosa, caua'maxare ro'ueenataxansacot so qara'gaxala', chaqai aca qanauochaxaua qarqaỹa Pérsida, ma' ỹaatqajam 'xoic da lo'ueenataxanaxac queso qara'gaxala'.

Romanos 16:9

Iquinaxanaxac queca Urbano qarotaua queda qaro'ueenatec queso Cristo Jesús chaqai ca ñauochaxaua Estaquis.

Filipenses 1:12

Qamiri ỹaqaỹa', ỹim sahotaque 'yiiñii quiyim dá'maq sovira'guit na'le, da'maxare 'ec ỹotauan da na'qaataxanaxac queda na'qaatec chicqaugui da nca'laxa.

Filipenses 1:16

'Ue na chi ỹa'xatetac so Cristo, ma' 'ue ca naquitetaque. Ca' se ỹaqamqata, ma' ỹahotaque quiyim lama'xa ypataxañi nagui ma' mashic ỹim ncoñiiteguesec.

Filipenses 1:27

Qaidaata quiyim nquipichiỹa'pegue' quiyim nachiñi'chiguit nqai'ñii dá'maq no'ueenataxaguii da na'qaatec qaỹa'xat queso Cristo. Ca' quiyim saiquena loqo'm qoỹoqo'ta ỹim, qam sahotaque quiyim 'ue ca ỹa'xaỹaxac quiyim ỹaatqajam quiijlec chaqai necoñii'jta' queda rpi'ỹaxaguii chicqochigui da na'qaatec chicqaugui da nca'laxa,

Filipenses 1:5

Ma' qamiri qai'neeta lliguiỹau'a quiyim 'xachii dá'maq na'qaatec, chicqochigui cá'maq 'auaxaic na'xa'a na' coñiguit da na'qaataxac so Jesús, chi ỹovireta'a nagui.

Filipenses 1:7

Ca 'maxaraic quiyim ỹa'deenataxanaxac dajo caqamiá'ogue, ma' 'ue da ỹoqo'iichi caqamiri, ma' nouañiỹau'a qai'neeta da qouagaxa chicqo'ot ñi qota'a, 'eno'm quiyim aỹim ncoñiiteguesec, loqo'm quiyim seloqoguit na nashillipi quiyim sqoshiilec dá'maq na'qaatec chicqaugui da nca'laxa, chaqai se'taxajñi quiyim lliqueta da'maxare.

Filipenses 4:2

'Ue da ỹaqataxac, ñi'xoresentouguilo caua Evodia chaqai aca Síntique quiyim neuojonta', 'neetasa'lo caua nqaỹa' quiyim nañaantetot so qara'gaxala'.

Colosenses 1:7

Dajo dá'maq ỹapaxaguinguelo' na'le qamiri so qanauochaxaua qarqaỹa Epafras. So'maxare lo'ueenataxanaxaua' qomi'. Chaqai caqamiri, ca' ỹaatqajam qamaxaraic lo'ueenataxanqajnec so Cristo.

Apocalipsis 13:8

Ca' sojo isecỹac ỹaatqajam qaimaqachin quená'ogue ná'maq hueetalec ana 'laua, quená'maq se qoỹeretañi ca leenaxat na' ñaqai chita'gue qaỹo'uet na 'laua, cacá'maq lere nca'laxalate hueeto'ot so 'ec qagreta llaalec shi'gue qaỹalauat.

Apocalipsis 17:8

Só'maq isecỹac lodegaxat huañita nca'leetauco' quen nallaaqo', qam mashic tot qaica. Qam qaiyiita liỹa nenoxonshiguim ma'le chicqa'ña yi lapooqo' na lqui'i na leuaxaiquipi, ma' saqa' ỹovita cá'maq ỹaatqajam lelauaxa. Ca cá'maq hueetalec ana 'laua quená'maq se qoỹeretañi ca leenaxat caso lere lomalate na ca'laxaiquipi na' ñaqai chita'gue qaỹo'uet na 'laua, ca' 'ue ma'le ca le'laxa ma' iuana so isecỹac lodegaxat só'maq nca'leetauco' quen nallaaqo', qam mashic tot qaica, qam lotqai liỹa rapil ma'le.

Apocalipsis 20:12

Chaqai seuane'ta na leuaxaiquipi cocho'qui' chaqai na lodegaxat nachaatetañi, reloqoto'ot ñi qota'a. Ca qaỹauachiguilo saua lerel chaqai aso liỹa lere asó'maq lere naneretalec ná'maq qanca'laxatec. Ca ná'maq leuaxaiquipi qaimit, ca' qaishiueten quiñi 'óna quecá'maq ỹo'uet quená'maq qoỹeresalec saua lerel.

Apocalipsis 20:15

Ca' sojo norec qainaxañigui só'maq se naneretalec ca leenaxat aso lere qoỹeretalec ná'maq mashic qanca'laxatec.

Apocalipsis 21:27

Qam se ishit inoxoneu'a yi'maxare ca ñaq napio'o, chaqai ca ñaq noqocatapiguilo naua se no'viiñi no'ueenataxaco, loqo'm naua na'majnaxaco. Qainaata inoxono ná'maq qoỹeretañi ca leenaxat aso nelere so 'ec qagreta llaalec, naneretalec ná'maq qaica lqodoc da lca'laxa.

Apocalipsis 3:5

Ca cá'maq rauegaxan ma'le, ca' ỹañiñi nqohine' caua noho lalagaxaqa. Chaqai se sapalaxat ca leenaxat quiyim qoỹeretañi cayi lere nca'laxalate, ta'ta'a quiyim sa'xat quiñi ita'a chaqai quena lelaatqaipi piguim laseripi.