Filipenses 3:3 - La'qaatqa ñi qota'olec Qota'olec & Qota'olec Novita Na Qomyipi

³ Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

Filipenses 3:3 Iomraidhean Croise

Isaías 45:25

Ỹim chicqochigui ma'le quiyim ná'ogue na llaalqaipi so Israel rauegaxan ma'le, ca' nemaqajanlec aỹim ma'le. (46.1—48.22 Ñi qota'olec sqai 'nejem na lashiilqaipi yi Babilonia. Da 'neeta ma' noxonec yi Babilonia. Ñi qara'gaxala' 'naac quiyim ỹadalaxat ná'ogue. Ñi qara'gaxala' nca'laxatec so lalamaxareteripi.)

Malaquías 1:11

Quená'ogue na qomyipi quena 'laua imaqachintac aỹim; chaqai quenaua'que naua lahil na 'laua qaicopata'a na nichiinaxanaxat quiyim qayimaqachin chaqai qaỹa'ue na nachitaxanataxanaxat, qam chalego la'maxa.

Romanos 1:9

Ca' ñi qota'a, ñí'maq somato'ot añi i'taxanata quiyim sa'xatetac da na'qaataxac so llaalec, ñi'maxare ỹa'deenta quiyim se scoua'ahi qamiri quena' ñqouagaxain.

Romanos 15:17

Ma' mashic seuelec so Cristo Jesús, ca' chaqaida chicqochigui da ñitoonaxac quiyim so'ueenataxantacot ñi qota'olec.

Romanos 7:6

Ma' qomi' loiquenatqa na'le so naqataxaquipi, qam nagui 'eco' qareleu queso'maxare. Ca' no'uene'teguelo qomi' quiyim so'ueenataxanqot ñi qota'a quedá'maq dalaxaic qanachaalataxac chicqo'ot so Espíritu Santo. Ca' mesqai só'maq ñaaue naqataxaquipi qoỹeretañi.

Romanos 8:15

Ma' quesó'maq Espíritu neetauguilo qamiri ỹo'uet quiyim totqai qamiri nelaatqa quiyim liỹa quet ro'chiitac. Ta'ta'a quiyim sojo Espíritu ỹo'uet quiyim qamiri llaalqa ñi qota'olec. Ca' ñijo Espíritu ỹo'uet quiyim shinqac: “¡Qami' qareta'a qota'olec!”

Romanos 8:39

loqo'm na hueeto'ot na piguim loqo'm na pa'aañi, chaqai qaica cá'maq liỹa quena lo'ueenatec ñi qota'a ishit ỹoỹoote'ogalo qomi' queda le'xorenataxanaxa ñi'maxare, chicqochigui nqai'en so Cristo Jesús só'maq qara'gaxala'.

Romanos 9:6

Qam mesqaida quet quiyim se ipaguigui quet ná'maq ỹachaxantac ñi qota'olec queso Israel, ma' sá'ogue so lalamaxaret llaalqaipi so Israel mesqai sá'ogue lalamaxaret ñi'maxare.

2 Corintios 11:18

Ma' mashic 'xoic ná'maq nemaqajanteguelec ná'maq hueetalec najo 'laua, ca' ỹim qai'neeta ñimaqajan.

Gálatas 5:25

Ma' dá'maq qanachaalataxac chicqo'ot so Espíritu, ca' qai'neeta saxanqac só'maq Espíritu quiyim qarashaxantac quecá'maq so'ueetaq.

Gálatas 6:16

Ca ná'ogue ná'maq queetalec dajo ñicyaxac, chaqai ná'ogue ná'maq ỹaatqajam lalamaxaret ñi qota'a, ca' icoñiguit da na'maxa chaqai da ne'xorenataxanaxa.

Efesios 6:18

Qam nqouagaxaiñii quiyim 'viichii dá'ogue dajo. Se neme ne'xorishiñitacot ñi qota'a, qam quiichigui nqai'ñii da rashiilaxanaxaguii so Espíritu. Ỹaatqajam nelohitec, qaiyi shichii 'viichii dajo. Se reuallitegueñi, chaqai nqouagaxaiñitalec ná'ogue ná'maq lalamaxaret ñi qota'a.

Filipenses 1:1

Ỹim Pablo chaqai Timoteo qomi' lelaatqa so Jesucristo, seraxañi ana qarelaata, tai'a nqaishinaq ná'ogue na qarqaỹaripi chaqai na la'gaxalateripi chaqai ná'maq lotauaripi quená'maq neeta'ñi na na'a' lodegaxat Filipos, ná'maq lalamaxareteripi ñi qota'a chaqai na'deetau'a so Cristo Jesús.

Filipenses 3:12

Ỹim se seshit quiyim shinac quiyim sovirau'a dá'ogue dá'maq sa'xatetac, loqo'm quiyim mashic yaloochiguiñi queda ỹicyaxac. Qam ỹim shiqueta, ma' 'ue da ñaquitaxac quiyim sovirau'a dá'maq 'em quiyim iconeu'a aỹim na'le so Cristo Jesús.

Filipenses 3:14

qaiyi sovirau'a cá'maq naloqojnec chaqai quiyim ỹaueguec cá'maq ỹachaxantac ñi qota'a quiyim roỹaxanta'lo qomi' queda piguim quiyim seconaxaguit, ma' ña'daqatau'a so Cristo Jesús.

Colosenses 2:11

Chaqai quiyim na'yiitau'a so Cristo, ca' qaỹa'ue na netanegue' qamiri; qam mesqai ná'maq re'qoochigui quena noshicmaxa, ta'ta'a quiyim na' qanca'laxaterec qamiri quena nasauaxaset queda lamaanaxanqachic na roshicmaxahi. Ca dajo dá'maq netanaxac na qom chicqo'ot so Cristo.

Judas 1:20

Qalaxam qamiri ñauochaxaua' ỹaqaỹa', ỹaatqajam quiijlec dá'maq no'uen napaxaguinataxaguii viilec na'le. Nqouagaxaiñii queda lquesaxanaxa so Espíritu Santo.