Filipenses 3:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' nagui qamiri ỹaqaỹarolqa, netooñita'gue so qara'gaxala'. Chaqai se se'miaqta'a quiyim liỹa shiriñi dá'maq shi'gue shiriñi, ma' 'xoic da lovic caqamiri.

Filipenses 3:1 Iomraidhean Croise

Filipenses 4:4

Naua'que naua na'xata' netooñita'gue so qara'gaxala'. Liỹa sopilalec shinac: ¡netooñitac!

Romanos 5:11

Qam mesqaidaata dajo, ma' qai'neeta 'ue da qanetoonaxac quiñi qota'a chicqochigui so qara'gaxala' Jesucristo. Ma' so'maxare chicqochigui quiyim huaqui'chiguita qomi' nagui ñi qota'olec.

Santiago 1:2

Qamiri ỹaqaỹa', ỹaatqajam necoñiỹaque da netoonaxaguii quena' viitaugui canchaqaica quena ỹoreta'oguit ne'guenaxaguii.

1 Pedro 4:13

Ta'ta'a quiyim 'ue ca netoonaxaguii quiyim mashic nouañiỹau'a da le'xoric so Cristo, qaiyi qai'neeta 'xoic ma'le ca netoonaxaguii ma' daañiỹa'guit ca lauaq cá'maq loviraxac so'maxare.

1 Tesalonicenses 5:16

Qaidaato' da quiyim ỹaatqajam netooñitac.

Filipenses 4:8

Qamiri ỹaqaỹa', dá'maq co'uaataxanta ỹaqataxac 'neetasa': ỹaatqajam ỹajñita ca leloxoỹaxac cá'maq lliqueta, chaqai ná'ogue ná'maq 'ue ca 'negue nqohin, chaqai cá'maq no'uen ñicyaxac, chaqai ná'maq qaica ca lalegue', chaqai ná'ogue ná'maq qaỹa'maxarenta, chaqai ná'maq no'uen ca na'qaataxac. 'Yiiñitapega ná'ogue ná'maq no'uen chaqai taiguit quiyim qaimaqachin.

1 Pedro 3:8

Ca' chaqaida 'ñiitari' quiyim ne'xoriñiỹata', chaqai quiñi 'óna nqouaguegue ca liỹa. Chaqai ỹaatqajam qamiri 'xorenataxanaxaiqa quecanchaqaica qom, 'ñiita'gue ca rqaỹahi. Niñiiquishiñitecta', qaica ca napacqajan.

2 Corintios 13:11

Qamiri ỹaqaỹa', nagui, ca' qaidaata quiyim no'uen ca qayicyaxaguii. Ỹaatqajam daañiỹaque ca la'maxa da chaalataxac, ỹa'maqachigui nqai'ñii na qavillii, niñiiquishiñitecta' queda ra'maxahi. Ca ñi qota'a chicqo'ot da na'maxa chaqai da ne'xorenataxanaxa hueetauguilo ma'le qamiri.

2 Pedro 3:1

Qamiri ñauochaxaua' ỹaqaỹa', najo aná'maq co'uaataxanaxai ỹerecse selatalo qamiri; quenaua dos ilaata sahotaque quiyim ỹaatqajam 'yiiñitapegalo nauajo ỹaqataxaco.

Efesios 6:10

Ca' nagui qamiri ỹaqaỹa', na'ñaxachiỹo', ma' mashic na'yiitau'a so qara'gaxala' quiyim chicqochigui da rquesaxanaxahi dá'maq chalego lquesaxanaxa so'maxare.

Lucas 1:47

chaqai da ñachaalataxac ỹaatqajam netoonta'pegue ñi qota'olec ñí'maq ica'laxala'.

Joel 2:23

¡Netooñitac qamiri ñiỹa'ñi na Sión, netooñita'gue ñi qara'gaxala' ñí'maq qota'olec caqamiri! Ma' chaqaiñi ñí'maq nela' na ỹaxat na' viñitac, naua ỹaaqate' quiyi no'oomaxa chaqai yi nosaxa, dá'maq chaqai'en 'neetari' quen quesom.

Salmos 32:11

Netooñigue ñi qara'gaxala', qamiri ỹale' huagaxaraqa chaqai 'maxataxaraqa; ¡netooñitac chaqai raualaxahi queda netoonaxaguii!

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

Mateo 5:12

Ca' ỹaatqajam ra'maxaichiguiñi, netooñitac, ma' qamiri coñiguit ca chalego lecaic nishivichii ma'le queda piguim. Ma' chaqaida qohine'teco' na'le da nocanaxac só'maq 'au letaxaỹaxaquiripi ñi qota'a na' saqa'lecaua qamiri.

Isaías 61:10

Chalego da la'maxa iuel chaqai 'xoic da ñitoonaxac quiñi qara'gaxala' qota'olec, ma' ñi'maxare 'xoic da lotaanaxanaxac caỹim, ¡ỹaatqajam ỹa'ue da ỹoxonaxanaxac! Shinta ca sham shilo quena' no'ueet ỹanñi aca no'uen nado'o, chaqai aca 'aalo sham shilo ỹañiñi naua no'ueetqate'.

Salmos 42:4

Ca quena' sa'deentaque dajo, ca' ñañaañiguit da nqui'ic. So'leente'te quena' salequeta'guit so qomyipi, sauequetau'a añi no'ueenaxanaxaqui quiñi qota'olec, ỹaualqatagui queda netoonaxac chaqai da na'aachicyaxac. ¡Ca' chalego lemaqachic quena'le!

Nehemías 8:10

Chaqai qai'neeta 'naac so Esdras: —Mohi, a'guii cá'maq no'uen na'ic, chaqai ni'chiigui cá'maq lataxa chaqai nouañite'e' cá'maq qaica ca loq ỹa'maxatetañi, ma' najo na'xa'a lalamaxaret ñi qara'gaxala'. Totaxan chigoita, ma' se'guenqot da la'maxa lauel ñi qara'gaxala'.

1 Samuel 2:1

Ca' da nqouagaxainaxac aso Ana 'neetasa': Qami' ỹa'gaxala', somato'ot qami' añi i'taxanata queda ñitoonaxac, ma' qami' vite da dalaxaic ña'ñaaqataxac. Ca' ỹim nagui seshit setaxaỹa na ñpa'guenaxauaripi, ma' qami' yotauañi'. Ca' ¡ỹim nagui 'ue da iuagaxa!

1 Tesalonicenses 4:1

Ca nagui qamiri qarqaỹa', ñi'xoresenqa'toto chaqai saqataxalo qamiri, sahoqota'ahi da leenaxat so qara'gaxala' Jesús, quiyim quiijlec da leloxoỹaxac dá'maq sapaxaguinaxaque qamiri, qaiyi qaỹa'maxarente' qamiri quiñi qota'a, ca chaqaida dá'maq quiitalec, nqo'neetauec nqai'ñii.

Salmos 33:1

'Ueenaxañilec ñi qara'gaxala', qamiri ỹale' huagaxaraqa; queda lavillaxac na huagaxaraiquipi 'ue da loyac da no'ueenaxanaxac.