Filipenses 2:3 - La'qaatqa ñi qota'olec Qota'olec & Qota'olec Novita Na Qomyipi

³ Chaqai mesqai 'ue ca naquichitaque quiyim 'ue ca 'viichii chaqai quiyim nemaqajñii. Ta'ta'a ca ne'xoresenaxaguii, chaqai quiñi 'óna paguec gueme nqai'en ca liỹa queca'maxare.

Filipenses 2:3 Iomraidhean Croise

Lucas 18:14

Ca' ỹim shiñiỹapegaxaua' quesojo ỹale co'na' pila ca la'a', ca' ỹaatqajam qaỹa'maxarenta quiñi qota'olec, ca' sqai 'nejem so fariseo. Ma' ca chi nemaqachin, ca' sqaica ca lemaqachic nqohin; qam ca se nemaqachin, ca chaqaica ca 'xoic ca lemaqachic nqohin.

Romanos 12:10

Ca' ỹaatqajam ne'xoriñiỹata', 'ñiitari' caua nalamaxarete' nqaỹa'. Qaica ca qaỹapacqajnauec, ca' quiñi 'óna ỹa'maxate'tegue ca liỹa.

Romanos 13:13

Qam ỹaatqajam ña'maxatqata shinqata'gue dá'maq 'neetari' cá'maq mashic queetagui yi na'xa'a. Totqai qomi' ne'taaxaiqa, chaqai se so'ueetaq ca qarqui'ỹaxac quiyim 'xoic ca naỹaac, chaqai dequenaxac, chaqai nanchaqaina namaanaxanaxa, chaqai quiyim ñco'uaqata'ta', chaqai quiyim ñpa'guenqata'ta'.

Romanos 2:8

Qam ỹaatqajam ro'o quiyim ỹa'ue ca nouaxanaxaset ná'maq chaqai ỹoiquentac dá'maq 'neeta'pegue, ca' se na'xaỹaxana dá'maq ỹaatqajam lliqueta na'qaatec, qainaata na se no'uen queeta'uegue.

1 Corintios 15:9

Ma' ỹim qaica ca imaqachic, sqai shinta só'maq liỹa lelaatqaipi so Jesús, chaqai sqa taiguit quiyim qaỹamatahic ỹim lelaatec so'maxare, ma' socantac quen na'le ná'maq huelec ñi qota'a.

1 Corintios 3:3

ma' nagui ñaq quiitalec da ra'aachicyaxaguii. Ma' ñaqai 'ohita'ta' chaqai nco'uaita'ta' chaqai se neuojñiỹata', ca' re'qoota quiyim qamiri ñaq quiitalec da ra'aachicyaxaguii, ca ñaqai 'ñiitari' da no'ueenataxac ná'ogue na liỹa qom.

2 Corintios 12:20

Ma' ỹim 'ue da itelaxa quiyim ma' sovitalo qamiri 'neeto' lotqai sqai 'ñiitari' dá'maq sahotaque quiyim 'ñiitari' quet, chaqai 'neeto' ỹoqa'a ca shintari' ma' huañiua'. Ma' 'ue da ỹoqolonaxa quiyim ñaqai hueetauguilo qamiri quiyim se na'yiiñiỹata', npa'guiñita'ta', 'ohita'ta', na'aavitegueshiguim, la'axaqa lo'o', novirqataxanaxac, maqajnaxac, chaqai sqaica ca 'maqataxac.

Gálatas 5:15

Qam no'm chi na'guiita'ta' qamiri, ca' quiñi 'óna ỹa'ic ca liỹa, ca richilliỹaño', 'ase' no'm 'ec chi nomachitañi na riỹaripi.

Gálatas 5:26

Sqai qomi' nemaqajnaxaqa, chaqai mesqai ñapetqata'ta', chaqai mesqai ñpa'guenqata'ta'.

Efesios 4:2

Ca' qamiri neneequesenaxaqa, chaqai 'naxanaxaraqa, chaqai qamiri hualaqhuaqa, chaqai quiñi 'óna caqamiri i'xoren ca liỹa no'm 'ue canchaqaica.

Efesios 5:21

Ca' quiñi 'óna ỹaatqajam notauanta'guit ca liỹa, ma' ỹaatqajam 'ue nqai 'negue nqai'en ñi qota'a.

Filipenses 2:14

Ca ná'ogue 'viichii, qam qaica ca retaqatac chaqai se nco'uaita'ta',

Colosenses 3:12

Ma' ñi qota'a i'xorene' qamiri, ca nca'au'alo qamiri ma' quiyim qamiri lalamaxarete'. Ca no'uen quiyim qamiri qouagaxanqachaqaqa, 'naxanaxaraqa, sqai qamiri nemaqajnaxaqa, nemanataxaiqa chaqai hualaqhuaqa.

Colosenses 3:8

Qam nagui 'xañiñi ná'ogue najo: nonogoxonaxac, nayiloxoc, ná'ogue na se no'uen, no'ooqotaxanaxac, chaqai naua na'qaatqa la'axaqa.

1 Timoteo 6:4

ca' cajo qom nemaqajnaxai, qam qaica ca ỹa'den. Vichiguiño' lqo'itaxat quiyim nco'uaataguilo naua na'qaatqa, ma' 'eco' 'ue da ralolaxa. Ca' dajo chaqaida dá'maq chicqaugui da pa'guenaxac, co'uaxac, shiuenaxac, chaqai quiyim tot qoyiuelec ca liỹa,

1 Pedro 3:8

Ca' chaqaida 'ñiitari' quiyim ne'xoriñiỹata', chaqai quiñi 'óna nqouaguegue ca liỹa. Chaqai ỹaatqajam qamiri 'xorenataxanaxaiqa quecanchaqaica qom, 'ñiita'gue ca rqaỹahi. Niñiiquishiñitecta', qaica ca napacqajan.

1 Pedro 5:5

Ca' chaqai 'neete'm, qamiri ne'naqa, ỹaatqajam na'xaỹaxañii'ta meca 'naac na qo'xoiquipi. Chaqai quená'ogue na qom qaica ca napacqajan queca liỹa. Ta'ta'a quiyim neneequesentecta', ma' naua naneresañi na'qaatqa 'neracsa': Ñi qota'a quepaxat ca nemaqajnaxai, qam nqouaguegue ỹotauan ca neneequesenaxai.