Filipenses 2:2 - La'qaatqa ñi qota'olec Qota'olec & Qota'olec Novita Na Qomyipi

² ca 'maxaraic quiyim 'viichii ca ñitoonaxac quiyim niñiiquishiñitecta', necoñitagui da 'oonoqui' ne'xorenataxanaxa, 'oonoqui' ca ra'deenataxanaxaguii, chaqai 'oonoqui' cá'maq 'ñiitari'.

Filipenses 2:2 Iomraidhean Croise

Salmos 122:8

Nagui, ca' shinac quena ñauochaxauaripi chaqai quena ỹaqaỹaripi: Quiyim 'ue ca no'daxa caqami' Jerusalén.

Juan 3:29

Quiyim 'ue ca shilaq, ca cá'maq ỹaatqajam shilliguit acá'maq nequetegaxai, ca' chaqaica cá'maq nauonaxaua. Qam cá'maq nauochaxaua cá'maq shilo hueetau'e na lahi, ca 'qaatapega. Ca 'xoic da netoonaxac quiyim 'qaatapega só'maq 'on. Ca' chaqaida dá'maq 'neeta caỹim quiyim 'xoic da ñitoonaxac.

Hechos 1:14

Sá'ogue lapoỹato'o' quen, ca' nqouagaxain, ỹalequesaho saua lqaỹa' so Jesús, chaqai aso late'e María, chaqai so liỹa 'aallipi.

Hechos 2:1

Co'na' noviro so na'xa'a leenaxat Pentecostés, ca sá'ogue só'maq huelec so Jesús lapoỹata' cá'ogue ca neeta'ñi.

Hechos 2:46

Chaqai naua'que naua na'xata' lapootecta' cañi no'ueenaxanaxaqui quiyi Jerusalén, chaqai quenaua la'aate' nouanta'ta' quena' que'e 'xoic laỹaac chaqai ỹaatqajam hueetagui añi le'taxanata da neneequesenaxac.

Hechos 5:12

Quesaua Jesús lelaatqa 'xoic na qaỹo'uet quena netanec chaqai na se qaiuanapega quena qomyipi, ca sá'ogue lapoỹata', hueeta'ñi yi nasoxoc yí'maq leenaxat Nasoxoc so Salomón.

Romanos 12:16

Ỹaatqajam necoñii'jta' queda nachaalataxaguii. 'Neeto' qamiri nemaqajnaxahi', ta'ta'a quiyim naloqojñita'ta' da re'xoriguii. 'Neeto' lotqai 'neetapigui qavillii quiyim qamiri 'deenaxanqachaqaqa.

1 Corintios 1:10

Ỹaqaỹarolqa, ñi'xoresentouguilo qamiri, sahote'e da leenaxat so qara'gaxala' Jesucristo quiyim se neuagaxachiỹac, ta'ta'a quiyim na'yiiñiỹata', le'en quiyim neuagaxachiỹac. Ta'ta'a ne'xoriñiỹata', cá'ogue ca ra'deenataxanaxaguii quecá'maq 'ñiita.

2 Corintios 13:11

Qamiri ỹaqaỹa', nagui, ca' qaidaata quiyim no'uen ca qayicyaxaguii. Ỹaatqajam daañiỹaque ca la'maxa da chaalataxac, ỹa'maqachigui nqai'ñii na qavillii, niñiiquishiñitecta' queda ra'maxahi. Ca ñi qota'a chicqo'ot da na'maxa chaqai da ne'xorenataxanaxa hueetauguilo ma'le qamiri.

2 Corintios 2:3

Vichiguiño' selatalo na'le qamiri aso ilaata, ma' se sahotaque quiyim 'xoic ca ỹachicoxo quiyim sovitalo qamiri, ta'ta'a quiyim 'viichii quet ca ñitoonaxac quiyim salequetauguilo qamiri. Ma' ỹim sa'deenta quiyim ñitoontac, ca' qamiá'ogue qamiri ñitoonaxaua'.

2 Corintios 7:7

Chaqai mesqaidaata da loviraxac so'maxare, ma' so'maxare ỹaatqajam 'ue da na'ñaaqataxac chicqauguilo qamiri. Ca so'maxare ra'qaataxantapegalo qomi' quiyim 'ue da rishoxohi quiyim liỹa huañiỹalo qomi', chaqai ỹa'xatetac da rachicoxohi quedá'maq 'ñiita caỹim. Ca' quedajo, ca' nqo'neuec da ñitoonaxac.

Filipenses 1:4

Ca quena' ñqouagaxain, 'ue quen da ñitoonaxac quena' sashiilaxanteguelgoto qamiá'ogue.

Filipenses 2:16

quiyim 'xachim da na'qaatec chicqaugui da nca'laxa. Qaiyi ma' novi' so Cristo, ca' 'ue ca ñitoonaxac ma'le caqamiri. Sa'deentari' quiyim 'ue ca ñigui da ñamaqsoxoc chaqai da ỹo'ueenataxanaxac.

Filipenses 2:20

Ma' qaica quet cá'maq 'ue ca la'deenataxanaxac 'nejem aỹim, quiyim llic ỹahotaque quet ca ra'maxahi, qaiñiita.

Filipenses 4:2

'Ue da ỹaqataxac, ñi'xoresentouguilo caua Evodia chaqai aca Síntique quiyim neuojonta', 'neetasa'lo caua nqaỹa' quiyim nañaantetot so qara'gaxala'.

Colosenses 2:5

Ma' 'eno'm se salequetauguilo qamiri, qam 'ec salequetauguilo qamiri quedá'maq se re'xogui ño'ueenataxac. Chaqai ỹaatqajam ñitoonta'peguelo qamiri ma' 'maxaraic dá'maq 'ñiitari', chaqai quiyim sqai 'xañiuec da rpi'ỹaxaguii queso Cristo.

2 Tesalonicenses 2:13

Qam qomi' se neme quiyim saanqatecshiguim qana'aachic quiñi qota'a caqamiri, ma' qamiri qanauochaxaua' qarqaỹa' queso qara'gaxala'. Ma' ñi qota'a nca'au'alo qamiri na' ñaqa 'avichiguiñi, qaiyi rca'lliuec. Qam dajo nca'laxa chicqo'ot so Espíritu Santo só'maq 'em quiyim qamiri lalamqate' ñi qota'a, chaqai chicqochigui nqai'en dá'maq ỹaatqajam llic na'qaatec dá'maq viilec.

2 Timoteo 1:4

Quena' so'leente'te da noỹenaxaqui', ca sahotaque quen quiyim seuañiraxaua', qaiyi paguec no'qaachigui aỹim queca ñitoonaxac.

Filemón 1:20

Ajá'a, qami' ỹaqaỹa, ñaqai vite ca rqouagaxa'e' caỹim, ma' qami' ipi'ỹaxaua queso qara'gaxala'. Ñaq lo'daxachirigui na iuel, ma' qami' ỹaqaỹa ipi'ỹaxaua queso Cristo.

2 Juan 1:4

Ỹaatqajam 'ue na'le da ñitoonaxac na' 'vii caua seuanejlgoto quenaua qachaalaxai', ma' ỹaatqajam queesalec dá'maq na'qaatec lliqueta, ma' chaqaida dá'maq ilarelgoto qomi' ñi qota'olec.

3 Juan 1:4

Qaica quet cá'maq paguec ỹo'uet ca ñitoonaxac, ta'ta'a quiyim sa'den quiyim na ỹaalqaipi queetalec dá'maq ỹaatqajam lliqueta.