Filipenses 1:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ma' ñi qota'a ỹa'den quiyim ỹaatqajam yqo'talo qamiri, sahote'e dá'maq sotaxaraic le'xorenataxanaxa so Jesucristo.

Filipenses 1:8 Iomraidhean Croise

Isaías 63:15

Qami' qara'gaxala', ñaq namachirañi quena piguim, quená'maq noma' co'teeta chaqai 'ue lauaq ñi'sa'ñi. ¿Negue' cá'maq hueeta'gue cá'maq chalego re'xorenataxanaxa'e' coqomi' chaqai ca rquesaxanaxa'e'? ¿Negue' ca hueeta'gue ca rauochaxa'e'? ¿Imeuo' ca rqouagaxa'e' coqomi'?

Lucas 1:78

Ma' chaqaida dá'maq le'xorenataxanaxa chaqai dá'maq lqouagaxa ñi qota'olec quiyim ỹa'uo' ca chicqo'ot nqai'en na piguim quiyim ỹaanema qomi' ỹahotaque quiyim coỹarelec ca dalaxaic na'xa'a,

Romanos 1:9

Ca' ñi qota'a, ñí'maq somato'ot añi i'taxanata quiyim sa'xatetac da na'qaataxac so llaalec, ñi'maxare ỹa'deenta quiyim se scoua'ahi qamiri quena' ñqouagaxain.

Romanos 9:1

Ỹaatqajam lliqueta da sa'xatetac, ma' ỹim mashic seuelec so Cristo chaqai se ña'majantac. Ma' da ỹa'deenataxanaxac ỹoiquentac so Espíritu Santo, ca' i'taxajñi caỹim quiyim lliqueta dá'maq sa'xat.

2 Corintios 13:9

Vichiguiño' ñitoonaq quena' qaica ca qarquesaxanaxa, qam qamiri quesaxanaxaqa. Chaqai qolqatalec quiyim ñqouagaxainqatalgoto qamiri, qaiyi vire'to' ma' ralohichiguiñi.

2 Corintios 6:12

Caqamiri ỹaatqajam qaica ca soxotqategueñi qomi', qam qamiri nauá'maq 'ue na 'xochitegueñi coqomi'.

2 Corintios 7:15

Ca so'maxare paguec da lqo'iichi caqamiri quena' ỹo'lliinchi'chi qamiri, ma' 'viichiỹo' na'le cá'maq ỹahotaque, chaqai co'na' ỹovitalo qamiri, ca' quelolliỹa, ne'xorishiñita chaqai niñiiquishiñita.

Gálatas 1:20

Ỹaatqajam se'taxachichiguiñi quiyim ỹaatqajam lliqueta dá'maq seretegueñi caqamiri, chaqai dajo ỹa'deenta ñi qota'a.

Gálatas 3:26

Ma' queda npi'ỹaxac, ca qamiá'ogue qamiri llaalqa ñi qota'a, ma' na'yiitau'a so Cristo Jesús.

Gálatas 4:19

Qamiri ỹaalqolqa, lotqai liỹa sovirau'a da nqui'ic caqamiri, shintari' aca 'aalo quena' shim ne'qaañi ca llaalec; qam shiquetalco' da i'xoric, vire'to' ma' nalogoñi quiyim 'ñiitari' so Cristo.

Filipenses 2:1

Ca no'm so Cristo ỹa'ñaxate' qamiri, chaqai da le'xorenataxanaxa lo'daxachiguilo naua qavilyi, chaqai so ne'Espíritu hueetauguilo qamiri, no'm 'yiiñii da no'daqainataxanaxac chaqai da nqouagaxa,

Filipenses 2:26

Ma' 'xoic da lishoxo quiyim qamiá'ogue iuañiỹaxaua', chaqai 'ue da liyaxa ma' qamiri 'ue ca ra'xaỹaxaguii na'le na' ralola.

Filipenses 4:1

Ca vichiguiño' qamiri ñauochaxaua' ỹaqaỹa', sahotaque ñauañiguita qamiri, ma' qamiri nauá'maq 'em 'ue da ñitoonaxac, chaqai qamiri 'ec ỹaueguec. Chaqaida 'ñiitari' quiitalec so qara'gaxala', qamiri ñauochaxaua'.

Colosenses 2:1

Ma' sahotaque quiyim 'yiiñii quiyim ỹaatqajam ña'ñaxat seloquiteguelgoto qamiri, chaqai quená'maq neeta'ñi yi Laodicea, chaqai quená'ogue ná'maq se iuanapiguiỹa'.

Colosenses 3:12

Ma' ñi qota'a i'xorene' qamiri, ca nca'au'alo qamiri ma' quiyim qamiri lalamaxarete'. Ca no'uen quiyim qamiri qouagaxanqachaqaqa, 'naxanaxaraqa, sqai qamiri nemaqajnaxaqa, nemanataxaiqa chaqai hualaqhuaqa.

1 Tesalonicenses 2:5

Qam mashic qamiri 'yiiñita quiyim se ỹauanapega llo'daqainqata'pe qamiri quecaua lo'yaxanqa qara'qaatqa, chaqai se ñañoxotqatañi quiyim sahoqotaque ñauegaq aca plata. Ca' ñi qota'a ỹaatqajam ỹa'deenta dajo.

1 Tesalonicenses 2:8

Qomi' ỹaatqajam 'xoic da qarauochaxa caqamiri. Vichiguiño' sqaidaata queto' da na'qaatec chicqo'ot ñi qota'a saanqaema qamiri, qam vire'ta dá'maq chi qanachaalataxac, ma' paguec da qarqo'iichi.

2 Timoteo 1:4

Quena' so'leente'te da noỹenaxaqui', ca sahotaque quen quiyim seuañiraxaua', qaiyi paguec no'qaachigui aỹim queca ñitoonaxac.

Filemón 1:12

Ca' sopilaqta qami', ca' coñichiguit, 'ñiisa'gue quiyim chaqaỹim ná'maq coñichiguit.

Filemón 1:20

Ajá'a, qami' ỹaqaỹa, ñaqai vite ca rqouagaxa'e' caỹim, ma' qami' ipi'ỹaxaua queso qara'gaxala'. Ñaq lo'daxachirigui na iuel, ma' qami' ỹaqaỹa ipi'ỹaxaua queso Cristo.

1 Juan 3:17

No'm 'ue ca 'óna coqomi' quiyim naloochiguiñi na louenqaipi queda nachaalataxac, ca iuane'ta ca lqaỹa ỹaatqajam 'ue da louenaxanaxa, qam se nqouaguegue ca'maxare, ¿negue' quet cá'maq 'neeta quet quiyim 'ue quet ca le'xorenataxanaxa quiñi qota'a hueetagui quet añi le'taxanata?