Filipenses 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' ỹaatqajam se'taxachichiguiñi quiyim ñi qota'a, ma' mashic ỹo'uet dá'maq 'maxaraic lo'ueenataxanaxac caqamiri, ca' se neme quiyim queetalec ỹo'ueetetac, ỹovireta'a nqai'en cá'maq na'xa'a ma' liỹa novi' so Jesucristo.

Filipenses 1:6 Iomraidhean Croise

Juan 6:29

Ca' so Jesús 'naaco': —Dá'maq ỹahotaque 'viichii ñi qota'olec, dá'maq quiyim viilec ná'maq nela' ñi'maxare.

Hechos 11:18

Ca co'na' so nqaỹaripi quiyi Jerusalén 'xaỹa dajo, ca' sá'ogue i'maxañi, ca imaqachintac ñi qota'olec. Ca 'neraco': —¡Ca chaqaido' quiyim ñi qota'olec ỹa'ue ca ledaaqa' quiyim na mesqai judío netacocha, ca'ahi naua no'ueenataxaco, qaiyi 'ue ca lca'laxa sqaica lqodoc!

Hechos 16:14

Ca 'uo' aso 'aalo leenaxat Lidia chicqa'gue da na'a' Tiatira. So'maxare imeenac na lo'yaxanec lo'lo loqquiric, naueralec da letogaxa. Aso 'aalo ỹaatqajam queetalec ñi qota'a, ca na'xaỹaxantac. Ca' ñi qara'gaxala' ỹauachigui añi le'taxanata, qaiyi na'xaỹaxane'ta da la'qaatec so Pablo.

1 Corintios 1:8

So'maxare ỹaatqajam nolliichiriñi, ỹoviraqta'guita qamiri ca lqodoc ná'ogue najo, qaiyi qaica ca ishit pataxalgoto ca nasauaxaset qamiri ma' novi' ca qara'gaxala' Jesucristo.

2 Corintios 1:15

Ca' 'eda dá'maq taateguelec da ipi'ỹaxac na'le. Ca' vichiguiño' 'ue da ỹa'deenataxanaxac quiyim 'au shicpegueto qamiri, qaiyi 'ue ca netoonaxaguii quiyim dos sovitalo qamiri.

2 Corintios 2:3

Vichiguiño' selatalo na'le qamiri aso ilaata, ma' se sahotaque quiyim 'xoic ca ỹachicoxo quiyim sovitalo qamiri, ta'ta'a quiyim 'viichii quet ca ñitoonaxac quiyim salequetauguilo qamiri. Ma' ỹim sa'deenta quiyim ñitoontac, ca' qamiá'ogue qamiri ñitoonaxaua'.

2 Corintios 7:16

Ca' ỹaatqajam 'ue da ñitoonaxac, ma' ỹaatqajam naloochiguiñi da ñaquitaxac caqamiri.

2 Corintios 9:4

'Ase' no'm 'ue ca ỹiỹa quena na'ñi na Macedonia, ca ỹoviralgoto qamiri quiyim se na'maxachitañi. Ca' 'ue ca qarayiloxo ma'le mashic shi'gue semaqachinqata'pe qamiri. Qam se sa'xataq cá'maq chi rayiloxohi queta'le qamiri.

Gálatas 5:10

Qam ỹim 'ue da ñaquitaxac queso qara'gaxala', chaqai caqamiri quiyim mesqai ỹoqa'a nqai'ñii ca ra'deenataxanaxaguii; qam ñi qota'a ỹa'ue ma'le ca nouaxanaxaset cá'maq canchaqaica sqai ỹaxana'pe qamiri.

Efesios 4:12

Ca' chaqaida 'ne'teco' na' ỹa'maxatetegueñi ná'maq lalamaxareteripi na' ỹahotaque quiyim ỹo'ueenataxanaxan, qaiyi noquiiguec na lalamaxareteripi so Cristo,

Filipenses 1:10

chaqai 'yiiñii nca'aiua'a cá'maq ỹaatqajam ỹa'maqachiguiñi. Qaiyi ỹaatqajam co'teeta da nachaalataxaguii, qaiyi qaica ca 'ue ca lasauaxaset ma' novi' so Cristo.

Filipenses 1:29

Ma' qoỹaanema qamiri da na'aachicyaxaguii ma' viilec so Cristo. Qam sqaidaata quiyim viilec so'maxare, ma' qai'neeta viriỹau'a da re'xoriguii, soviỹalec so'maxare.

Filipenses 2:12

Ca' vichiguiño' qamiri ñauochaxaua' ỹaqaỹa', quiyim chaqaida 'ñiitari' quiyim se neme na'xaỹaxañii'ta aỹim quena' salequetauguilo qamiri, ca' nagui, ca paguec quet na'xaỹaxañii'ta aỹim mashic qoỹoqo'ta aỹim. Ca nquipichiỹa'pegue' da rca'laxahi, ca niñiiquishiñii chaqai richilliỹañi.

Filipenses 2:13

Ma' ñi qota'a ñí'maq ỹaanema qamiri dá'maq no'uen viitaque chaqai ỹotauane' qamiri qaiyi shichii 'viichii, ma' chaqaida dá'maq ỹahotaque ñi'maxare.

Filipenses 2:16

quiyim 'xachim da na'qaatec chicqaugui da nca'laxa. Qaiyi ma' novi' so Cristo, ca' 'ue ca ñitoonaxac ma'le caqamiri. Sa'deentari' quiyim 'ue ca ñigui da ñamaqsoxoc chaqai da ỹo'ueenataxanaxac.

Colosenses 2:12

Ma' cana' qanachilaxane' qamiri, ca' riỹahita'ñi' na' qarishiñiñi so Cristo. Ca' quedajo, ca' qai'neeta riỹahitashi'me' so'maxare na' liỹa qanca'laxatec, ma' viilec da lquesaxanaxa ñi qota'a ñí'maq liỹa nca'laxatec na'le so'maxare.

1 Tesalonicenses 1:3

Ỹaatqajam ỹauanchiguilo qomi' ñi qota'olec quena' so'leentaxanqatac caqamiri, ma' 'xoic da rpi'ỹaxaguii quena' 'ueenataxañii, chaqai queda re'xorenataxanaxahi, ca' 'xoic da re'xoriguii, chaqai ỹaatqajam na'ñaxachii quiyim 'taxachichiguiñi da naquitaxaguii queso qara'gaxala' Jesucristo.

2 Tesalonicenses 1:11

Ca' chaqaida dá'maq 'em quiyim qomi' ñqouagaxainqatalgoto qamiri, sashiilqatac ñi qota'a quiyim ỹa'maxate'teque qamiri mashic qamiri loỹaxanqate'. Chaqai sashiilqatac ñi qota'a, ma' ñí quesaxanaxaic quiyim ipacqajanchigui ná'ogue ná'maq no'uen viitaque qamiri, chaqai ná'maq 'viichitac queda rpi'ỹaxaguii.

2 Tesalonicenses 3:4

'Ue qanaquitaxac queso qara'gaxala' quedá'maq 'viichitac chaqai quiyim quiitalec 'viichitac dá'maq selaataxanaxalec caqamiri.

Filemón 1:21

Shiriñi dajo caqami', ma' sa'deenta quiyim qami' 'xaỹaxanaxaraic, chaqai sa'den quiyim 'viichi' dá'ogue dá'maq sashiilaxantaque, qam ỹapacauec nqai'ñi'.

Hebreos 10:35

Ca' vichiguiño' qaica ca ro'chiitaque, ma' chalego lecaic ma'le ca nishiuetenaxaguii.

Hebreos 12:2

Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.

1 Pedro 5:10

Qam ma' ime quiyim cocho'qui' viriỹa'guit dajo ne'xoric, ca' ñi qota'a nachiñiñi nqai'ne' qamiri, ra'ñichiriñi, quesaxanaxaqa, qaica ỹayogote' qamiri. Chaqaiñi ñi qota'a ñí'maq ỹaanema qomi' dá'ogue da lqouagaxa chaqai roỹaxanalo qomi' quiyim ñouanqau'a da lauaq sqaica lqodoc quiyim ña'daqatau'a so Jesucristo.

2 Pedro 3:10

Qam ca loviraxaqui ma'le so qara'gaxala' ỹovita ma' sqaica ca qaỹahotaque, 'nejem ca cuataxai queetagui yi pe. Ca' ỹaatqajam qaica 'nejem ma'le ca lelamaxa na piguim ma' sogui, chaqai ná'maq hueeto'ot na piguim ỹavic ma'le queca norec, chaqai na 'laua qai'neeta ỹavic chaqai ná'ogue ná'maq hueetalec ana'maxare.