Filipenses 1:12 - La'qaatqa ñi qota'olec Qota'olec & Qota'olec Novita Na Qomyipi

¹² Qamiri ỹaqaỹa', ỹim sahotaque 'yiiñii quiyim dá'maq sovira'guit na'le, da'maxare 'ec ỹotauan da na'qaataxanaxac queda na'qaatec chicqaugui da nca'laxa.

Filipenses 1:12 Iomraidhean Croise

Ester 9:1

Ca' so na'xa'a trece queso pa'aatec shiraigo quesaua doce shiriguiri, só'maq leenaxat Adar, ca' chaqaiso viichigui quiyim qaipacqajanchigui dá'maq dalaxaic la'qaatec so nashi, chaqai viichigui qai'neeta so na'xa'a quiyim ná'maq npa'guenaxaua so judioipi ỹahotaque doxonaxan, qam lotqai na judioipi loxonqaipi so'maxare.

Lucas 21:13

Qam da'maxare ỹa'ue quiyim qamiri ya'xachitac yimaqajñitac.

Hechos 8:4

Qam ná'maq mashic qaỹo'daauec quiyi Jerusalén, ỹa'xatesaco' quen da na'qaatec chicqaugui da nca'laxa quecanchaqa tátegue.

Romanos 8:28

Sa'deenqata quiyim ñi qota'olec ỹaqatqajantari' ná'ogue nanchaqaina leloxoỹaxaquipi, ma' ỹahotaque ỹachigoxochichigui cá'maq ỹa'maqachiguiñi llicyaxac nqai'en ná'maq nqo'ta ñi'maxare, quená'maq loỹaxanqatecseripi quiyim ỹahotaque nca'laxatec.

Romanos 8:37

Qam quedá'ogue dajo senoxonaxatqauec quiyim qomi' quesaxanaxaqa, qam da qarquesaxanaxa chicqo'ot só'maq i'xorene' qomi'.

Filipenses 1:5

Ma' qamiri qai'neeta lliguiỹau'a quiyim 'xachii dá'maq na'qaatec, chicqochigui cá'maq 'auaxaic na'xa'a na' coñiguit da na'qaataxac so Jesús, chi ỹovireta'a nagui.

Filipenses 1:7

Ca 'maxaraic quiyim ỹa'deenataxanaxac dajo caqamiá'ogue, ma' 'ue da ỹoqo'iichi caqamiri, ma' nouañiỹau'a qai'neeta da qouagaxa chicqo'ot ñi qota'a, 'eno'm quiyim aỹim ncoñiiteguesec, loqo'm quiyim seloqoguit na nashillipi quiyim sqoshiilec dá'maq na'qaatec chicqaugui da nca'laxa, chaqai se'taxajñi quiyim lliqueta da'maxare.

Filipenses 2:22

Qam qamiri mashic 'yiiñii so Timoteo quiyim re'qoota da 'maxaraic no'ueenataxac chaqai dá'maq 'neeta quena' ñotauante'e' quena' sa'xatqatac da na'qaatec chicqaugui da nca'laxa, 'neetari' ca ñaalec quiyim ỹotauantac ca leta'a.

Filipenses 4:15

Ma' qamiri ñiỹa'ñi na Filipos qai'neeta 'yiiñii na' ñaqai chita'gue sa'xat da na'qaatec chicqaugui da nca'laxa na' shique'e na Macedonia, ca quená'maq mashic icoñiguit da na'qaatec qaqamita nelaritac ana rotaanaxanqachii, ma' netooñita'gue da ỹotaanaxanaxac quiyim sapaxaguine' qamiri.

Filipenses 4:3

Chaqai ma' qami' qamaxaraic ỹo'ueenataxanaxaua, ca shiñirapegaxaua' quiyim tauañi' cauajo qarqaỹa', ma' caua'maxare ỹaatqajam 'xoic da lotaanaxanaxague' caỹim na'le quiyim sa'xatqatac da na'qaatec chicqaugui da nca'laxa, chaqai so Clemente chaqai so liỹaripi ỹo'ueenataxanaxauaripi. Caua leenqate' saua'maxare shi'gue qoỹeresalec aso nelere ñi qota'a nca'laxalate.

1 Timoteo 2:8

Vichiguiño' sahotaque quiyim ná'ogue na qomyipi quiyim nqouagaxain, ca' ỹachaxansashiguim naua laua', qam ỹaatqajam nachinchiguiñi añi le'taxanata, sqai hueeto'ot ca lonogoxonaxac, chaqai se nco'uaate'e' ca liỹa.

2 Timoteo 2:9

Ca' chaqaida dá'maq 'em ña'ñaxachiguit da i'xoric, ca' chi ỹovireta'a quiyim qaycoñiretari', qohinta'gue quiyim 'ec aỹim 'xoic ca ỹasauaxaset. Qam da la'qaatec ñi qota'a se ncoñiretari'.

2 Timoteo 4:17

Qalaxam ñi qara'gaxala' Jesús yotauan, ca ỹo'uet ca ỹa'ñaxac quiyim yipaquejlec quiyim sa'xat da na'qaatec chicqaugui da nca'laxa, qaiyi 'xaỹa dajo ná'ogue ná'maq sqai judioipi. Ca' chaqaida 'neeta quiyim so qara'gaxala' nca'laxatec aỹim quesó'maq toxonaxai.