Filipenses 1:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ chaqai 'yiiñii nca'aiua'a cá'maq ỹaatqajam ỹa'maqachiguiñi. Qaiyi ỹaatqajam co'teeta da nachaalataxaguii, qaiyi qaica ca 'ue ca lasauaxaset ma' novi' so Cristo.

Filipenses 1:10 Iomraidhean Croise

Génesis 20:5

Ma' chaqaiñi ñí'maq Abraham ñí'maq 'naac quiyim lqaỹa añi 'aalo, chaqai añi'maxare qai'neeta 'naac lqaỹa ñi'maxare. Ca' chaqaida dá'maq 'neeta quiyim seuelec, ca' qaica ca so'uet se ỹa'maxañi.

Miqueas 3:2

Qam qamiri se rqo'chiỹa ná'maq no'uen chaqai ỹaatqajam rqo'chiỹa na se no'uen; colahi na ỹalamaxareteripi chaqai mashic selaxachi'teguelo naua lpi'naqa.

Mateo 16:23

Qam so Jesús naqalgoxoñi, ca 'naaco' queso Pedro: —¡Qami' na'ỹaapec, oquire'e aỹim! Ma' yo'taxachi'sac. Da ra'deenataxanaxaqui' sqai 'nejem da la'deenataxanaxac ñi qota'olec, ta'ta'a quiyim chaqai qom la'deenataxanaxac.

Mateo 26:33

Co'na'le, ca' so Pedro 'naaco': —'Eno'm ná'ogue palac da lpi'ỹaxac caqami', qam ỹim 'e'.

Juan 1:47

Ca co'na' so Jesús iuañi'chiguit so Natanael tot qoỹoxoguit, ca 'naaco': —'Ena ná'maq ỹaatqajam llic llaalec so Israel, na'maxare sqai 'maatqaic.

Juan 3:20

Ma' ná'ogue ná'maq ỹo'ueetetac na se no'uen ỹaatqajam loquiiaxat so ncoỹeraxanaxat, chaqai se nqo'neu'a so'maxare, qaiyi se re'xoi' naua se no'viiñi ỹo'ueeteta'pe.

Hechos 24:16

Vichiguiño' yiuogoq quiyim qaica ca ñauataque ỹasauaxaset quiñi qota'olec chaqai quena qomyipi.

Romanos 12:2

Totaxan quiita'pegue' da no'ueenataxac ná'maq hueetalec na 'laua; ta'ta'a quiyim dalaxachii' naua ra'deenataxanaxagohi, qaiyi dalaxaic dá'ogue da nachaalataxaguii, qaiyi 'yiiñii dá'maq ỹahotaque ñi qota'olec, 'neetasa': cá'maq ỹa'maqachiguiñi, chaqai cá'maq ỹa'maxarenta ñi'maxare, chaqai cá'maq 'maxaraic naloochiguiñi.

Romanos 12:9

Ỹaatqajam 'chichiguiñi nqai'ñii da re'xorenataxanaxahi quiñi 'óna queca liỹa. Se rqo'chiỹa dá'maq se no'uen, ca' quii'uegue dá'maq lo'yaxanec.

Romanos 16:17

Ñi'xoresentouguilo qamiri ỹaqaỹarolqa, quiyim na'ijñii'tegue cá'maq reuacqataxantac chaqai cá'maq ro'taqataxantac. Ma' ca'maxare 'eco' npa'guente'e' dá'maq shi'gue 'yiiñii napaxaguinataxaguii. Noỹoochiuec queca'maxare.

Romanos 2:18

Chaqai 'yiiñite' dá'maq ỹahotaque ñi'maxare, chaqai na naqataxaquipi ỹapaxaguinegue qami' dá'maq ỹa'maqachiguiñi.

Romanos 7:16

Qam no'm cá'maq se yqo'ta quiyim so'uet, ca' chaqaica cá'maq so'ueetetac, ca' yitan quiyim 'maxaraic na naqataxaquipi.

Romanos 7:22

Ma' ñí'maq pa'aatauo caỹim ỹaatqajam nqo'ta da naqataxaquipi chicqo'ot ñi qota'a;

Romanos 8:7

Ná'maq ỹa'deentapega da lo'ueenataxanaxac na loshicmaxa, ca' npa'guenaxaua ñi qota'a, ma' se nqo'ta chaqai qalana'a quiyim quelgoto naua laqataxaco.

1 Corintios 1:8

So'maxare ỹaatqajam nolliichiriñi, ỹoviraqta'guita qamiri ca lqodoc ná'ogue najo, qaiyi qaica ca ishit pataxalgoto ca nasauaxaset qamiri ma' novi' ca qara'gaxala' Jesucristo.

1 Corintios 10:32

Mesqai viitaque quiyim 'ue ca huaañi nqai'ñii quena judío laseripi, loqo'm ca sqai judío le'ec, loqo'm quena mashic icoñiguit da la'qaatec ñi qota'a.

1 Corintios 8:13

Vichiguiño' no'm aỹim chicqochigui quiyim ca ỹaqaỹa 'ue ca lasauaxaset sauaxat ca na'ic quiyim sa'ic, 'maxaraic quiyim tot sa'ic ca la'at, qaiyi qaica ca 'ue ca lasauaxaset.

2 Corintios 1:12

Ca dá'maq ỹo'uet da qanetoonaxac 'neetasa': quiyim queda chi qano'ueenataxac sa'deenqata quiyim ña'maxatqata qolqatalec dá'maq ỹaatqajam leloxoỹaxac da na'qaatec na' ñaq salecqataugui ná'ogue na qomyipi quena 'laua, qam paguec na' salecqatauguilo qamiri. Ca' quedá'maq lqouagaxa ñi qota'a, ca qarotauantac quiyim shinqatari' dajo, qam dajo mesqai chicqaugui da chi qara'deenaxanaxa.

2 Corintios 2:17

Qam qomi' mesqai 'ec semeenqata'pe naua la'qaatqa ñi qota'a, chaqai mesqai shinqata na liỹa ma' 'xoic na ỹashaxandec yaua na'qaatqa. Ta'ta'a quiyim qaraqamqata queda sa'xatqatac, ca ỹa'deente' qomi' ñi qota'a, ma' qomi' lelaatqa ñi'maxare quiyim so'ueenataxanqot so Cristo.

2 Corintios 6:3

Ca qaica quet cá'maq sahoqotaque quiyim 'ue quet ca 'ue ca ỹa'paxat, qaiyi qaica cá'maq se no'uen qaỹa'xat queda qaro'ueenataxanaxac.

2 Corintios 8:8

Shinac dajo, qam se ilaataxanaxac. Ta'ta'a quiyim sahotaque 'yiiñii ca na'ñaaqataxac cá'maq riỹahi, qaiyi re'oq dá'maq re'xorenataxanaxahi ỹaatqajam 'chichiguiñi.

Gálatas 5:11

Qamiri ỹaqaỹa', dá'maq 'neeta caỹim, ma' quetqai ñaqai shiqueteguelec quiyim qaỹa'ue ca netanec na loshicmaxa na qom, ca' se yocantac quet nagui na judioipi; ma' queta' 'neeta dajo, ca' dá'maq na'qaatec quet na' qaipateno so Cristo se ro'o quet nqai'en na judioipi.

Efesios 4:15

Ta'ta'a quiyim sa'xatqatac ca lliqueta quedá'maq leloxoỹaxac ca ne'xorenataxanaxa, qolqatalec quiyim ñaqtetauec ná'ogue nanchaqaina quiyim ña'daqatau'a so Cristo ma' chaqaiso só'maq lqahic na noshicmaxa, qam sojo noshicmaxa chaqainaua nauá'maq qomi'.

Efesios 5:10

Reuogoxoỹa'pegue' quiyim 'yiiñii ca leloxoỹaxac cá'maq ỹa'maxarenta so qara'gaxala'.

Efesios 5:27

qaiyi ma' ỹovita quiyim nachaxana'a nqai'en so'maxare ná'maq mashic icoñiguit da na'qaatec, ca ỹaatqajam co'teeta, qaca aca lete, chaqai ca lesoỹaxa, chaqai canchaqaica 'nejem da'maxare. Ta'ta'a quiyim co'teeta chaqai naloochiguiñi.

Efesios 6:24

Ca' ñi qota'a ỹaanem ma'le ca no'uen llicyaxac cá'maq nqo'ta so qara'gaxala' Jesucristo quiyim se ỹoỹoota'a cá'maq lqo'iichi queso'maxare. Ajá'a, ca' chaqaida 'neeta dajo.

Filipenses 1:16

'Ue na chi ỹa'xatetac so Cristo, ma' 'ue ca naquitetaque. Ca' se ỹaqamqata, ma' ỹahotaque quiyim lama'xa ypataxañi nagui ma' mashic ỹim ncoñiiteguesec.

Filipenses 1:6

Ca' ỹaatqajam se'taxachichiguiñi quiyim ñi qota'a, ma' mashic ỹo'uet dá'maq 'maxaraic lo'ueenataxanaxac caqamiri, ca' se neme quiyim queetalec ỹo'ueetetac, ỹovireta'a nqai'en cá'maq na'xa'a ma' liỹa novi' so Jesucristo.

Filipenses 2:16

quiyim 'xachim da na'qaatec chicqaugui da nca'laxa. Qaiyi ma' novi' so Cristo, ca' 'ue ca ñitoonaxac ma'le caqamiri. Sa'deentari' quiyim 'ue ca ñigui da ñamaqsoxoc chaqai da ỹo'ueenataxanaxac.

1 Tesalonicenses 3:13

Ñi'maxare ỹotauanque qamiri quiyim ỹa'ñaxat ca ra'deenataxanaxaguii, qaiyi shichii quiyim nañaañiỹot chaqai sqaica ca rasauaxashichii hueeto'ot ñi qota'olec, ma' novi' so qara'gaxala' Jesús, liỹaatac ná'ogue na lalamqateripi.

1 Tesalonicenses 5:21

Qam 'guiñii ná'ogue, ca cá'maq ỹa'maqachiguiñi, ca' chaqaica cá'maq 'maxachii.

1 Tesalonicenses 5:23

Ca' ñi qota'a, ñí'maq chicqo'ot da na'maxa, chaqaiñi ñí'maq co'taxate' qamiri, chaqai ỹa'maxajñi dá'ogue da no'ueenataxaguii, qaiyi qaica ca rasauaxashichii nqai'en, chi ỹovireta'a ca loviraxac so qara'gaxala' Jesucristo.

Josué 24:14

—Ca' vichiguiño' quedá'ogue dajo, ỹaatqajam ro'chiỹa ma'le ñi qara'gaxala', chaqai ỹaatqajam quiijlec. Ca' ỹaatqajam 'xañiñi na nqouagaxaintacot nqolaquipi so 'auaxaic qataa'illipi queda lahi yi Eufrates chaqai quiyi Egipto, ca' ỹaatqajam quiilec ñi qara'gaxala' qota'olec.

1 Juan 4:1

Qamiri ỹaqaỹarolqa, 'neeto' viilec ná'ogue ná'maq 'naac mashic qaretaqaugui quiñi qota'a, ta'ta'a quiyim 'guiñii, no'm chaqaiño' ñí'maq ne'Espíritu ñi qota'a ñí'maq neetagui, loqo'm 'e'. Ma' na 'laua mashic sham no'xalec quena 'maatqaiquipi quená'maq 'naac mashic qaretaqaugui quiñi qota'a.

Apocalipsis 2:2

Ỹim sa'den ná'ogue ná'maq 'viichi'sac, chaqai seuana dá'maq na'ñaaqataxaqui', chaqai da reualaxaviqui'. Chaqai sa'den quiyim se ỹa'ñaxachigui qavilli' na loic na hualoxonyipi. Sa'den qai'neeta quiyim 'guiñi' ná'maq 'naac lelaatqaipi so Jesús, qam sqai llic, ca' 'yiiñi' quiyim na'maxare 'maatqaiquipi.